ಮುಂದುರೆದು, 'ಇಂತಹ ದುರ್ಘಟನೆ ನನ್ನ ಜೀವನದಲ್ಲಿಯೂ ಸಂಭವಿಸುತ್ತೆ ಎನ್ನುವುದನ್ನು ನಾನು ಊಹೆ ಮಾಡಿರಲಿಲ್ಲ. ನನ್ನ ತಾಯಿ ಮತ್ತು ನನ್ನ ಸಹೋದರ, ನಾನು ನನ್ನ ಹೆಂಡತಿಯ ಮೇಲೆ ಹಲ್ಲೆ ಮಾಡಿದ್ದೇವೆ ಎಂದು ಕತೆ ಕಟ್ಟಿ, ಎಫ್ಐಆರ್ ದಾಖಲಿಸಲಾಗಿದೆ. ನನ್ನ ಮನೆಯಲ್ಲಿ ಅಂತಹ ಯಾವುದೇ ಘಟನೆ ನಡೆದಿಲ್ಲ. ಇದರಿಂದ ನಾನು ಮಾನಸಿಕ, ಆರ್ಥಿಕ ಮತ್ತು ಸಾಮಾಜಿಕ ಒತ್ತಡದಿಂದಾಗಿ ನಾನು ಸಾಯುತ್ತಿದ್ದೇನೆ ಎಂದಿದ್ದಾರೆ
'ಅವರ ಚಿನ್ನ ನಮ್ಮ ಬಳಿಯೇ ಇದೆ ಎಂದು ಅವರು ಹೇಳಿಕೊಳ್ಳುತ್ತಾರೆ. ಸತ್ಯ ಹೇಳಬೇಕೆಂದರೆ, ಆಕೆಯ ಪೋಷಕರು ಬಲವಂತವಾಗಿ ಆಕೆಯನ್ನು ಎಳೆದುಕೊಂಡು ಹೋಗುತ್ತಿದ್ದಾಗ, ಆಕೆಯೇ ತಾನು ಹೋಗಲು ಬಯಸುವುದಿಲ್ಲ ಎಂದು ಹೇಳಿದ್ದಳು. ನಮ್ಮ ಸಮುದಾಯದವರೇ ಇದಕ್ಕೆ ಸಾಕ್ಷಿ. ಆಕೆ ನಮ್ಮ ಚಿನ್ನವನ್ನು ಧರಿಸಿ ಹೊರಟುಹೋದಳು, ಆದರೆ ನಾವು ನಮ್ಮ ವಸ್ತುಗಳನ್ನು ಹಿಂತಿರುಗಿಸುವಂತೆ ಕೇಳಿದಾಗ ನಮ್ಮ ಮೇಲೆ ಆರೋಪ ಹೊರಿಸಿದರು' ಎಂದಿದ್ದಾರೆ.
ಮಗನಿಗೆ ಹೀಗೆ ಮಾಡುತ್ತಾರಾ?
ನನ್ನ ಮಾವ ನನ್ನ ಮಗ ಎಂದು ಕರೆದುಕೊಳ್ಳುತ್ತಿದ್ದರು. ಆದರೆ, ಯಾವುದೇ ತಂದೆ ಹೀಗೆ ಮಗನನ್ನು ಮಾನಸಿಕವಾಗಿ ಛಿದ್ರಗೊಳಿಸುತ್ತಾರೆಯೇ? ಸುಳ್ಳು ಪ್ರಕರಣ ದಾಖಲಿಸುತ್ತಾರೆಯೇ.ಒಬ್ಬ ತಂದೆ ಕ್ಷಮಿಸಿ ಅವನಿಗೆ ಅವಕಾಶ ನೀಡುತ್ತಾರೆ. ಆದರೆ, ಅವರು ಹಾಗೆ ನಡೆದುಕೊಂಡಿಲ್ಲ. ನಾನಿಂದು ಸಾಯುತ್ತಿದ್ದೇನೆ,.ನನ್ನ ಹೆತ್ತವರು, ನನ್ನ 16 ವರ್ಷದ ಕಿರಿಯ ಸಹೋದರನ ಗತಿ ಗತಿ ಏನಾಗುತ್ತದೆ ತಿಳಿದಿಲ್ಲ ಎಂದು ಅಳಲು ತೋಡಿಕೊಂಡಿದ್ದಾರೆ.
ಜೆನ್ ಜೀಗಳಿಗೆ ಮದುವೆಯೆಂದ್ರೆ ಭಯ
ಸೆಕ್ಷನ್ 498A (ಕೌಟುಂಬಿಕ ಹಿಂಸೆ) ಒಳಗೊಂಡ ಶೇಕಡಾ 90 ರಿಂದ 92 ರಷ್ಟು ಪ್ರಕರಣಗಳು ಸುಳ್ಳು ಮತ್ತು ಕಟ್ಟುಕಥೆ ಎಂದು ನಿಮಗೆ ತಿಳಿದಿದೆಯೇ? ಯಾವುದೇ ಪುರಾವೆ ಅಥವಾ ಆಧಾರವಿಲ್ಲದೆ ಕೇವಲ ಮೌಖಿಕ ಆರೋಪಗಳ ಆಧಾರದ ಮೇಲೆ ಇದನ್ನು ದುರುಪಯೋಗಪಡಿಸಿಕೊಳ್ಳಲಾಗುತ್ತದೆ. ಇದು ಮಹಿಳೆಯ ಆಯುಧವಾದಾಗ ದುರುಪಯೋಗ ಪಡಿಸಿಕೊಳ್ಳಲಾಗುತ್ತದೆ.
ಕಾನೂನು ಸಂಪೂರ್ಣ ಏಕಪಕ್ಷೀಯವಾಗಿದೆ. ಇಂದಿನ ಜೆನ್ ಜೀ ಯುವಕರು ಮದುವೆ ಮಾಡಿಕೊಳ್ಳಲು ಹೆದರುತ್ತಿದ್ದಾರೆ.ಸೆಕ್ಷನ್ 498Aಯಿಂದ ಮುಗ್ಧ ಯುವಕರ ಮೇಲೆ ಕ್ರಮ ಕೈಗೊಳ್ಳಲಾಗುತ್ತಿದೆ. ಆಕೆಯ ಆರೋಪಗಳು ಸಾಬೀತಾಗಬೇಕು ಇದೇ ನನ್ನ ಸವಾಲು. ನನ್ನ ಕುಟುಂಬಕ್ಕೆ ನ್ಯಾಯ ಸಿಗಬೇಕು ಎಂದು ವಿಡಿಯೋದಲ್ಲಿ ಮಾತನಾಡಿದ್ದಾರೆ, (ಏಜೆನ್ಸೀಸ್).
