ವಿಶ್ವದ ಅತಿ ಹೆಚ್ಚು ಕಲುಷಿತ ದೇಶಗಳ ಪಟ್ಟಿಯಲ್ಲಿ ಪಾಕಿಸ್ತಾನವೇ ಮೊದಲು: ಯಾವ ಸ್ಥಾನದಲ್ಲಿದೆ ಭಾರತ? Global air pollution

Global air pollution : ಭಾರತವೂ ವಿಶ್ವದ ಮೂರನೇ ಅತಿದೊಡ್ಡ ಆರ್ಥಿಕತೆಯಾಗುವ ಹಾದಿಯಲ್ಲಿದೆ. ಸ್ಟಾರ್ಟ್​ಅಪ್​ಗಳು, ಮೆಟ್ರೋ ನಗರಿಗಳು, ಹೆದ್ದಾರಿ, ಡಿಜಿಟಲ್​ ಪಾವತಿ ಸೇರಿದಂತೆ ನಾನಾ ವಿಚಾರದಲ್ಲಿ ಭಾರತ ಈಗ ಯಾವುದಕ್ಕೂ ಕಮ್ಮಿ ಇಲ್ಲ. ಅಭಿವೃಧ್ಧಿಯ ಪಥದಲ್ಲಿ ಸಾಗುತ್ತಿರುವ ಭಾರತ ತನ್ನ ಸುತ್ತಮುತ್ತಲಿನ ವಾತಾವರಣವನ್ನು ಶುಚಿಯಾಗಿಡುವುದರಲ್ಲಿ ಯಾಮಾರುತ್ತಿದೆ. ಇದಕ್ಕೆ ಉದಾಹರಣೆಯೆಂದರೆ, ಸ್ವಿಟ್ಜರ್ಲೆಂಡ್ ಮೂಲದ ಐಕ್ಯೂಏರ್ ಸಂಸ್ಥೆಯು '2025ರ ವಿಶ್ವ ವಾಯು ಗುಣಮಟ್ಟ ವರದಿಯಲ್ಲಿ ಸಿಕ್ಕಿರುವ ಗಂಭೀರ ಮಾಹಿತಿ.

ಹೌದು, ಸ್ವಿಟ್ಜರ್ಲೆಂಡ್ ಮೂಲದ IQAir's 2025 World Air Quality Report ಪ್ರಕಾರ, ಉತ್ತರ ಪ್ರದೇಶದ ಗಾಜಿಯಾಬಾದ್ ಹೊರವಲಯದಲ್ಲಿರುವ ಲೋನಿ ಪಟ್ಟಣವೂ 2025 ಕಾಲಘಟ್ಟದಲ್ಲಿ ವಿಶ್ವದ ಅತ್ಯಂತ ಕಲುಷಿತ ನಗರ ಎಂಬ ಕುಖ್ಯಾತಿಗೆ ಹೆಸರಾಗಿದೆ. ಜಾಗತಿಕ ಮಟ್ಟದಲ್ಲಿ ಭಾರತಕ್ಕೆ ಆರನೇ ಸ್ಥಾನ ಸಿಕ್ಕಿದೆ. ಮೊದಲು ಪಾಕಿಸ್ತಾನ ಎಂದು ವರದಿಯಲ್ಲಿದೆ. 

ಉತ್ತರ ಪ್ರದೇಶದ ಲೋನಿಯಲ್ಲಿ ವಾರ್ಷಿಕ ಸರಾಸರಿ PM2.5 ಸಾಂದ್ರತೆಯು ಪ್ರತಿ ಘನ ಮೀಟರ್​​ಗೆ 1112.5 ಮೈಕ್ರೋ ಗ್ರಾಂ ದಾಖಲಾಗಿದೆ. 2024ಕ್ಕೆ ಹೋಲಿಕೆ ಮಾಡಿದರೆ, ಶೇ.23ರಷ್ಟು ಹೆಚ್ಚಳವಾಗಿದೆ. world health organization (WHO) ನಿಗದಿಪಡಿಸಿದ ಸುರಕ್ಷಿತ ಮಿತಿಗಿಂತ 22 ಪಟ್ಟು ಹೆಚ್ಚು ಎಂದು ಹೇಳಲಾಗಿದೆ.

ವಿಶ್ವದ ಅತಿ ಹೆಚ್ಚು ಕಲುಷಿತ ನಗರಗಳ ಪಟ್ಟಿಯಲ್ಲಿ ಮೇಘಾಲಯದ ಬೈರ್ನಿಹತ್ ಮೂರನೇ ಸ್ಥಾನದಲ್ಲಿದ್ದು, ನಾಲ್ಕನೇ ಸ್ಥಾನದಲ್ಲಿ ದೆಹಲಿ ಇದೆ.ಜೊತೆಗೆ ಅತ್ಯಂತ ಕಲುಷಿತ ರಾಜಧಾನಿ ಹೊರಹೊಮ್ಮಿದೆ ಎನ್ನಲಾಗಿದೆ.

ಹವಾಮಾನ ಬದಲಾವಣೆ, ಕೈಗಾರಿಕೆಗಳು ಹೆಚ್ಚಾಗುತ್ತಿರುವುದು, ಪ್ರಕೃತಿ ನಾಶಕ್ಕೆ ಪರ್ಯಾಯ ಮಾರ್ಗ ಕಂಡುಕೊಳ್ಳದೇ ಇರುವುದು. ಅಭಿವೃದ್ಧಿ ನೆಪದಲ್ಲಿ ನಿರ್ಮಾಣವಾಗುತ್ತಿರುವ ಕಟ್ಟಡಗಳು ಮಾಲಿನ್ಯಕ್ಕೆ ಕಾರಣವಾಗಿದೆ ಎನ್ನಲಾಗಿದೆ. ಪಂಜಾಬ್​ ಮತ್ತು ಹರಿಯಾಣ ವ್ಯಾಪ್ತಿಯಲ್ಲಿ ಅಕ್ಟೋಬರ್​ನಿಂದ ಜನವರಿ ಮಾಸದವರೆಗೂ ಹುಲ್ಲು ಸುಡುವ ಕಾರಣ, ಉತ್ತರ ಪ್ರದೇಶ ಕಲುಷಿತ ನಗರ ಎಂದು ಕರೆಸಿಕೊಳ್ಳಲು ಶೇ.60ರಷ್ಟು ಇದೇ ಕಾರಣ ಎಂದು ಹೇಳಲಾಗಿದೆ. ಸಾರ್ವಜನಿಕ ವಾಹನಗಳ ಬಳಕೆಗಿಂತ ಖಾಸಗಿ ವಾಹನಗಳ ಸಂಚಾರ ಹೆಚ್ಚಳದಿಂದಲೂ ಮಾಲಿನ್ಯಕ್ಕೆ ಕಾರಣವಾಗುತ್ತಿದೆ ಎನ್ನಲಾಗಿದೆ.

ಸ್ವಿಸ್​ನ ಐಕ್ಯೂಏರ್ ಸಂಸ್ಥೆ ಪ್ರಕಾರ, PM2.5  ಎಂಬ ಕಣಗಳು ದೇಹಕ್ಕೆ ಶ್ವಾಸಕೋಶ ಮುಖೇನ ನೇರವಾಗಿ ರಕ್ತನಾಳಗಳಿಗೆ ತಲುಪುತ್ತವೆ. ಹೀಗಾಗಿ ಅಸ್ತಮಾ, ಹೃದಯಸಂಬಂಧಿ ಕಾಯಿಲೆ ಹಾಗೂ ಕ್ಯಾನ್ಸರ್ ಬರುವ ಸಾಧ್ಯತೆ ಇರಲಿದೆ ಎನ್ನಲಾಗಿದೆ, (ಏಜೆನ್ಸೀಸ್).