ನಾಳೆ ಭಾರತಕ್ಕೆ GOAT: ಲಿಯೋನೆಲ್ ಮೆಸ್ಸಿ ಜೊತೆ ಸೆಲ್ಫಿಗೆ 10 ಲಕ್ಷ ರೂ,! | Lionel Messi

ಕೋಲ್ಕತ್ತಾದ ಸಾಲ್ಟ್ ಲೇಕ್ ಕ್ರೀಡಾಂಗಣವು ಫುಟ್ಬಾಲ್ ಆಟವನ್ನು ವೀಕ್ಷಿಸಲು ಉತ್ಸುಕರಾಗಿರುವ ಜನಸಮೂಹಕ್ಕಾಗಿ ಈಗಾಗಲೇ ಸಿದ್ಧತೆ ನಡೆಸುತ್ತಿದೆ. ಕೋಲ್ಕತ್ತಾ ಬಳಿಕ ಹೈದರಾಬಾದ್, ಮುಂಬೈ ಮತ್ತು ದೆಹಲಿಗೆ ತೆರಳಲಿದ್ದಾರೆ.

ಇನ್ನು ಇದಕ್ಕೂ ಮುಂಚೆ ಕೋಲ್ಕತ್ತಾದಲ್ಲಿ ಅವರೊಂದಿಗೆ ಮೀಟ್-ಅಂಡ್-ಗ್ರೀಟ್ ಸೆಷನ್‌ ಆಯೋಜನೆ ಮಾಡಲಾಗಿದೆ. ಈ ಸೆಷನ್‌ನಲ್ಲಿ ಮೆಸ್ಸಿ ಜೊತೆ ಒಂದು ಸೆಲ್ಫಿ ಅಥವಾ ಫೋಟೋಗೆ 9.95 ಲಕ್ಷ (ಪ್ಲಸ್ GST) ಖರ್ಚು ಮಾಡಬೇಕು ಕೇವಲ 100 ಸ್ಲಾಟ್‌ಗಳು(100 ಜನರಿಗೆ ಮಾತ್ರ ಅವಕಾಶ) ಮಾತ್ರ ಲಭ್ಯ ಎಂದು ಹೇಳಲಾಗುತ್ತಿದೆ. ಹಲವರಿಗೆ, ಇದು ತಮ್ಮ ಕ್ರೀಡಾ ನಾಯಕನೊಂದಿಗೆ ಅವರು ಪಡೆಯುವ ಅತ್ಯಂತ ಹತ್ತಿರದ ಕ್ಷಣವಾಗಿದೆ. ಇನ್ನು ಕೆಲವರಿಗೆ, ಇದು ಕೈಗೆಟುಕದ ಅವಕಾಶವಾಗಿದೆ.

ಒಂದು ಸೆಲ್ಫಿ ಅಥವಾ ಫೋಟೋಗೆ 9.95 ಲಕ್ಷ ಎಂದು ನೆಟ್ಟಿಗರು ಶಾಕ್​ ಆಗಿದ್ದಾರೆ. ಇನ್ನು ಸುದ್ದಿ ಕೇಳಿ ನೆಟ್ಟಿಗರು ಹಾಸ್ಯಮಯವಾಗಿ ರಿಯ್ಯಾಕ್ಟ್ ಮಾಡ್ತಿದ್ದಾರೆ.

"ನ್ಯಾನೋ ಬನಾನಾ ಪ್ರೊ (Nano Banana Pro) ಅನ್ನು ಕೇಳಿ, ಮೆಸ್ಸಿಯೊಂದಿಗೆ ನಿಮ್ಮ ಸೆಲ್ಫಿ ಉಚಿತವಾಗಿ ಜನರೇಟ್ ಮಾಡಿಸಿಕೊಳ್ಳಿ!" ಎಂದು ಬಳಕೆದಾರರು ಪ್ರತಿಕ್ರಿಯಿಸಿದ್ದಾರೆ.

"ಹ್ಯಾಂಡ್‌ಶೇಕ್ ಮತ್ತು ಫೋಟೋಗೆ 10 ಲಕ್ಷ? ಆ ಬೆಲೆಗೆ, ಮೆಸ್ಸಿ ಮನೆಗೆ ಬಂದು ನನ್ನೊಂದಿಗೆ ಫಿಫಾ ಆಡಬೇಕು" ಎಂದು ಹೇಳಿದರು

ಮುಂಬೈಗೆ 14ರಂದು ಮೆಸ್ಸಿ ತೆರಳಿದ್ದು, ಸಂಜೆ ಅದ್ದೂರಿ ಕಾರ್ಯಕ್ರಮ ನಡೆಯಲಿದೆ. ಕಾರ್ಯಕ್ರಮದಲ್ಲಿ ಧೋನಿ, ಕರೀಷ್ಮಾ ಕಪೂರ್ ಸೇರಿ ಅನೇಕ ಸೆಲೆಬ್ರಿಟಿಗಳು ಭೇಟಿಯಾಗುವ ನಿರೀಕ್ಷೆ ಇದೆ.

GOAT ಪ್ರವಾಸವು ಡಿ. 15ರಂದು ನವದೆಹಲಿಯಲ್ಲಿ ಮುಕ್ತಾಯಗೊಳ್ಳಲಿದ್ದು, ಅಲ್ಲಿ ಮೆಸ್ಸಿ ಪ್ರಧಾನಿ ನರೇಂದ್ರ ಮೋದಿಯವರನ್ನು ಭೇಟಿ ಮಾಡಿ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆಯುವ ಸಮಾರಂಭದಲ್ಲಿ ಭಾಗವಹಿಸಲಿದ್ದಾರೆ (ಏಜೆನ್ಸೀಸ್).