ದೇಶ

ಖಾಕಿ ಬಿಟ್ಟು ಚೂಡಿ ತೊಟ್ಟ ಕಮಿಷನರ್; 40 ಮಂದಿ ಕಾಮುಕರ ಅಸಲಿ ಬಣ್ಣ ಬಯಲು ಮಾಡಿದ ಲೇಡಿ ಸಿಂಗಂ! Night Patrol at Hyderabad

Night Patrol at Hyderabad (ಚಿತ್ರ X)
Night Patrol at Hyderabad (ಚಿತ್ರ X)
Published on: 

ಪ್ರಮುಖ ಮುಖ್ಯಾಂಶಗಳು

  • ಪೊಲೀಸ್ ಅಧಿಕಾರಿಗಳಿಗೆ ಸಾಮಾನ್ಯ ನಾಗರಿಕರ ಸಂಕಷ್ಟಗಳು ಹೇಗಿರುತ್ತವೆ ಎಂಬುದು ಅರಿವಾಗುವುದು ಅಪರೂಪ
  • ಹೈದರಾಬಾದ್​ ನಗರಗಳಲ್ಲಿ ಸೂರ್ಯಾಸ್ತದ ನಂತರ ಮಹಿಳೆಯರ ಸುರಕ್ಷತೆಯ ಬಗ್ಗೆ ಗಂಭೀರ ಪ್ರಶ್ನೆಗಳನ್ನು ಎತ್ತಿದೆ
  • ಮಲ್ಕಾಜ್‌ಗಿರಿಯ ಪೊಲೀಸ್ ಆಯುಕ್ತೆ ಸುಮತಿ, ಮಧ್ಯರಾತ್ರಿಯ ನಂತರ ಸಾಮಾನ್ಯ ಮಹಿಳೆಯರಂತೆ ಬಟ್ಟೆ ತೊಟ್ಟು ರಸ್ತೆಗಿಳಿದರು
  • ಈ ಕಾರ್ಯಾಚರಣೆಯ ಮುಖ್ಯ ಉದ್ದೇಶ ಒಬ್ಬ ಸಾಮಾನ್ಯ ಮಹಿಳೆ ಸಾರ್ವಜನಿಕ ಸ್ಥಳದಲ್ಲಿ ಎದುರಿಸುವ ಕಿರುಕುಳದ ಬಗ್ಗೆ ತಿಳಿಯುವುದು
ಹೈದರಾಬಾದ್: ಸಮಾಜದಲ್ಲಿ ಶಾಂತಿ ಕಾಪಾಡುವ ಮತ್ತು ಕಠಿಣ ಮನೋಭಾವದ ಮಾವೋವಾದಿಗಳನ್ನೇ ಶರಣಾಗುವಂತೆ ಮಾಡುವಲ್ಲಿ ಯಶಸ್ವಿಯಾದ ಧೈರ್ಯಶಾಲಿ ಪೊಲೀಸ್ ಅಧಿಕಾರಿಗಳಿಗೆ ಸಾಮಾನ್ಯ ನಾಗರಿಕರ ಸಂಕಷ್ಟಗಳು ಹೇಗಿರುತ್ತವೆ (Night Patrol at Hyderabad) ಎಂಬುದು ಅರಿವಾಗುವುದು ಅಪರೂಪ. ಆದರೆ, ತೆಲಂಗಾಣದ ಹಿರಿಯ ಮಹಿಳಾ ಪೊಲೀಸ್ ಅಧಿಕಾರಿ ಬಿ. ಸುಮತಿ ಅವರಿಗೆ ಇತ್ತೀಚೆಗೆ ಎದುರಾದ ಅನುಭವವು, ನಗರಗಳಲ್ಲಿ ಸೂರ್ಯಾಸ್ತದ ನಂತರ ಮಹಿಳೆಯರ ಸುರಕ್ಷತೆಯ ಬಗ್ಗೆ ಗಂಭೀರ ಪ್ರಶ್ನೆಗಳನ್ನು ಎತ್ತಿದೆ.

ಘಟನೆ ಏನು?

ಹೈದರಾಬಾದ್‌ನ ಮಲ್ಕಾಜ್‌ಗಿರಿಯ ಪೊಲೀಸ್ ಆಯುಕ್ತೆ ಸುಮತಿ, ಮಧ್ಯರಾತ್ರಿಯ ನಂತರ ಸಾಮಾನ್ಯ ಮಹಿಳೆಯರಂತೆ ಬಟ್ಟೆ ತೊಟ್ಟು ರಸ್ತೆಗಿಳಿದರು. ಈ ವೇಳೆ ಯಾವುದೇ ಪೊಲೀಸ್​ ಭದ್ರತೆ ಇಲ್ಲದೇ, ರಾತ್ರಿ 12:30 ರಿಂದ 3:30 ರವರೆಗೆ ಬಸ್ ನಿಲ್ದಾಣದಲ್ಲಿ ಸುಮಾರು ಮೂರು ಗಂಟೆಗಳ ಕಾಲ ಕಳೆದು ರಾತ್ರಿ ಸಾರ್ವಜನಿಕ ಸ್ಥಳಗಳಲ್ಲಿ ಮಹಿಳೆಯರನ್ನು ಹೇಗೆ ನಡೆಸಿಕೊಳ್ಳಲಾಗುತ್ತದೆ ಎಂಬುದನ್ನು ವೀಕ್ಷಿಸಿದರು.
ಅಧಿಕಾರಿಗಳ ಪ್ರಕಾರ, ಈ ಕಾರ್ಯಾಚರಣೆಯ ಮುಖ್ಯ ಉದ್ದೇಶ ದೂರುಗಳಿಗಾಗಿ ಕಾಯುವ ಬದಲು, ಒಬ್ಬ ಸಾಮಾನ್ಯ ಮಹಿಳೆ ಸಾರ್ವಜನಿಕ ಸ್ಥಳದಲ್ಲಿ ಎದುರಿಸುವ ಕಿರುಕುಳವನ್ನು ನೇರವಾಗಿ ಪರೀಕ್ಷಿಸಲು ರಹಸ್ಯ ಕಾರ್ಯಾಚರಣೆಯನ್ನು ನಡೆಸಲಾಯಿತು. ಆದಾಗ್ಯೂ, ಕೇವಲ ಮೂರು ಗಂಟೆಗಳ ಅವಧಿಯಲ್ಲಿ ಸುಮಾರು 40 ಪುರುಷರು ಒಬ್ಬಂಟಿಯಾಗಿದ್ದ ಅಧಿಕಾರಿಯನ್ನು ಕಿರುಕುಳ ನೀಡುವ ಉದ್ದೇಶದಿಂದ ಅನುಮಾನಾಸ್ಪದವಾಗಿ ಸಂಪರ್ಕಿಸಿದ್ದು, ಅದರಲ್ಲಿ ಹಲವರು ಕುಡಿದಿರುವಂತೆ ಕಂಡುಬಂದರೆ, ಇನ್ನೂ ಕೆಲವರು ಗಾಂಜಾ ಸೇವನೆಯ ಪ್ರಭಾವದಲ್ಲಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಯುವಕರೇ ಕಿರುಕುಳ ನೀಡುವಲ್ಲಿ ಮುಂದು!

ಈ ರಹಸ್ಯ ಕಾರ್ಯಾಚರಣೆಯ ಸಮಯದಲ್ಲಿ ಹೆಚ್ಚಿನ ಪುರುಷ ವಿದ್ಯಾರ್ಥಿಗಳು ಮತ್ತು ಕೆಲಸ ಮಾಡುವ ವೃತ್ತಿಪರರಾಗಿದ್ದು, ಅವರೆಲ್ಲರೂ ಹಿರಿಯ ಐಪಿಎಸ್​ ಅಧಿಕಾರಿಯೊಂದಿಗೆ ಸಂವಹನ ನಡೆಸುತ್ತಿದ್ದಾರೆಂದು ಕನಿಷ್ಠ ಜ್ಞಾನವೂ ಅವರಿಗಿರಲಿಲ್ಲ ಎಂದು ಬಿ. ಸುಮತಿ ತಿಳಿಸಿದ್ದಾರೆ.
ರಹಸ್ಯ ಕಾರ್ಯಾಚರಣೆ ಮುಗಿದ ನಂತರ ಪೊಲೀಸರು ಘಟನೆಯಲ್ಲಿ ಭಾಗಿಯಾಗಿದ್ದ ವ್ಯಕ್ತಿಗಳನ್ನು ಗುರುತಿಸಿದ್ದು, ತಕ್ಷಣವೇ ಅವರ ವಿರುದ್ಧ ಕ್ರಮವನ್ನು ತೆಗೆದುಕೊಳ್ಳುವ ಬದಲಿಗೆ ಸಾರ್ವಜನಿಕ ಸ್ಥಳಗಳಲ್ಲಿ ಮಹಿಳೆಯರ ಜೊತೆ ಹೇಗೆ ವರ್ತಿಸಬೇಕೆಂದು ಸಲಹೆಗಳನ್ನು ನೀಡಿದ್ದಾರೆ. ಜೊತೆಗೆ ಇನ್ನೊಮ್ಮೆ ಈ ರೀತಿ ಘಟನೆಗಳು ಮುಂದುವರೆದರೆ, ಕಠಿಣ ಶಿಕ್ಷೆ ಖಂಡಿತ ಎಂದು ಎಚ್ಚರಿಕೆ ನೀಡಿದ್ದಾರೆ. ಈ ಕ್ರಮವು ತ್ವರಿತ ಶಿಕ್ಷೆಗಿಂತ ಜಾಗೃತಿ ಮೂಡಿಸುವ ಕ್ರಮ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಜನರು ಮಹಿಳಾ ಪೊಲೀಸ್ ಅಧಿಕಾರಿಯನ್ನು ಮೆಚ್ಚುತ್ತಾರೆ

ಸ್ವತಃ ಪೊಲೀಸ್ ಆಯುಕ್ತರೇ ನೇರವಾಗಿ ಈ ವಿಷಯದಲ್ಲಿ ಆಸಕ್ತಿ ವಹಿಸಿ, ಪರಿಸ್ಥಿತಿಯನ್ನು ಹತ್ತಿರದಿಂದ ಗಮನಿಸಿರುವುದು ಜನರಿಗೆ ಭರವಸೆ ನೀಡಿದೆ. ಒಬ್ಬ ಉನ್ನತ ಅಧಿಕಾರಿಯೇ ಈ ರೀತಿ ಕಾಳಜಿ ತೋರಿದಾಗ ವ್ಯವಸ್ಥೆಯ ಮೇಲೆ ನಂಬಿಕೆ ಹೆಚ್ಚುತ್ತದೆ. ಆದಾಗ್ಯೂ, ಪೊಲೀಸರ ಈ ತ್ವರಿತ ಕ್ರಮಕ್ಕೆ ಅನೇಕರು ಶ್ಲಾಘನೆ ವ್ಯಕ್ತಪಡಿಸಿದ್ದು ಇದು ಕೇವಲ ಕಚೇರಿಯಲ್ಲಿ ಕುಳಿತು ಆದೇಶ ನೀಡುವ ಕೆಲಸವಲ್ಲ; ಬದಲಾಗಿ ಬೀದಿಗೆ ಇಳಿದು ನೇರವಾಗಿ ಸಮಸ್ಯೆ ಬಗೆಹರಿಸುವ ಕ್ರಮ. ಇದನ್ನು ಜನರು 'ಪ್ರಾಯೋಗಿಕ' ಮತ್ತು 'ದಿಟ್ಟ' ಹೆಜ್ಜೆ ಎಂದು ಕರೆದಿದ್ದಾರೆ.

ಸುಮತಿಯವರ ಕಾರ್ಯಾಚರಣೆ ಇದೇ ಮೊದಲಲ್ಲ!

ಸುಮತಿ ಇಂತಹ ಕಾರ್ಯಾಚರಣೆ ನಡೆಸಿದ್ದು ಇದೇ ಮೊದಲಲ್ಲ. ಸುಮಾರು 25 ವರ್ಷಗಳ ಹಿಂದೆ, ಕಾಜಿಪೇಟೆ ರೈಲು ನಿಲ್ದಾಣದ ಬಳಿ ಪೊಲೀಸ್ ಉಪ ವರಿಷ್ಠಾಧಿಕಾರಿಯಾಗಿ ಸೇವೆ ಸಲ್ಲಿಸಿದ ಆರಂಭಿಕ ವರ್ಷಗಳಲ್ಲಿ , ಆ ಪ್ರದೇಶದಲ್ಲಿ ಮಹಿಳೆಯರ ಸುರಕ್ಷತೆಯನ್ನು ನಿರ್ಣಯಿಸುವ ಸಲುವಾಗಿ ಈ ರೀತಿಯ ರಹಸ್ಯ ಕಾರ್ಯಾಚರಣೆಯನ್ನು ನಡೆಸಿದ್ದರು ಎಂದು ವರದಿಯಾಗಿದೆ.

ಸುಮತಿ ಬಗ್ಗೆ

ತೆಲಂಗಾಣ ಕೇಡರ್‌ನ ಹಿರಿಯ ಐಪಿಎಸ್ ಅಧಿಕಾರಿಯಾಗಿ ಕಾರ್ಯನಿರ್ವಹಿಸುವ ಮೊದಲು ಸುಮತಿ ಹಲವಾರು ಹುದ್ದೆಗಳನ್ನು ವಹಿಸಿಕೊಂಡಿದ್ದಾರೆ. ಅದರಲ್ಲಿ ರಾಜ್ಯ ಗುಪ್ತಚರ ಬ್ಯೂರೋ (SIB) ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿದರು. ಈ ಕಾರ್ಯಾಚರಣೆಯಲ್ಲಿ ಹಿಂಸೆಯನ್ನು ನೀಡುವಂತಹ ಅನೇಕರನ್ನು ಶರಣಾಗಿಸುವಲ್ಲಿ ಯಶಸ್ವಿಯಾಗಿದ್ದಾರೆ (ಏಜೆನ್ಸೀಸ್​).
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net