ಪ್ರಧಾನಿ ಮೋದಿಗೆ ಶಶಿ ತರೂರ್​ ಶ್ಲಾಘನೆ; ಹಿಂದಿನ ಘಟನೆ ಮೆಲುಕು ಹಾಕಿದ ಬಿಜೆಪಿ ವಕ್ತಾರ, ಏನಿದು ಫತ್ವಾ ವಿವಾದ..? | Shashi Tharoor

ತಮ್ಮ ಎಕ್ಸ್​ ಖಾತೆಯಲ್ಲಿ ಪೋಸ್ಟ್​ ಹಂಚಿಕೊಂಡಿರುವ ಬಿಜೆಪಿ ವಕ್ತಾರ ಶೆಹಜಾದ್ ಪೂನಾವಾಲಾ, ಈ ಹಿಂದೆ ಶಶಿ ತರೂರ್​ ಬಿಜೆಪಿಯ ಹಿರಿಯ ಎಲ್.ಕೆ. ಅಡ್ವಾಣಿ ಅವರನ್ನು ಹೊಗಳಿದಾಗ ಫತ್ವಾ (ಅಸಹಿಷ್ಣುತೆಯನ್ನು ಸೂಚಿಸುವ ತೀರ್ಪು ಅಥವಾ ಸುಗ್ರೀವಾಜ್ಞೆ) ಹೊರಡಿಸಿದ್ದನ್ನು ಉಲ್ಲೇಖಿಸಿದ್ದು, ಎಲ್.ಕೆ. ಅಡ್ವಾಣಿಯನ್ನು ಹೊಗಳಿದ್ದಕ್ಕಾಗಿ ಮತ್ತು ವಂಶಪಾರಂಪರ್ಯ ರಾಜಕೀಯದ ವಿರುದ್ಧ ಬರೆದಿದ್ದಕ್ಕಾಗಿ ಶಶಿ ತರೂರ್ ಪಕ್ಷದಿಂದ ಟೀಕೆ ಎದುರಿಸಿದ್ದರು.

ಶಶಿ ತರೂರ್ ಪ್ರಧಾನಿ ಮೋದಿಯವರ ಭಾಷಣವನ್ನು ಹೊಗಳುತ್ತಾರೆ, ಇತ್ತ ನಿರೀಕ್ಷೆಯಂತೆ ಕಾಂಗ್ರೆಸ್ ಅವರ ವಿರುದ್ಧ ವಾಗ್ದಾಳಿ ನಡೆಸುತ್ತದೆ. ಕಳೆದ ಸಲ ಎಲ್.ಕೆ. ಅಡ್ವಾಣಿ ಅವರನ್ನು ಬೆಂಬಲಿಸಿದ್ದಾಗ, ಅವರ ಪಕ್ಷದ ನಾಯಕರು ತರೂರ್​ ವಿರುದ್ಧ ಫತ್ವಾ ಹೊರಡಿಸಿದ್ದರು. ತರೂರ್​ ವಂಶಪಾರಂಪರ್ಯ ರಾಜಕೀಯದ ಬಗ್ಗೆ ಲೇಖನ ಬರೆದರು ಮತ್ತು ಅದನ್ನು ನಿಂದಿಸಲಾಯಿತು. ಕಾಂಗ್ರೆಸ್ ಐಎನ್‌ಸಿ, ಇಂದಿರಾ ನಾಜಿ ಕಾಂಗ್ರೆಸ್. ಪರಿವಾರದ ಹಿತಾಸಕ್ತಿಯಲ್ಲ, ರಾಷ್ಟ್ರೀಯ ಹಿತಾಸಕ್ತಿಯ ನಿಲುವನ್ನು ತೆಗೆದುಕೊಳ್ಳುವ ಯಾರನ್ನೂ ಅದು ಸಹಿಸುವುದಿಲ್ಲ ಎಂದು ಹೇಳಿದರು.

ಭಾಷಣದ ಮಹತ್ವದ ಭಾಗವು ಮೆಕಾಲೆ ಅವರ 200 ವರ್ಷಗಳ ಗುಲಾಮ ಮನಸ್ಥಿತಿಯ ಪರಂಪರೆಯನ್ನು ಉರುಳಿಸಲು ಮೀಸಲಾಗಿತ್ತು. ಭಾರತದ ಪರಂಪರೆ, ಭಾಷೆಗಳು ಮತ್ತು ಜ್ಞಾನ ವ್ಯವಸ್ಥೆಗಳಲ್ಲಿ ಹೆಮ್ಮೆಯನ್ನು ಪುನಃಸ್ಥಾಪಿಸಲು ಪ್ರಧಾನಿ ಮೋದಿ 10 ವರ್ಷಗಳ ರಾಷ್ಟ್ರೀಯ ಧ್ಯೇಯಕ್ಕೆ ಮನವಿ ಮಾಡಿದರು ಎಂದು ತರೂರ್ ತಮ್ಮ ಪೋಸ್ಟ್‌ನಲ್ಲಿ ಸೇರಿಸಿಕೊಂಡಿದ್ದಾರೆ.

ಕಾಂಗ್ರೆಸ್ ಮತ್ತು ಸಂಸದ ಶಶಿ ತರೂರ್ ನಡುವೆ ಎಲ್ಲವೂ ಸರಿ ಇಲ್ಲ ಎಂಬ ಚರ್ಚೆಗಳ ನಡುವೆ ಈ ಹೊಸ ವಿವಾದ ಹುಟ್ಟಿಕೊಂಡಿದ್ದು, ಈ ಹಿಂದೆ ಅಡ್ವಾಣಿಯವರನ್ನು ಹೊಗಳುವುದು ಅಥವಾ ಕುಟುಂಬ ರಾಜಕೀಯದ ನ್ಯೂನತೆಗಳನ್ನು ಎತ್ತಿ ತೋರಿಸುವ ಲೇಖನವಾಗಿರಲಿ, ತರೂರ್​ರ ಅಭಿಪ್ರಾಯಗಳು ವಿವಾದಗಳಾಗಿ ರೂಪತಳೆದಿವೆ.

ಈ ವಿಷಯವಾಗಿ ಕಾಂಗ್ರೆಸ್, ಶಶಿ ತರೂರ್ ವಿರುದ್ಧ ಯಾವುದೇ ಕಠಿಣ ಕ್ರಮ ಕೈಗೊಳ್ಳದಿದ್ದರೂ ಅಥವಾ ಯಾವುದೇ ನೋಟಿಸ್​ ನೀಡದಿದ್ದರೂ, ಅದರ ಕೆಲವು ಎರಡನೇ ಹಂತದ ನಾಯಕರು ತರೂರ್​ ವಿರುದ್ಧ ವಾಗ್ದಾಳಿ ನಡೆಸುತ್ತಲೇ ಇದ್ದಾರೆ(ಏಜೆನ್ಸಿಸ್​).