ಸಾಮಾನ್ಯವಾಗಿ ಕಬ್ಬಿಣದ ಬಳಕೆ ಮತ್ತು ಉತ್ಪಾದನೆ ಟರ್ಕಿ ದೇಶದಲ್ಲಿ ಆರಂಭವಾಯಿತು ಎಂದು ನಂಬಲಾಗಿತ್ತು. ಆದರೆ ತಮಿಳುನಾಡಿನ ಶಿವಗಲೈ ಸೇರಿದಂತೆ ವಿವಿಧೆಡೆ ಪತ್ತೆಯಾದ ಪುರಾವೆಗಳು ಈ ವಾದವನ್ನು ಸುಳ್ಳಾಗಿಸಿವೆ. ಈ ಈಟಿಗಳು ಮತ್ತು ಉಪಕರಣಗಳು ಕ್ರಿ.ಪೂ. 3,345 ರಷ್ಟು ಹಳೆಯದು ಎಂದು ಅಂದಾಜಿಸಲಾಗಿದೆ. ಅಂದರೆ ಸುಮಾರು 5000 ವರ್ಷಗಳ ಹಿಂದೆಯೇ ಭಾರತೀಯರಿಗೆ ಕಬ್ಬಿಣದ ಅದಿರನ್ನು ಕರಗಿಸಿ ಆಯುಧ ಮಾಡುವ ಕಲೆ ಕರಗತವಾಗಿತ್ತು!. ಈ ಲೋಹದ ತಂತ್ರಜ್ಞಾನದ ವಿಕಾಸವನ್ನು ತಿಳಿಯಲು ತಮಿಳುನಾಡು ಪುರಾತತ್ವ ಇಲಾಖೆಯು ಐಐಟಿ ಗಾಂಧಿನಗರದ ಲೋಹಶಾಸ್ತ್ರ ವಿಭಾಗದೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದು, ಮುಂದಿನ ಎರಡು ವರ್ಷಗಳ ಕಾಲ ರಾಜ್ಯಾದ್ಯಂತ ಅಧ್ಯಯನ ನಡೆಸಲಿದೆ ಎಂದು ವರದಿ ಉಲ್ಲೇಖಿಸಿದೆ.
