ಕಾಂಗ್ರೆಸ್‌ಗೆ ನುಸುಳುಕೋರರೇ ಓಟ್​ಬ್ಯಾಂಕ್​; ಅಸ್ಸಾಂನ ಅಸ್ಮಿತೆ ಉಳಿಸಲು ಬಿಜೆಪಿ ಸಿದ್ಧ: ಅಮಿತ್ ಶಾ | Amit Shah

ಅಸ್ಸಾಂ: ದೇಶಾದ್ಯಂತ ನುಸುಳುಕೋರರನ್ನು ತೆಗೆದುಹಾಕಲು ಭಾರತೀಯ ಜನತಾ ಪಕ್ಷ (ಬಿಜೆಪಿ) ಬದ್ಧವಾಗಿದ್ದು, ಅಸ್ಸಾಂನ ಐತಿಹಾಸಿಕ ಬಟದ್ರಾವ ಥಾನ್‌ನ ಪುನರಾಭಿವೃದ್ಧಿ ಅಕ್ರಮ ಅತಿಕ್ರಮಣದ ವಿರುದ್ಧ ಸರ್ಕಾರದ ದೃಢಸಂಕಲ್ಪದ ಪ್ರಮುಖ ಉದಾಹರಣೆಯಾಗಿದೆ  ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ (Amit Shah) ಹೇಳಿದರು.

ಅಸ್ಸಾಂನ ನಾಗಾಂವ್‌ನಲ್ಲಿ ಬಟದ್ರಾವ ಸಾಂಸ್ಕೃತಿಕ ಯೋಜನೆಯನ್ನು ಉದ್ಘಾಟಿಸಿದ ನಂತರ ಸಭೆಯನ್ನುದ್ದೇಶಿಸಿ ಮಾತನಾಡಿದ ಕೇಂದ್ರ ಸಚಿವರು, ಪೂಜ್ಯ ವೈಷ್ಣವ ಸಂತ ಮತ್ತು ಸಮಾಜ ಸುಧಾರಕ  ಶ್ರೀಮಂತ ಶಂಕರದೇವ ಅವರ ಜನ್ಮಸ್ಥಳದಲ್ಲಿ ಬಾಂಗ್ಲಾದೇಶಿ ನುಸುಳುಕೋರರು ಇರಲು ಯಾರು ಕಾರಣ ಎಂದು ನಾನು ಹೇಳಬೇಕಿಲ್ಲ ಎಂದರು.

ಒಂದು ಲಕ್ಷಕ್ಕೂ ಹೆಚ್ಚು ಬಿಘಾ ಭೂಮಿಯನ್ನು ನುಸುಳುಕೋರರಿಂದ ಮುಕ್ತಗೊಳಿಸಲಾಗಿದೆ, ಕಾಂಗ್ರೆಸ್ ಇಷ್ಟು ವರ್ಷಗಳ ಕಾಲ ದೇಶವನ್ನು  ಆಳಿತು. ಆದರೆ ಅಸ್ಸಾಂ ಚಳುವಳಿಗಾಗಿ ಪ್ರಾಣ ನೀಡಿದವರಿಗೆ ಅದು ಏನನ್ನೂ ಮಾಡಲಿಲ್ಲ. ಅಸ್ಸಾಂನ ಜನರು, ಸಂಸ್ಕೃತಿ ಮತ್ತು ಗುರುತನ್ನು ಬೆದರಿಸುವ ನುಸುಳುಕೋರರನ್ನು ಕಾಂಗ್ರೆಸ್ ತನ್ನ ಮತಬ್ಯಾಂಕ್ ಆಗಿ ಪರಿಗಣಿಸಿತು ಎಂದು ಆರೋಪಿಸಿದರು.

ಬಟದ್ರವ ಥಾನ್​ನ್ನು ಅಸ್ಸಾಮಿ ಏಕತೆ ಮತ್ತು ಸಾಮರಸ್ಯದ ಸಂಕೇತವೆಂದು ಶಾ ಬಣ್ಣಿಸಿದರು, ಇದು ಶ್ರೀಮಂತ ಶಂಕರದೇವರು ಪ್ರಚಾರ ಮಾಡಿದ ನವ-ವೈಷ್ಣವ ಧರ್ಮದ ಜೀವಂತ ಉದಾಹರಣೆಯಾಗಿದೆ ಎಂದು ಕರೆದರು. ಇದು ಕೇವಲ ಪೂಜಾ ಸ್ಥಳವಲ್ಲ ಅಸ್ಸಾಮಿ ಸಾಮರಸ್ಯದ ಸಂಕೇತವಾಗಿದ್ದು, ಎಲ್ಲಾ ಸಮುದಾಯಗಳ ಜನರು ಇಲ್ಲಿಗೆ ಬರುತ್ತಾರೆ ಎಂದು ಅವರು ಹೇಳಿದರು,(ಏಜನ್ಸೀಸ್).