"ಕ್ಷಮಿಸು ಡಿಂಪಿ" ಕಾಲೇಜು ತುಂಬಾ ಪೋಸ್ಟರ್‌ಗಳ ಹಾವಳಿ, ಪ್ರೇಮಿಯ ವಿಲಕ್ಷಣ ವರ್ತನೆಗೆ ಸೆಕ್ಯೂರಿಟಿ ಗಾರ್ಡ್‌ ಬೆಚ್ಚಿಬಿದ್ದಿದ್ದೇಕೆ? I Am Sorry Dimpi

ಮಾಹಿತಿಯ ಪ್ರಕಾರ, ಕಾಲೇಜಿನ ಗೋಡೆಗಳು ಮತ್ತು ದ್ವಾರದ ಮೇಲೆ ಅಂಟಿಸಲಾಗಿದ್ದ ಸರಣಿ ಪೋಸ್ಟರ್‌ಗಳಲ್ಲಿ ಆ ವ್ಯಕ್ತಿ ಪಶ್ಚಾತ್ತಾಪವನ್ನು ವ್ಯಕ್ತಪಡಿಸಿದ್ದು, ಕ್ಷಮಿಸಿ ಡಿಂಪಿ ನಾನು ತಪ್ಪು ಮಾಡಿದೆ, ದಯವಿಟ್ಟು ನನ್ನನ್ನು ಕ್ಷಮಿಸಿ. ಅದು ಮತ್ತೆಂದೂ ಸಂಭವಿಸದಂತೆ ನಾನು ನೋಡಿಕೊಳ್ಳುತ್ತೇನೆ. ನೀವು ನನಗೆ ಬಹಳ ಮುಖ್ಯ ಎಂಬ ಸಂದೇಶಗಳನ್ನು ಹೊತ್ತ ಪೋಸ್ಟರ್​ಗಳನ್ನು ಹಾಕಿದ್ದರು.

ಈ ಪೋಸ್ಟರ್​ಗಳು ಕಾಲೇಜಿನಲ್ಲಿ ರಾರಾಜಿಸುತ್ತಿದ್ದಂತೆಯೇ ಅಲ್ಲಿನ ಸಿಬ್ಬಂದಿ ಅವುಗಳನ್ನು ತೆಗೆಯಲು ಬಂದಾಗ ಅವರಿಗೆ ಆತ ಬೆದರಿಕೆ ಹಾಕಿದ್ದಾನೆ ಎಂದು ಆರೋಪಿಸಲಾಗಿದೆ.

ಘಟನೆಯ ಬಗ್ಗೆ ಪ್ರತಿಕ್ರಿಯಿಸಿದ ಕಾಲೇಜಿನ ಪ್ರಾಂಶುಪಾಲರಾದ ಡಾ. ಕರುಣಾ, ಬೆಳಿಗ್ಗೆ ಈ ವಿಷಯ ನಮಗೆ ತಿಳಿದಾಗ ಪೋಸ್ಟರ್​ಗಳನ್ನು ತೆಗೆದುಹಾಕಲು ನಾವು ಸಿಬ್ಬಂದಿಗೆ ಹೇಳಿದೆವು. ಆದರೆ, ಅವನಿಗೆ ಬೆದರಿಕೆ ಹಾಕಲಾಯಿತು. ನಾನು ಕಾಲೇಜಿಗೆ ತಲುಪುವ ಹೊತ್ತಿಗೆ, ಆ ವ್ಯಕ್ತಿ ಓಡಿಹೋಗಿದ್ದ. ತಕ್ಷಣ ಪೋಸ್ಟರ್‌ಗಳನ್ನು ತೆಗೆದುಹಾಕಿದ್ದೇವೆ ಎಂದು ಹೇಳಿದರು.

ಈ ಘಟನೆಯು ಕೇವಲ ಒಂದು "ವಿಲಕ್ಷಣ ಪ್ರೇಮ ಪ್ರಕರಣ"ವಾಗಿ ಉಳಿದಿಲ್ಲ. ಇದು ವಿಶೇಷವಾಗಿ ಮಹಿಳಾ ಕಾಲೇಜಿನಲ್ಲಿ ನಡೆದಿರುವುದು ಹತ್ತಾರು ಭದ್ರತಾ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಆದಾಗ್ಯೂ, ಘಟನೆ ನಂತರ ಪ್ರಾಂಶುಪಾಲರು ಇಂತಹ ದುಷ್ಕರ್ಮಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಧನ್ಬಾದ್ ಉಪ ಆಯುಕ್ತರಿಗೆ ಮನವಿ ಮಾಡಿದ್ದಾರೆ. ಇದನ್ನು ನಿಯಂತ್ರಿಸದಿದ್ದರೆ, ಭವಿಷ್ಯದಲ್ಲಿ ಇದೇ ರೀತಿಯ ಘಟನೆಗಳು ಸಂಭವಿಸುತ್ತದೆ ಎಂದು ಎಚ್ಚರಿಕೆ ನೀಡಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಈ ಪೋಸ್ಟರ್‌ಗಳ ಫೋಟೋಗಳು ವೈರಲ್ ಆಗುತ್ತಿದ್ದಂತೆ, ಸಾರ್ವಜನಿಕರು ಆ ವ್ಯಕ್ತಿಯ ವಿರುದ್ಧ ಕಿಡಿಕಾರುತ್ತಿದ್ದಾರೆ. "ಕಾಲೇಜುಗಳು ಜ್ಞಾನದ ದೇವಾಲಯಗಳೇ ಹೊರತು, ವೈಯಕ್ತಿಕ ಪ್ರೇಮದ ನಾಟಕಗಳನ್ನಾಡುವ ರಂಗಮಂಚವಲ್ಲ" ಎಂದು ನಾಗರಿಕರು ಅಭಿಪ್ರಾಯಪಟ್ಟಿದ್ದಾರೆ (ಏಜೆನ್ಸೀಸ್​).