ಭಾರತಕ್ಕಿಲ್ಲ ಗಂಡಾಂತರ ಕೆಲವು ದೇಶಗಳು ತತ್ತರ: ದೇಶದಲ್ಲಿ 25 ನಿಮಿಷ ಗ್ರಹಣ ಗೋಚರ | ಕೈಬಿಟ್ಟು ಹೋದೀತೇ ಟ್ರಂಪ್​ಗೆ ಅಧಿಕಾರ?

ಚಂದ್ರಗ್ರಹಣ ಕರ್ನಾಟಕ, ಆಂಧ್ರಪ್ರದೇಶ, ತಮಿಳುನಾಡು, ಪಾಂಡಿಚೇರಿ, ಕೇರಳ, ರಾಜಸ್ಥಾನ, ಜಮ್ಮು-ಕಾಶ್ಮೀರ, ಮಣಿಪುರ ಮತ್ತಿತರ ರಾಜ್ಯಗಳಲ್ಲಿ ಗೋಚರಿಸುತ್ತದೆ. ಅಸ್ಸಾಂ, ಅರುಣಾಚಲ ಪ್ರದೇಶ, ಮೇಘಾಲಯಗಳಲ್ಲಿ ಸಂಪೂರ್ಣ ಗ್ರಹಣ ವೀಕ್ಷಣೆ ಸಾಧ್ಯ. ಈ ಗ್ರಹಣದ ಫಲಗಳು 3 ವಾರದ ಸಮಯದಲ್ಲಿ ಮನುಷ್ಯನಿಗೆ ಕಾಣುತ್ತದೆ. ಇದು ಬಹಳ ತೀಕ್ಷ್ಣವಾಗಿದ್ದು, ದೇಶದ ಉತ್ತರ ಭಾಗ, ಪಶ್ಚಿಮ ಬಂಗಾಳ, ಕೇರಳ, ತಮಿಳುನಾಡು ಭಾಗಗಳಲ್ಲಿ ನಾನಾ ಸಮಸ್ಯೆಗಳನ್ನು ಎದುರಿಸಲು ಭಾರತ ಸಜ್ಜಾಗಲೇಬೇಕು.

ಜಗತ್ತು ತತ್ತರ: ಇಡೀ ಜಗತ್ತು ಈ ಗ್ರಹಣದ ಫಲದಿಂದ ತತ್ತರಿಸಿ ಹೋಗಲಿದೆ. ಇಸ್ರೇಲ್- ಇರಾನ್ ಯುದ್ಧದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮಧ್ಯಪ್ರವೇಶಿಸಿ ಶಾಂತಿಗೆ ಪ್ರಯತ್ನಿಸದಿದ್ದರೆ, ಶಾಂತಿ ಉಂಟಾಗುವುದು ಕಷ್ಟಕರ. ಇದರಿಂದ ದೇಶಕ್ಕೂ ನಷ್ಟ. ಪೆಟ್ರೋಲ್ ಸೇರಿ ತೈಲ ಉತ್ಪನ್ನಗಳ ಲಭ್ಯತೆಯೂ ಕಷ್ಟವಾಗಲಿದೆ. ಆದಾಗ್ಯೂ ಪ್ರಸ್ತುತ ಸಂದರ್ಭದಲ್ಲಿ ಭಾರತ ಆತ್ಮವಿಶ್ವಾಸ ಕಳೆದುಕೊಳ್ಳಬಾರದು. ಆ ದೇಶಗಳೊಂದಿಗಿನ ಸ್ನೇಹವನ್ನು ದುರುಪಯೋಗ ಮಾಡಿಕೊಳ್ಳದೆ ಮುಂದೆ ಸಾಗಬೇಕಿದೆ.

ಭಾರತಕ್ಕಿದೆ ದೈವಾನುಗ್ರಹ: ಯಾವುದೇ ಪ್ರಧಾನಿಯೂ ಕಾಲಕಾಲಕ್ಕೆ ದೇವರುಗಳ ದರ್ಶನ ಮಾಡಿ ಪ್ರಜೆಗಳಿಗಾಗಿ ಪ್ರಾರ್ಥಿಸಿದ ಉದಾಹರಣೆಗಳಿಲ್ಲ. ಆದರೆ ನರೇಂದ್ರ ಮೋದಿ ದೇಶದ ಉದ್ದಗಲಕ್ಕೂ ಯಾವ್ಯಾವ ದೇವಾಲಯಗಳಲ್ಲಿ ಏನೇನು ವಿಶೇಷಗಳಿವೆಯೋ ಅದಕ್ಕೆ ಅನುಗುಣವಾಗಿ ದೇವರನ್ನು ಆರಾಧಿಸುವ ಮೂಲಕ ಸಕಾರಾತ್ಮಕ ಚಿಂತನೆ ಮಾಡುತ್ತಿದ್ದಾರೆ. ಇದರಿಂದಾಗಿ ಭಾರತಕ್ಕೆ ದೈವಾನುಗ್ರಹವಿದೆ.

ವಿರೋಧ ಪಕ್ಷದವರಿಗೂ ಭಾರತವನ್ನು ಕಾಪಾಡುವ ಜವಾಬ್ದಾರಿ ಇದೆ. ಸದಾ ಸರ್ಕಾರ ಹಾಗೂ ಪ್ರಧಾನಿಯನ್ನು ಟೀಕೆ ಮಾಡುವ ಬದಲು, ಉತ್ತಮರೆಂದು ಕರೆಸಿಕೊಂಡು ರಾಜ್ಯ- ರಾಷ್ಟ್ರಾಧಿಕಾರ ಹಿಡಿಯಬೇಕೆ ಹೊರತು, ಅನ್ಯರನ್ನು ಟೀಕಿಸಿ ನಕಾರಾತ್ಮಕ ವಿಚಾರಗಳನ್ನು ಮಾತನಾಡುತ್ತಲೇ ಇದ್ದರೆ, ಏನೂ ಲಾಭವಿಲ್ಲದೆ ಪಕ್ಷಕ್ಕೆ ನಷ್ಟ ಮಾಡಿಕೊಳ್ಳುವ ಸಂದರ್ಭ ಹೆಚ್ಚಿರುವುದರಿಂದ ಎಚ್ಚರ ವಹಿಸಿ ಮಾತನಾಡಬೇಕು. ಎಲ್ಲರನ್ನು ಸಮನಾಗಿ ಕಾಣಬೇಕು.

ದೇಶದಲ್ಲಿ ನೌಕೆ, ಬಾಹ್ಯಾಕಾಶ ಎಲ್ಲದರಲ್ಲೂ ಸಮಸ್ಯೆ ಉಂಟಾಗಿ ಪ್ರಧಾನಿ ಹೆಚ್ಚು ಗಮನ ಕೊಡಬೇಕಾಗುತ್ತದೆ. ಲೋಕಸಭೆಯಲ್ಲಿ ಪ್ರಧಾನಿಯವರನ್ನು ಮುಗಿಸಲು ಯತ್ನಿಸಿದರು ಎಂಬ ಆಪಾದನೆಯಿಂದ ವಿರೋಧ ಪಕ್ಷ ಹೊರಬರದಿದ್ದರೆ ಅವರಿಗೆ ಅದರಿಂದ ಬಹಳ ನಷ್ಟವೂ ಕಷ್ಟವೂ ಉಂಟಾಗಿ ಜನಾನುರಾಗದಿಂದ ದೂರವಾಗುವ ಸ್ಥಿತಿ ನಿರ್ಮಾಣ ಆಗಲಿದೆ.

ತಂದೆ ಹಾದಿಯಲ್ಲಿ ಸಾಗುವುದು ಒಳಿತು: ರಾಜೀವ್ ಗಾಂಧಿ ಪ್ರಧಾನಿ ಆಗಿದ್ದಾಗ ಅತ್ಯುತ್ತಮ ಆಡಳಿತದ ಜತೆಗೆ ದೈವ ಭಕ್ತಿಯನ್ನೂ ತೋರಿಸಿದ್ದಾರೆ. ಅಂತಹವರ ಮಗನಾಗಿ ರಾಹುಲ್ ಗಾಂಧಿ ಹೇಗಿರಬೇಕೆಂದು ತಮ್ಮ ತಂದೆಯನ್ನು ಅನುಸರಿಸಿ ನಡೆದರೆ ದೇಶಕ್ಕೆ ಅನುಕೂಲವಾಗುತ್ತದೆ. ಅಲ್ಲದೆ ಇದರಿಂದ ರಾಹುಲ್ ಗಾಂಧಿ ಸಹ ಒಂದಲ್ಲಾ ಒಂದು ದಿನ ಅಧಿಕಾರ ಕಾಣಬಹುದು. ಹಾಗಾಗಿ ಅವರು ಬೇಡದ ವಿಷಯವನ್ನೇ ಮುಂದಿಟ್ಟುಕೊಂಡು ದೇಶಕ್ಕೆ ಹಾನಿ ಮಾಡುವುದನ್ನು ಕೂಡಲೇ ನಿಲ್ಲಿಸಬೇಕು.

ಚೀನಾಕ್ಕೂ ಕಷ್ಟ ಸಂಭವ: ಗ್ರಹಣದ ಫಲದಿಂದಾಗಿ ಚೀನಾಕ್ಕೂ ದೊಡ್ಡ ಕಷ್ಟ ಬರುವ ಸಂಭವವಿದೆ. ಮುಸ್ಲಿಂ ರಾಷ್ಟ್ರಗಳಲ್ಲಿ ಶಾಂತಿ ನೆಲೆಸಲಿದೆ. ಆದರೆ ಅವರವರೇ ಹೊಡೆದಾಡಿಕೊಂಡು ದೇಶಕ್ಕೂ ನಷ್ಟ ಉಂಟಾಗುವ ಸಂಭವವಿರುತ್ತದೆ. ನೇಪಾಳ, ಶ್ರೀಲಂಕಾ, ಬಾಂಗ್ಲಾದೇಶ, ಆಫ್ಘಾನಿಸ್ಥಾನ ಭಾರತವನ್ನು ಸುತ್ತುವರೆದಿವೆ. ಅಂದರೆ ಭಾರತ ಅಮೃತ ಕಳಶವಿದ್ದಂತೆ. ಅದರ ಸುತ್ತಲೂ ಇತರ ರಾಷ್ಟ್ರಗಳು ರಾಕ್ಷಸರಂತೆ ಇದ್ದಾರೆ. ಇಂತಹ ಸನ್ನಿವೇಶ ರಾಷ್ಟ್ರಕ್ಕೆ ಒದಗಿಬಂದಿರುವುದರಿಂದ ಭಾರತ ಬೇಹುಗಾರಿಕೆಯಲ್ಲಿ ಸಡಿಲ ಮಾಡದೇ ಬಿಗಿಯಾದ ಭದ್ರತಾ ವ್ಯವಸ್ಥೆ ಕಾಪಾಡಿಕೊಳ್ಳಬೇಕು.

ಲೋಕಸಭೆಯಲ್ಲಿ ಕೂಡ ಪ್ರಧಾನಿಗಾಗಲಿ, ಮತ್ತೊಬ್ಬರಿಗಾಗಲಿ ರಕ್ಷಣೆ ನೀಡಲು ಸರ್ಕಾರ ತಜ್ಞರ ಸಮಿತಿ ರಚಿಸಿ ಅವರಿಂದ ಸಲಹೆ ಪಡೆದು ಕಾರ್ಯಗತಗೊಳಿಸಬೇಕು. ಒಟ್ಟಾರೆ ಗ್ರಹಣದ ಬಗ್ಗೆ ಹೇಳುವುದಾದರೆ ವಿರೋಧ ಪಕ್ಷಗಳಿಗೆ ನಷ್ಟವೇ ಹೆಚ್ಚಾಗಿದ್ದು, ಒಳ್ಳೆಯ ಭವಿಷ್ಯವಿಲ್ಲ. ಜೂನ್ 1ರ ನಂತರ ಗುರುವು ಕರ್ಕಾಟಕ ರಾಶಿಗೆ ಪ್ರವೇಶಿಸಿದಾಗ ಅವರ ನೀತಿಗಳನ್ನು ಬದಲಿಸಿ ಹಿಂದೂ ಧರ್ಮ ವನ್ನು ಕಾಪಾಡಿ ಅದರ ಕ್ಷೇಮ ವಹಿಸಿದರೆ ಮುಂದೆ ಸಾಗುವ ಲಕ್ಷಣಗಳು ಕಂಡು ಬರುತ್ತವೆ.

ಟ್ರಂಪ್​ಗೆ ತೊಂದರೆ!: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಬಹಳ ಎಚ್ಚರಿಕೆಯಿಂದ ಮುನ್ನಡೆಯಬೇಕು. ಅವರ ಸ್ಥಾನಮಾನಕ್ಕೆ ಧಕ್ಕೆ ಆಗುವ ಸಾಧ್ಯತೆಗಳಿವೆ. ಆಯ್ಕೆ ಮಾಡಿದ ಜನರೇ ಅವರನ್ನು ವಿರೋಧಿಸುತ್ತಾರೆ. ದೇಶ ಮುನ್ನಡೆಸುವುದು ಕಷ್ಟವಾಗಲಿದೆ, ಅವರನ್ನು ಅಧಿಕಾರದಿಂದ ಕೆಳಗಿಳಿಯುವಂತೆ ಒತ್ತಾಯಿಸುವ ಕೂಗೂ ಕೇಳಿಬರಲಿದೆ. ಇನ್ನು ವಿಶ್ವದೆಲ್ಲೆಡೆ ಜನರಿಗೆ ತೊಂದರೆ ಆಗುವ ಚಂಡಮಾರುತ, ಅತಿಯಾದ ಮಳೆ ಮತ್ತು ತೀವ್ರ ಬಿಸಿಲು ಕಾಡಲಿದೆ. ಹೆಚ್ಚಾಗಿ ಬಾಂಗ್ಲಾ ದೇಶದಲ್ಲಿ. ಅಂದರೆ ಗ್ರಹಣ ಸಂಭವಿಸುವುದರಿಂದ ಪಶ್ಚಿಮ ದಿಕ್ಕಿನಲ್ಲಿ ಅಂದರೆ ಉತ್ತರ ಭಾರತ, ಕಾಶ್ಮೀರ ಸುತ್ತಮುತ್ತಲ ಪ್ರದೇಶಗಳಲ್ಲಿ ಭಯಂಕರ ಗಾಳಿ, ಮಳೆಯಿಂದ ಗುಡ್ಡಗಳ ಕುಸಿತ, ವಿಮಾನ ಅಪಘಾತದಂತಹ ಘಟನೆಗಳು ಸಂಭವಿಸುತ್ತವೆ. ದೇಶದಲ್ಲಿ ಅಭದ್ರತೆ ಕಾಡಬಹುದಾಗಿದೆ.

ಬಿಜೆಪಿಗೆ ಯಡಿಯೂರಪ್ಪ ಬಲ: ಗ್ರಹಣದ ಪ್ರಭಾವದಿಂದ ಸಾಕಷ್ಟು ಕಷ್ಟದ ಸಮಯ ಬರಬಹುದು. ಯಾರನ್ನೂ ದ್ವೇಷ ಮಾಡದೆ ಜಾಣ್ಮೆಯಿಂದ ಗೌರವಯುತವಾಗಿ ಪಾರಾಗುವ ದಾರಿ ಕಂಡುಕೊಳ್ಳಬೇಕು. ಅದು ಮುಂದಿನ ಚುನಾವಣೆಗೆ ದಾರಿಯಾಗುತ್ತದೆ. ರಾಜ್ಯದಲ್ಲಿ ಯಡಿಯೂರಪ್ಪ ಇಲ್ಲದಿದ್ದರೆ ಬಿಜೆಪಿ ಇಲ್ಲ. ಆಡಳಿತ ಪಕ್ಷಕ್ಕೆ ಸವಾಲನ್ನು ಒಡ್ಡಬಹುದು.

ಇನ್ನು ತಮಿಳುನಾಡು, ಪಶ್ಚಿಮ ಬಂಗಾಲ, ಅಸ್ಸಾಂ, ಕೇರಳ ರಾಜ್ಯಗಳಲ್ಲಿ ಹೆಚ್ಚು ಜನಾಧಾರಿತ ಬಲ ಸಿಗುವುದು ಕಷ್ಟಕರ. ತಮಿಳುನಾಡಿನಲ್ಲಿ ಚುನಾವಣಾ ಸಮಯಕ್ಕೆ ಆಗುವ ಗ್ರಹಣ ದೋಷದಿಂದ ಯಾರಿಗೂ ಅಧಿಕಾರ ಮಾಡಲು ಬಹುಮತ ಸಿಗದೆ ಒಂದು ವಿಚಿತ್ರ ಸನ್ನಿವೇಶ ಉಂಟಾಗಬಹುದು. ತಮಿಳುನಾಡಿನಲ್ಲಿ ರಾಜ್ಯವನ್ನು ಮುನ್ನಡೆಸಲು ಅಗತ್ಯ ಬೆಂಬಲ ಮತ್ತು ಸಹಕಾರ ಬೇಕಾಗುತ್ತದೆ. ಸದ್ಯ ವಿರೋಧ ಪಕ್ಷದಲ್ಲಿ ಎಐಎಡಿಎಂಕೆ ಸಾಧನೆ ಮಾಡಿ ತೋರಿಸುತ್ತದೆ. ಇದಲ್ಲದೆ ಹೊಸ ರಾಜಕೀಯ ಪಕ್ಷ ಕಟ್ಟಿ ಓಡಾಡುತ್ತಿರುವ ವ್ಯಕ್ತಿ ಸಾಧನೆ ಮಾಡಿ ತೋರಿಸುವುದರಲ್ಲಿ ಸಂದೇಹ ಬೇಡ.

ಬಂಗಾಳದಲ್ಲಿ ಈಗಿನ ಮುಖ್ಯಮಂತ್ರಿ ರಸ್ತೆಯಲ್ಲಿ ಕುಳಿತುಕೊಳ್ಳುತ್ತಾರೆ, ಮೋರಿಯಲ್ಲಿ ಓಡಾಡುತ್ತಾರೆ. ಹಾಗೆ ನಡೆಯುವ ಕಾಲ ಸಂದು ಹೋಗಿದೆ. ತಮಿಳುನಾಡು ಮುಖ್ಯಮಂತ್ರಿ ಸ್ಟಾಲಿನ್ ಜನಾನುರಾಗಿಯಾಗಿ ಇಂಡಿಯಾ ಬ್ಲಾಕ್​ನ ನೇತೃತ್ವ ವಹಿಸುವ ಸಮಯ ಬರಬಹುದು. ಈ ವಿಷಯದಲ್ಲಿ ಅವರಿಗೂ ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿಗೂ ಸಮಾನ ಅವಕಾಶಗಳಿವೆ.

ಮೋದಿ ನಾಮಬಲ: ಕೇರಳದಲ್ಲಿ ಮೋದಿ ನಾಮಬಲ ಕೆಲಸ ಮಾಡುತ್ತಿದ್ದು, ಅಲ್ಲಿಯ ಸಂಸ್ಕೃತಿ, ಭಾಷಾ ಪರಿಣಿತರನ್ನು ಬಳಸಿಕೊಂಡರೆ ಬಿಜೆಪಿ ಹೆಚ್ಚು ಸ್ಥಾನ ಗಳಿಸಬಹುದು. ವಿರೋಧ ಪಕ್ಷದವರಿಗೆ ಯಾವ ರಾಜ್ಯದಲ್ಲೂ ಹೆಚ್ಚು ಸ್ಥಾನಮಾನ ಸಿಗುವುದಿಲ್ಲ. ಮನುಷ್ಯ ತನ್ನ ನೀತಿ ಮತ್ತು ಭಾಷೆಯನ್ನು ತಿದ್ದಿಕೊಂಡು ನಡೆದರೆ ಕಾಂಗ್ರೆಸ್ ಉಳಿಯಲು ಸಾಧ್ಯವಾಗುತ್ತದೆ. ಲೋಕಸಭಾ ಸ್ಪೀಕರ್ ಕೈಗೊಳ್ಳುವ ಕೆಲವು ನಿರ್ಣಯಗಳು ಅವರನ್ನು ಪದಚ್ಯುತಗೊಳಿಸಲು ಹಾಗೂ ರಾಹುಲ್ ಗಾಂಧಿ ಮೇಲೆ ನ್ಯಾಯಾಲಯದಿಂದ ಶಿಸ್ತು ಕ್ರಮ ಜರುಗಿಸಲು ಸಾಧ್ಯವಾಗಲಿದೆ. ಇನ್ನು ಕಾಂಗ್ರೆಸ್ ಜನಾನುರಾಗ ಕಳೆದುಕೊಂಡು ತೊಂದರೆಗೀಡಾಗುವ ಸಾಧ್ಯತೆ ಇದೆ. ದೇಶದಲ್ಲಿ ಅತಿಯಾದ ಮಳೆಯಿಂದ ಕಷ್ಟಕರ ಸನ್ನಿವೇಶ ಉಂಟಾದರೂ ಬೆಳೆ ಉತ್ಪಾದನೆ ಕಡಿಮೆ ಆಗುವುದಿಲ್ಲ.