ಆರ್​ಎಸ್ಎಸ್ ಹೇಳಿದ್ದೇ ಇತಿಹಾಸವಲ್ಲ; ಭಾರತ ತನ್ನ ವೈವಿಧ್ಯತೆಯನ್ನು ತುಳಿಯುವ ಯಾವುದೇ ಪ್ರಯತ್ನವನ್ನು ಸ್ವೀಕರಿಸಲ್ಲ: ರಾಹುಲ್ ಗಾಂಧಿ | Rahul Gandhi

ನವದೆಹಲಿ: ಆರ್​ಎಸ್ಎಸ್ ಹೇಳಿದ್ದೇ ಇತಿಹಾಸವಲ್ಲ ಎಂದಿರುವ ಕಾಂಗ್ರೆಸ್ ನಾಯಕ ಮತ್ತು ಲೋಕಸಭೆ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ(Rahul Gandhi), ಭಾರತ ತನ್ನ ವೈವಿಧ್ಯಮಯ ಗುರುತುಗಳನ್ನು ತುಳಿಯುವ ಯಾವುದೇ ಪ್ರಯತ್ನವನ್ನು ಸ್ವೀಕರಿಸಲ್ಲ ಎಂದು ಹೇಳಿದ್ದಾರೆ.

ಮಂಗಳವಾರ(ಆ. 04) ಸಂಸತ್ತಿನಲ್ಲಿ ನಡೆದ ವೈಕೊ ಅವರ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿರುವ ಅವರು, ಭಾರತದ ಪ್ರತಿಯೊಂದು ರಾಜ್ಯಕ್ಕೂ ತನ್ನದೇ ಆದ ಸಂಸ್ಕೃತಿ, ಇತಿಹಾಸ ಮತ್ತು ಭಾಷೆಯನ್ನು ಸಂರಕ್ಷಿಸುವ ಮತ್ತು ವ್ಯಕ್ತಪಡಿಸುವ ಹಕ್ಕಿದೆ. ಆದರೆ ಇತಿಹಾಸ, ಭಾಷೆ ಮತ್ತು ಸಂಸ್ಕೃತಿಯ ಒಂದೇ ಆವೃತ್ತಿಯನ್ನು ದೇಶದ ಮೇಲೆ ಹೇರುವ ಪ್ರಯತ್ನಗಳು ಸರಿಯಲ್ಲ ಎಂದಿದ್ದಾರೆ.

ಪ್ರಸ್ತುತ ಭಾರತದಲ್ಲಿ ಹಠಾತ್ತನೆ, ತಮಿಳು ಭಾಷೆಯನ್ನು ಅರ್ಥಮಾಡಿಕೊಳ್ಳದ, ತಮಿಳು ಜನರನ್ನು ಅರ್ಥಮಾಡಿಕೊಳ್ಳದ, ಮರಾಠಿ,ಬಂಗಾಳಿ ಹಾಗೂ ಕೇರಳದ ಜನರನ್ನು ಅರ್ಥಮಾಡಿಕೊಳ್ಳದ ಕೆಲವು ಅಜ್ಞಾನಿ ಜನರಿದ್ದಾರೆ. ಅವರು ಬಂದು, 'ಇಲ್ಲ, ಇವುಗಳಲ್ಲಿ ಯಾವ ಇತಿಹಾಸವೂ ಪ್ರಸ್ತುತವಲ್ಲ, ಯಾವ ಕಲ್ಪನೆಯೂ ಪ್ರಸ್ತುತವಲ್ಲ, ಯಾವ ಭಾಷೆಯೂ ಪ್ರಸ್ತುತವಲ್ಲ. ಆರ್​ಎಸ್​ಎಸ್ ನಿಗದಿಪಡಿಸಿದ ಭಾಷೆ ಮತ್ತು ಇತಿಹಾಸ ಮಾತ್ರ ಮುಖ್ಯ ಹಾಗೂ ಪ್ರಸ್ತು' ಎಂದು ಹೇಳುತ್ತಾರೆ ಎಂದು ಕಿಡಿಕಾರಿದ್ದಾರೆ.

ನಿಜವಾದ ಹೋರಾಟವಿರುವುದೇ ಇದರ ಬಗ್ಗೆ. ಭಾರತದ ಭಾಷಾ ಮತ್ತು ಸಾಂಸ್ಕೃತಿಕ ವೈವಿಧ್ಯತೆಯನ್ನು ದುರ್ಬಲಗೊಳಿಸುವ ಪ್ರಯತ್ನವನ್ನು ಯುವಜನರು ವಿರೋಧಿಸುತ್ತಿದ್ದಾರೆ. ವಿದ್ಯಾರ್ಥಿಗಳು ಹೋರಾಟಕ್ಕೆ ಕಾರಣವೂ ಇದೆ ಆಗಿದೆ. ಏಕೆಂದರೆ ಭಾರತವು ತನ್ನ ಯಾವುದೇ ಸಂಸ್ಕೃತಿ, ಯಾವುದೇ ಭಾಷೆ ಅಥವಾ ಯಾವುದೇ ಇತಿಹಾಸವನ್ನು ಯಾರಿಂದಲೂ ತುಳಿಯಲು ಎಂದಿಗೂ ಬಿಡುವುದಿಲ್ಲ ಎಂದು ಪ್ರತಿಪಾದಿಸಿದ್ದಾರೆ (ಏಜೆನ್ಸೀಸ್).