ಸಿಎಸ್‌ಕೆಗೆ ಭಾರಿ ಆಘಾತ: ಪ್ಲೇ-ಆಫ್ ರೇಸ್‌ನಿಂದ ಹೊರಬೀಳುತ್ತಾ ಋತು ಪಡೆ? ಸ್ಟಾರ್ ಆಲ್‌ರೌಂಡರ್ ಓವರ್ಟನ್ ಟೂರ್ನಿಯಿಂದ ಔಟ್! Jamie Overton

ಗುರುವಾರ ಈ ಕುರಿತು ಅಧಿಕೃತ ಪ್ರಕಟಣೆ ಹೊರಡಿಸಿರುವ ಸಿಎಸ್‌ಕೆ ಫ್ರಾಂಚೈಸಿ, ಜೇಮಿ ಓವರ್ಟನ್ ಅವರ ಬಲ ತೊಡೆಯ ಸ್ನಾಯು ಸೆಳೆತಕ್ಕೆ ಒಳಗಾಗಿದ್ದಾರೆ. ಹೆಚ್ಚಿನ ಚಿಕಿತ್ಸೆ ಮತ್ತು ತಪಾಸಣೆಗಾಗಿ ಅವರು ಇಂಗ್ಲೆಂಡ್‌ಗೆ ಮರಳುತ್ತಿದ್ದಾರೆ ಎಂದು ತಿಳಿಸಿದೆ.

ಈ ಸೀಸನ್‌ನಲ್ಲಿ ಸಿಎಸ್‌ಕೆ ತಂಡಕ್ಕೆ ಜೇಮಿ ಓವರ್ಟನ್ ಕೇವಲ ಆಟಗಾರನಾಗಿರಲಿಲ್ಲ, ಬದಲಾಗಿ ತಂಡದ ಬೆನ್ನೆಲುಬಾಗಿದ್ದರು. ಮೇ 11 ರಂದು ಲಖನೌ ಸೂಪರ್ ಜೈಂಟ್ಸ್ ವಿರುದ್ಧ ನಡೆದ ಹೈ-ವೋಲ್ಟೇಜ್ ಪಂದ್ಯದಲ್ಲಿ 36 ರನ್‌ಗಳಿಗೆ 3 ವಿಕೆಟ್ ಕಿತ್ತು ಚೆನ್ನೈಗೆ 5 ವಿಕೆಟ್‌ಗಳ ಭರ್ಜರಿ ಜಯ ತಂದುಕೊಡುವಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದ್ದರು. ತಂಡವು ಸಂಕಷ್ಟದಲ್ಲಿದ್ದಾಗಲೆಲ್ಲಾ ವಿಕೆಟ್ ಪಡೆಯುವ ಓವರ್ಟನ್ ಅವರ ಅನುಪಸ್ಥಿತಿ ಈಗ ನಾಯಕ ಋತುರಾಜ್ ಗಾಯಕ್ವಾಡ್ ಅವರಿಗೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ.

ಆರಂಭದಲ್ಲಿ ನಾಥನ್ ಎಲ್ಲಿಸ್ ಅವರ ಬದಲಿಯಾಗಿ ತಂಡ ಸೇರಿದ್ದ ಓವರ್ಟನ್, ಅತ್ಯಲ್ಪ ಅವಧಿಯಲ್ಲಿ ತಂಡದ ಅನಿವಾರ್ಯ ಆಟಗಾರನಾಗಿ ಬೆಳೆದಿದ್ದರು. ಈ ಸೀಸನ್‌ನಲ್ಲಿ ಅವರ ಸಾಧನೆ ಇಲ್ಲಿದೆ.

ಮಿಡಲ್ ಓವರ್‌ಗಳ ಕಿಂಗ್: ಮಿಡಲ್ ಓವರ್‌ಗಳಲ್ಲಿ (7 ರಿಂದ 15ನೇ ಓವರ್) ಓವರ್ಟನ್ ಬರೋಬ್ಬರಿ 10 ವಿಕೆಟ್ ಕಬಳಿಸಿದ್ದಾರೆ. ಈ ಹಂತದಲ್ಲಿ ಅವರ ಎಕಾನಮಿ ದರ ಕೇವಲ 7.61 ಆಗಿತ್ತು.

ರಶೀದ್ ಖಾನ್ (13 ವಿಕೆಟ್) ಮತ್ತು ನೂರ್ ಅಹ್ಮದ್ (12 ವಿಕೆಟ್) ಅವರ ನಂತರ ಮಿಡಲ್ ಓವರ್‌ಗಳಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಮೂರನೇ ಬೌಲರ್ ಎಂಬ ಹೆಗ್ಗಳಿಕೆ ಇವರದ್ದಾಗಿತ್ತು.

ಈ ಬಾರಿಯ ಐಪಿಎಲ್ ಸಿಎಸ್‌ಕೆ ಪಾಲಿಗೆ ದೈಹಿಕವಾಗಿ ಅತ್ಯಂತ ಕಠಿಣವಾಗಿದೆ. ಓವರ್ಟನ್ ಹೊರಬರುವ ಮೊದಲೇ ತಂಡವು ಪ್ರಮುಖ ಆಟಗಾರರನ್ನು ಗಾಯದ ಕಾರಣದಿಂದ ಕಳೆದುಕೊಂಡಿದೆ:

ಪ್ರಮುಖ ಆಟಗಾರರು ಒಬ್ಬೊಬ್ಬರಾಗಿ ತಂಡದಿಂದ ಹೊರಬೀಳುತ್ತಿರುವುದು ಸಿಎಸ್‌ಕೆ ಲಯವನ್ನು ಕೆಡಿಸಿದೆ. ಗಣಿತದ ಲೆಕ್ಕಾಚಾರದ ಪ್ರಕಾರ ಚೆನ್ನೈ ಇನ್ನೂ ಪ್ಲೇ-ಆಫ್ ರೇಸ್‌ನಲ್ಲಿದ್ದರೂ, ಓವರ್ಟನ್ ಅವರಂತಹ ಮ್ಯಾಚ್ ವಿನ್ನರ್ ಇಲ್ಲದೆ ಮುಂಬರುವ ಪಂದ್ಯಗಳನ್ನು ಗೆಲ್ಲುವುದು ಅಸಾಧ್ಯದ ಮಾತಾಗಿದೆ. ಅವರ ಅನುಪಸ್ಥಿತಿಯು ಬೌಲಿಂಗ್ ಸಮತೋಲನದ ಮೇಲೆ ಮಾತ್ರವಲ್ಲದೆ, ಲೋಯರ್ ಆರ್ಡರ್ ಬ್ಯಾಟಿಂಗ್ ಮೇಲೂ ಭಾರಿ ಪರಿಣಾಮ ಬೀರಲಿದೆ.

ಚೆನ್ನೈ ಸೂಪರ್ ಕಿಂಗ್ಸ್ ಅಭಿಮಾನಿಗಳು ಈಗ "ಥಾಲಾ" ಧೋನಿ ಮತ್ತು ಋತುರಾಜ್ ಗಾಯಕ್ವಾಡ್ ಅವರ ಚಾಣಾಕ್ಷ ನಡೆಗಳ ಮೇಲೆ ಭರವಸೆ ಇಟ್ಟಿದ್ದಾರೆ. ಓವರ್ಟನ್ ಅವರ ಸ್ಥಾನವನ್ನು ತುಂಬುವಂತಹ ಬದಲಿ ಆಟಗಾರ ಯಾರು ಎಂಬುದು ಈಗಿನ ಮಿಲಿಯನ್ ಡಾಲರ್ ಪ್ರಶ್ನೆಯಾಗಿದೆ,(ಏಜೆನ್ಸೀಸ್​).