ಹಳೆಯ ಚಿನ್ನ ಫಳಫಳ ಹೊಳೆಯಲು ಮನೆಮದ್ದು! ಮನೆಯಲ್ಲೇ Gold ಕ್ಲೀನ್ ಮಾಡಲು ಈ ಸೀಕ್ರೆಟ್ ಟ್ರಿಕ್ಸ್ ಟ್ರೈ ಮಾಡಿ..

ಬೆವರು, ಚರ್ಮದ ಎಣ್ಣೆ, ಧೂಳು ಮತ್ತು ಮೇಕಪ್ ಉತ್ಪನ್ನಗಳು ಚಿನ್ನದ ಮೇಲೆ ಕಲ್ಮಶಗಳನ್ನು ಬಿಡಬಹುದು, ಇದು ಮಂದವಾಗಿ ಕಾಣುವಂತೆ ಮಾಡುತ್ತದೆ. ಆದರೆ, ನೀವು ಪ್ರತಿ ಬಾರಿಯೂ ಆಭರಣ ವ್ಯಾಪಾರಿಗಳನ್ನು ಭೇಟಿ ಮಾಡುವ ಅಗತ್ಯವಿಲ್ಲ. ಕೆಲವು ಸರಳ ಅಡುಗೆಮನೆ ವಸ್ತುಗಳನ್ನು ಬಳಸಿಕೊಂಡು ನೀವು ಮನೆಯಲ್ಲಿಯೇ ನಿಮ್ಮ ಚಿನ್ನದ ಆಭರಣಗಳಿಗೆ ಹೊಳಪನ್ನು ನೀಡಬಹುದು.

ಹೌದು, ಧೂಳು, ಬೆವರು, ಮೇಕಪ್ ಮತ್ತು ದೈನಂದಿನ ಬಳಕೆಯಿಂದ ಚಿನ್ನದ ಆಭರಣಗಳು ಹೊಳಪು ಕಳೆದುಕೊಂಡು ಮಸುಕಾಗುತ್ತವೆ ಅಥವಾ ಕಪ್ಪಾಗುತ್ತವೆ. ಆದರೆ ಚಿಂತೆ ಬೇಡ.. ಮನೆಯಲ್ಲೇ ಸುಲಭವಾಗಿ ಮತ್ತು ಸುರಕ್ಷಿತವಾಗಿ ಶುಚಿಗೊಳಿಸಬಹುದು. ಹೇಗೆ ಎಂಬುದು ತಿಳಿಯೋಣ..

1.ಸಾಬೂನು ಮತ್ತು ಬೆಚ್ಚನೆ ನೀರು: ಒಂದು ಬೌಲ್‌ನಲ್ಲಿ ಬೆಚ್ಚನೆ ನೀರು ತೆಗೆದುಕೊಳ್ಳಿ. ಅದಕ್ಕೆ ಸ್ವಲ್ಪ ಮೈಲ್ಡ್ ಡಿಶ್ ವಾಶ್ ಸಾಬೂನು (ಉದಾ: ವಿಮ್ ಅಥವಾ ಯಾವುದೇ ಕ್ಲೋರಿನ್ ಇಲ್ಲದ್ದು) ಸೇರಿಸಿ. ಚಿನ್ನದ ಆಭರಣವನ್ನು 15-20 ನಿಮಿಷಗಳ ಕಾಲ ನೆನೆಸಿ. ಮೃದುವಾದ ಟೂಥ್‌ಬ್ರಷ್ (ಬೇಬಿ ಬ್ರಷ್ ಉತ್ತಮ) ಬಳಸಿ ಲಘುವಾಗಿ ಉಜ್ಜಿ ಬಳಿಕ ಸ್ವಚ್ಛ ನೀರಿನಲ್ಲಿ ತೊಳೆದು, ಮೃದುವಾದ ಬಟ್ಟೆಯಿಂದ (ಮೈಕ್ರೋಫೈಬರ್ ಉತ್ತಮ) ಒರೆಸಿ ಒಣಗಿಸಿ. ಈ ವಿಧಾನ ಡೈಮಂಡ್ ಅಥವಾ ಹಾರ್ಡ್ ಸ್ಟೋನ್ ಇರುವ ಆಭರಣಗಳಿಗೂ ಸುರಕ್ಷಿತವಾಗಿದೆ.

2.ಕಪ್ಪಾದ ಅಥವಾ ಮಸುಕಾದ ಚಿನ್ನಕ್ಕೆ: ಬೇಕಿಂಗ್ ಸೋಡಾ ವಿಧಾನಬೇಕಿಂಗ್ ಸೋಡಾ ಮತ್ತು ಸ್ವಲ್ಪ ನೀರು ಮಿಶ್ರಣ ಮಾಡಿ ಪೇಸ್ಟ್ ತಯಾರಿಸಿ. ಮೃದು ಬಟ್ಟೆ ಅಥವಾ ಬ್ರಷ್‌ನಿಂದ ಆಭರಣಕ್ಕೆ ಹಚ್ಚಿ ಲಘುವಾಗಿ ಉಜ್ಜಿ. ತೊಳೆದು ಒಣಗಿಸಿ.

3. ಪರಂಪರಿಕ ಭಾರತೀಯ ವಿಧಾನ: ರೀಥಾ (ಅಂಟುವಾಳ ಕಾಯಿ ಅಥವಾ ಸೋಪ್‌ನಟ್)ರೀಥಾ ಕಾಯಿಯನ್ನು ನೀರಿನಲ್ಲಿ ಕುದಿಸಿ ಅಥವಾ ಪುಡಿ ಮಾಡಿ ನೀರಿನಲ್ಲಿ ನೆನೆಸಿ. ಆ ನೀರಿನಲ್ಲಿ ಆಭರಣವನ್ನು ನೆನೆಸಿ ಅಥವಾ ಉಜ್ಜಿ. ಇದು ನೈಸರ್ಗಿಕ ಕ್ಲೀನರ್ ಮತ್ತು ಚಿನ್ನದ ಅಂಗಡಿಗಳಲ್ಲೂ ಬಳಸುತ್ತಾರೆ.

ಬಳಸಬೇಡಿ: ಬ್ಲೀಚ್, ಅಮೋನಿಯಾ, ಟೂಥ್‌ಪೇಸ್ಟ್ (ಗೀರುಗಳು ಬರಬಹುದು), ವಿನೆಗರ್ ಅಥವಾ ಲೆಮನ್ (ಹೆಚ್ಚು ಬಳಸಿದರೆ ಹಾನಿ).

ಮೃದುವಾದ ರತ್ನಗಳು (ಪರ್ಲ್, ಒಪಾಲ್, ಎಮರಾಲ್ಡ್) ಇರುವ ಆಭರಣಗಳಿಗೆ ಕೇವಲ ಮೃದು ಬಟ್ಟೆಯಿಂದ ಒರೆಸಿ. ಡೈಮಂಡ್ ಇರುವುದು ಸುರಕ್ಷಿತ, ಆದರೆ ಸಂದೇಹವಿದ್ದರೆ ಜ್ಯುವೆಲರ್‌ಗೆ ತೋರಿಸಿ. ಶುಚಿಗೊಳಿಸಿದ ನಂತರ ಚೆನ್ನಾಗಿ ಒಣಗಿಸಿ, ಗಾಳಿ ಆಡದ ಬಾಕ್ಸ್‌ನಲ್ಲಿ ಇಡಿ.

ನಿಯಮಿತವಾಗಿ (ವಾರಕ್ಕೊಮ್ಮೆ ಅಥವಾ ತಿಂಗಳಿಗೊಮ್ಮೆ) ಶುಚಿಗೊಳಿಸಿದರೆ ನಿಮ್ಮ ಚಿನ್ನ ಯಾವಾಗಲೂ ಪಳಪಳ ಹೊಳೆಯುತ್ತದೆ,(ಏಜೆನ್ಸೀಸ್).