ರಷ್ಯಾದಲ್ಲಿ ಕಸ ಗುಡಿಸುತ್ತಿರುವ ಭಾರತೀಯ ಟೆಕ್ಕಿ: ತಿಂಗಳಿಗೆ 1 ಲಕ್ಷ ಸಂಬಳ! | Russia

ಮುಖೇಶ್ ಮಂಡಲ್ ಅವರು ಈ ಹಿಂದೆ ಕೃತಕ ಬುದ್ಧಿಮತ್ತೆ (AI), ಚಾಟ್‌ಬಾಟ್‌ಗಳು ಮತ್ತು GPT ತಂತ್ರಜ್ಞಾನಗಳ ಮೇಲೆ ಕೆಲಸ ಮಾಡಿದವರು. ಆದರೆ, ಬದಲಾದ ಆರ್ಥಿಕ ಪರಿಸ್ಥಿತಿ ಮತ್ತು ರಷ್ಯಾದಲ್ಲಿ ಉಂಟಾಗಿರುವ ಕಾರ್ಮಿಕರ ಕೊರತೆಯಿಂದಾಗಿ ಅವರು ಈ ಅಸಾಂಪ್ರದಾಯಿಕ ಕೆಲಸವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ರಷ್ಯಾದ 'ಕೊಲೊಮ್ಯಾಜ್ಸ್ಕೊಯ್' (Kolomyazhskoye) ಎಂಬ ರಸ್ತೆ ನಿರ್ವಹಣಾ ಸಂಸ್ಥೆಯು ಇವರನ್ನು ನೇಮಿಸಿಕೊಂಡಿದೆ.

ರಷ್ಯಾದ ಮಾಧ್ಯಮಗಳ ವರದಿಯ ಪ್ರಕಾರ, ಮುಖೇಶ್ ಮತ್ತು ಅವರ ತಂಡಕ್ಕೆ ಸಿಗುತ್ತಿರುವ ಸೌಲಭ್ಯಗಳು ಹೀಗಿವೆ ವೇತನ: ತಿಂಗಳಿಗೆ ಸುಮಾರು 1 ಲಕ್ಷದಿಂದ 1.1 ಲಕ್ಷ ರೂಪಾಯಿ (1,00,000 ರೂಬಲ್ಸ್). ಇತರ ಸೌಲಭ್ಯ: ಕಂಪನಿಯೇ ಉಚಿತ ವಸತಿ, ಊಟ, ಸುರಕ್ಷತಾ ಉಡುಪು ಮತ್ತು ಸಾರಿಗೆ ವ್ಯವಸ್ಥೆಯನ್ನು ಕಲ್ಪಿಸಿದೆ.

ತಂಡ: ಮುಖೇಶ್ ಅವರ ಜೊತೆಗೆ ಒಟ್ಟು 17 ಭಾರತೀಯರು ಈ ಕೆಲಸಕ್ಕೆ ಸೇರಿಕೊಂಡಿದ್ದು, ಅವರಲ್ಲಿ ವಾಸ್ತುಶಿಲ್ಪಿಗಳು ಮತ್ತು ತಂತ್ರಜ್ಞರು ಕೂಡ ಇದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಮುಖೇಶ್, "ಕೆಲಸವು ದೈವಕ್ಕೆ ಸಮಾನ. ಭಾರತೀಯನಾಗಿ ನನಗೆ ಕೆಲಸ ಚಿಕ್ಕದು ಅಥವಾ ದೊಡ್ಡದು ಎಂಬ ಭೇದವಿಲ್ಲ. ಶೌಚಾಲಯವಿರಲಿ ಅಥವಾ ರಸ್ತೆಯಿರಲಿ, ನೀಡಿದ ಜವಾಬ್ದಾರಿಯನ್ನು ಅಚ್ಚುಕಟ್ಟಾಗಿ ನಿರ್ವಹಿಸುವುದು ನನ್ನ ಕರ್ತವ್ಯ. ಒಂದು ವರ್ಷ ಇಲ್ಲಿ ಕೆಲಸ ಮಾಡಿ ಹಣ ಉಳಿಸಿ, ಮತ್ತೆ ಭಾರತಕ್ಕೆ ಮರಳಿ ನನ್ನ ವೃತ್ತಿ ಮುಂದುವರಿಸುವ ಗುರಿ ಹೊಂದಿದ್ದೇನೆ," ಎಂದು ಆತ್ಮವಿಶ್ವಾಸದಿಂದ ಹೇಳಿದ್ದಾರೆ,(ಏಜೆನ್ಸೀಸ್​).