ಒಂದು ಸಾಕು ನಾಯಿ, ಎರಡು ಕುಟುಂಬಗಳ ಜಗಳ: ಕೊನೆಗೆ ಮಹಿಳೆ ಕಂಬಿ ಹಿಂದೆ ಹೋಗಿದ್ದು ಯಾಕೆ? Dog

ಪೊಲೀಸರ ಮಾಹಿತಿ ಪ್ರಕಾರ, ನೋಯ್ಡಾದ ಸೆಕ್ಟರ್ 4 ರ ವಸತಿ ನಿಲಯದ ಆವರಣದಲ್ಲಿ ಸಾಕು ನಾಯಿ ಮಲಗಿದ ಹಿನ್ನಲೆ ಇಬ್ಬರು ನಿವಾಸಿಗಳ ನಡುವೆ ಮಾತಿನ ಚಕಮಕಿ ಉಂಟಾಗಿದೆ. ನಂತರ ಈ ವಿವಾದ ಉಲ್ಬಣಕ್ಕೆ ತಿರುಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ನನ್ನ ಹೆಂಡತಿ ಮಗುವನ್ನು ಶಾಲೆಗೆ ಬಿಟ್ಟು ವಾಪಾಸ್ಸಾಗುವ ವೇಳೆ ನಾಯಿ ಸೊಸೈಟಿಯ ಆವರಣದಲ್ಲಿ ವಿಶ್ರಾಂತಿ ಪಡೆಯುತ್ತಿತ್ತು. ಈ ವೇಳೆ ನನ್ನ ಹೆಂಡತಿಯು ಈ ಘಟನೆಯನ್ನು ಆಕ್ಷೇಪಿಸಿ ಅಂತಹ ಉಲ್ಲಂಘನೆಗಳಿಗೆ 500 ರೂ ದಂಡವಿದೆ ಎಂದು ಹೇಳಿದಳು. ಈ ಸಂದರ್ಭದಲ್ಲಿ ನಾಯಿಯ ಮಾಲಕಿ (ಮಹಿಳೆ) ಕಿರುಚಲು ಪ್ರಾರಂಭಿಸಿ ಅವಾಚ್ಯ ಶಬ್ಧಗಳಿಂದ ನನ್ನ ಹೆಂಡತಿಗೆ ನಿಂದಿಸಲು ಪ್ರಾರಂಭಿಸಿದರು ಎಂದು ನಿವಾಸಿ ಕುಮಾರ್​ ತಿಳಿಸಿದ್ದಾರೆ.

ಘಟನೆ ನಡೆದ ಕೂಡಲೇ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹರಡಿದ್ದು, ಅದರಲ್ಲಿ ಮಹಿಳೆಯೊಬ್ಬಳು ನಾಯಿ ಹಿಡಿದುಕೊಂಡು ಮತ್ತೊಬ್ಬ ನಿವಾಸಿಯನ್ನು ನಿಂದಿಸುತ್ತಿರುವುದನ್ನು ಕಾಣಬಹುದಾಗಿದೆ. ಈ ವೇಳೆ ಆ ನಿವಾಸಿ ಮೊಬೈಲ್​ನಲ್ಲಿ ಘಟನೆಯನ್ನು ಸೆರೆ ಹಿಡಿಯುತ್ತಿದ್ದಾಳೆ. ವಿವಾದದ ಸಮಯದಲ್ಲಿ ಮಹಿಳೆ ಇತರ ನಿವಾಸಿಯೊಂದಿಗೆ ನಾಯಿಯನ್ನು ಹೊಡೆದಿದ್ದಾಳೆ ಎಂದು ಆರೋಪಿಸಿರುವುದು ಕೂಡಾ ಕೇಳಿ ಬರುತ್ತಿದೆ.

ಈ ಘಟನೆ ಇನ್ನಷ್ಟು ತೀವ್ರವಾಗುತ್ತಿದ್ದಂತೆಯೇ, ಸ್ಥಳೀಯ ನಿವಾಸಿಗಳು ಪೊಲೀಸರಿಗೆ ಔಪಚಾರಿಕ ದೂರು ಸಲ್ಲಿಸಿದರು. ಈ ವಿಚಾರ ಗಮನದಲ್ಲಿಟ್ಟುಕೊಂಡ ಬಿಸ್ರಾಖ್​ ಪೊಲೀಸರು ಮಹಿಳೆಯನ್ನು ವಿಚಾರಕ್ಕೆ ಒಳಪಡಿಸಿದ್ದು, ಭಾರತೀಯ ನ್ಯಾಯ ಸಂಹಿತಾ ಸೆಕ್ಷನ್ 352 ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ತಿಳಿಸಿದ್ದಾರೆ (ಏಜೆನ್ಸೀಸ್​).