ಹಳಿ ಮೇಲೆ ಬಿದ್ದ ದುಪಟ್ಟಾ ತರಲು ವೃದ್ಧ ಮಾಡಿದ್ದೇನು ಗೊತ್ತಾ? ಆ ವಿಡಿಯೋ ನೋಡಿದ್ರೆ ಶಾಕ್​ ಆಗೋದಂತೂ ಗ್ಯಾರಂಟಿ! Dupatta Story

ಡಿಜಿಟಲ್ ಕಂಟೆಂಟ್ ಕ್ರಿಯೇಟರ್ ಆಗಿರುವ ಇಂದಾ ನವದೆಹಲಿಯ ರೈಲ್ವೆ ನಿಲ್ದಾಣದಲ್ಲಿ ರೈಲು ಹತ್ತಿ ಬಾಗಿಲಿನ ಬಳಿ ನಿಂತು ತಮ್ಮ ಕ್ಯಾಮರಾವನ್ನು ಸರಿಹೊಂದಿಸಲು ಪ್ರಯತ್ನಿಸುತ್ತಿದ್ದರು. ಈ ವೇಳೆ ಅವರ ಅಜಾಗರೂಕತೆಯಿಂದ ಅವರ ದುಪ್ಪಟ ನೇರವಾಗಿ ರೈಲು ಮತ್ತು ಪ್ಲಾಟ್​ಫಾರ್ಮ್​ ನಡುವಿನ ಕಿರಿದಾದ ಅಂತರದ ಮೂಲಕ ಹಳಿಯ ಮೇಲೆ ಬಿದ್ದಿತ್ತು.

ರೈಲು ಇನ್ನೇನು ಹೊರಡಲು ಕೆಲವೇ ಕ್ಷಣಗಳ ಬಾಕಿ ಇರುವಾಗ ಏನು ಮಾಡಬೇಕೆಂದು ತೋಚದೆ ಇಂದಾ ಕಂಗಾಲಾಗಿದ್ದರು. ಈ ವೇಳೆ ಅಲ್ಲಿ ಹಾದುಹೋಗುತ್ತಿದ್ದ ವ್ಯಕ್ತಿಯೊಬ್ಬರು ಪರಿಸ್ಥಿತಿಯನ್ನು ತ್ವರಿತವಾಗಿ ನಿರ್ಣಯಿಸಿ ಕಾಯುವಂತೆ ಸೂಚನೆ ನೀಡಿದರು. ಮೊದಲಿಗೆ ತಮ್ಮ ಕೈಗಳಿಂದ ಬಟ್ಟೆಯ ಉಡುಪನ್ನು ಹೊರತೆಗೆಯಲು ಪ್ರಯತ್ನಿಸಿದರೂ ಅದು ಸಾಧ್ಯವಾಗದ ಕಾರಣ ರೈಲ್ವೆ ಹಳಿಗೆ ಇಳಿದು ದುಪ್ಪಟವನ್ನು ತೆಗೆದು ಮಹಿಳೆಗೆ ವಾಪಸ್ಸು ನೀಡಿದರು.

ಇಂದಾ ಸಂಪೂರ್ಣ ದೃಶ್ಯವನ್ನು ಚಿತ್ರೀಕರಿಸಿದ ಇಂದಾ ಆ ವ್ಯಕ್ತಿ ನನಗೆ ನಿಜವಾಗಿಯೂ ಸಹಾಯ ಮಾಡುತ್ತಾರೆ ಎಂದು ಎಂದಿಗೂ ನಿರೀಕ್ಷಿಸಿರಲಿಲ್ಲ. ಪ್ರಮಾಣಿಕವಾಗಿ ಹೇಳಬೇಕೆಂದರೆ, ನಾನು ಏನು ಮಾಡಬೇಕೆಂದು ತಿಳಿಯದೆ ಗೊಂದಲಕ್ಕೀಡಾಗಿದ್ದೆ. ಈ ರೀತಿ ಸಹಾಯ ಪಡೆದಿದ್ದಕ್ಕಾಗಿ ತುಂಬಾ ವಿಷಾದವಿದೆ ಎಂದು ಇಂದಾ ಹೇಳಿದ್ದಾರೆ.

ಆದಾಗ್ಯೂ, ರಾಹುಲ್ ಸರಿಯಾದ ಸಮಯಕ್ಕೆ ಬಂದರು!! ಎಂದು ಆ ಮಹಿಳೆ ವೀಡಿಯೊಗೆ ಶೀರ್ಷಿಕೆ ನೀಡಿದ್ದು, 1998 ರ ಕುಚ್ ಕುಚ್ ಹೋತಾ ಹೈ ಚಿತ್ರದ ಶಾರುಖ್ ಖಾನ್ ಪಾತ್ರಕ್ಕೆ ರಾಹುಲ್ ಅನ್ನು ಹೋಲಿಸಿದ್ದಾರೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಶ್ಲಾಘಿಸಿದ್ದಾರೆ. ಒಬ್ಬ ಬಳಕೆದಾರರು, ಆ ವ್ಯಕ್ತಿ ಸಹಾಯ ಮಾಡಿದ ನಂತರ ಯಾವುದೇ ಪ್ರಶಂಸೆ ಅಥವಾ ಕೃತಜ್ಞತೆಯ ನಿರೀಕ್ಷೆ ಮಾಡದೆ ಸುಮ್ಮನೆ ತನ್ನ ದಾರಿಯಲ್ಲಿ ಮುಂದೆ ಹೋದರು ಇದು ಅವರ ನಿಸ್ವಾರ್ಥ ಗುಣವನ್ನು ತೋರಿಸುತ್ತದೆ ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರರು ಅವರು ಸಹಾಯ ಮಾಡುವ ಭರದಲ್ಲಿ ಮಹಿಳೆಯನ್ನು ಮುಟ್ಟಲು ಹೋಗಲಿಲ್ಲ ಅಥವಾ ಅಸಭ್ಯವಾಗಿ ವರ್ತಿಸಲಿಲ್ಲ. ಅವರ "ಸಂಭಾವಿತ" ನಡವಳಿಕೆಯೇ ಈಗ ಎಲ್ಲರ ಮೆಚ್ಚುಗೆಗೆ ಕಾರಣವಾಗಿದೆ ಎಂದು ಹೇಳಿದ್ದಾರೆ (ಏಜೆನ್ಸೀಸ್​).