ಅರ್ಧ ಬರ್ಗರ್​ ತಿನ್ನುತ್ತಿದ್ದಾಗ ಸಿಕ್ತು ಗಾಜಿನ ತುಂಡು; ರೆಸ್ಟೋರೆಂಟ್​ ವಿರುದ್ದ FDA ಮತ್ತು ಪೊಲೀಸರಿಗೆ ದೂರು ಕೊಟ್ಟ ಯುವತಿ

Glass Piece Found In Burger At Mumbai shop: ಮುಂಬೈನಲ್ಲಿ ಮಹಾರಾಷ್ಟ್ರ ಆಹಾರ ಮತ್ತು ಔಷಧ ಆಡಳಿತದ (ಎಫ್​ಡಿಎ) ಅಧಿಕಾರಿ ತುಕಾರಾಮ್​ ಮುಂಡೆ ಅವರು ಫುಡ್​ ರೇಡ್​ ಕಾರ್ಯ ನಡೆಸುತ್ತಿರುವ ಹೊತ್ತಲ್ಲಿಯೇ..ಇಲ್ಲಿನ ಅನೇಕ ಹೋಟೆಲ್​, ರೆಸ್ಟೋರೆಂಟ್, ಬೇಕರಿಯಲ್ಲಿಮ ಆಹಾರದಲ್ಲಿ

ಕಂಡುಬರುತ್ತಿರುವ ಲೋಪದೋಷದ ಬಗ್ಗೆ ಸಮಸ್ಯೆಗಳು ಬೆಳಕಿಗೆ ಬರುತ್ತಿವೆ.

ಕಳೆದ ಕೆಲವು ದಿನದ ಹಿಂದೆ ಪುಣೆಯ ಕುಟುಂಬವೊಂದು ಹಲ್ಲಿ ಬಿದ್ದಿದ್ದ ಕೇಕ್​ ತಿಂದು ಅಸ್ವಸ್ಥರಾಗಿದ್ದ ಕೇಸ್​​ ದಾಖಲಾಗಿತ್ತು. ಆ ಬೆನ್ನಲ್ಲೇ ಬರ್ಗರ್​ನಲ್ಲಿ ಗಾಜಿನ ಪೀಸ್ ಕಂಡುಬಂದ ವಿಚಾರ ಸೋಶಿಯಲ್​ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ.

ಮುಂಬೈ ಅಂಧೇರಿಯಲ್ಲಿರುವ ಜಿಮಿಸ್​​ ಬರ್ಗರ್ (Mumbai's Jimis Burger)ಎನ್ನುವ​ ಕೇಂದ್ರದಿಂದ ಗ್ರಾಹಕರೊಬ್ಬರು ಬರ್ಗರ್​ ಖರೀದಿಸಿದ್ದರು. ಆ ಬರ್ಗರ್​ ಅರ್ಧ ತಿನ್ನುವಾಗ ಸಿಕ್ಕ ಗಾಜಿನ ತುಂಡು ಕಂಡು ಅವರು ಆತಂಕಕ್ಕೆ ಒಳಗಾಗಿದ್ದಾರೆ. ಅದೇನಾದ್ರೂ ಹೊಟ್ಟೆ ಒಳಕ್ಕೆ ಹೋಗಿದ್ದರೆ ಸಾವು ಖಚಿತವಾಗ್ತಿತ್ತು ಎಂದು ಕಳವಳ ವ್ಯಕ್ತಪಡಿಸಿದ್ದಾರೆ.

ತನೀಶಾ ಗೋಗ್ರಿ ಎಂಬುವವರು ಆಗಸ್ಟ್​16ರಂದು ಜಿಮಿಸ್ ಬರ್ಗರ್​​ ಕೇಂದ್ರದಲ್ಲಿ ... ಬರ್ಗರ್​ ಖರೀದಿ ಮಾಡಿದ್ದರು. ಅದನ್ನು ಅರ್ಧ ತಿನ್ನುವಷ್ಟರಲ್ಲಿ ಗಾಜಿನ ಚೂರು ಸಿಕ್ಕಿದೆ. ತನಿಶಾ ಅವರು ಈ ಬಗ್ಗೆ ರೆಸ್ಟೋರೆಂಟ್​ಗೆ ತಿಳಿಸಿದ್ದಾರೆ.ಜೊತೆಗೆ ಅದನ್ನು ಆಡಳಿತ ಮಂಡಳಿಗೆ ಕೊಟ್ಟಿದ್ದಾರೆ. ಆದರೆ ರೆಸ್ಟೋರೆಂಟ್​ ಸಿಬ್ಬಂದಿ ಈ ಬಗ್ಗೆ ತನಿಖೆ ನಡೆಸಿ, ಕ್ರಮ ಕೈಗೊಳ್ಳುವ ಬದಲಿಗೆ ಗಾಜನ್ನು ಎಸೆದಿದ್ದಾರೆ ಎಂದು ತನೀಶಾ ಹೇಳಿಕೊಂಡಿದ್ದಾರೆ. ಹೀಗಾಗಿ ಸಿಟ್ಟಾದ ಅವರು ಪೊಲೀಸರಿಗೆ ಮತ್ತು ಆಹಾರ ಮತ್ತು ಔಷಧ ಆಡಳಿತದ (ಎಫ್​ಡಿಎ) ದೂರು ಕೊಟ್ಟಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ:

ಐಷಾರಾಮಿ ಜೀವನ, ದ್ವೇಷಕ್ಕಾಗಿ ವಿದ್ಯಾರ್ಥಿಗಳಿಂದಲೇ ಪ್ರಿನ್ಸಿಪಾಲ್ ಕೊಲೆ; ಕೃತ್ಯದ ಸುಳಿವು ಕೊಟ್ಟಿದ್ದು 'ಬಾಬು' ಎಂಬ ಪದ..Telangana

ನಾನು ಕೊರಿಯನ್​ ವೆಜ್​ ಬರ್ಗರ್​ ಅನ್ನು ಆರ್ಡರ್​ ಮಾಡಿಕೊಂಡಿದ್ದೆ. ಅದನ್ನು ಅರ್ಧ ತಿನ್ನುವಷ್ಟರಲ್ಲಿ ನನಗೆ ಗಾಜು ಸಿಕ್ಕಿತ್ತು. ನಾನು ತಕ್ಷಣ ಆ ಬಗ್ಗೆ ಆಡಳಿತ ಮಂಡಳಿಗೆ ತಿಳಿಸಿದೆ. ಆದರೆ ಅವರು ಅದನ್ನು ಗಂಭೀರವಾಗಿ ಪರಿಗಣಿಸದೆ ಬಿಸಾಡಿದರು. ಯಾವುದೇ ಕ್ರಮ ಕೈಗೊಳ್ಳಲಿಲ್ಲ ಎಂದು ಅಂಬೋಲಿ ಪೊಲೀಸ್ ಠಾಣೆಯಲ್ಲಿ ದೂರು ಕೊಟ್ಟರು. ಜೊತೆಗೆ ಎಫ್​ಡಿಎ ಅಧಿಕಾರಿಗಳನ್ನು ಖುದ್ದು ಭೇಟಿ ಮಾಡಿ ಸಮಸ್ಯೆ ಹೇಳಿಕೊಂಡಿದ್ದಾರೆ.

ಸದ್ಯ ಅಂಬೋಲಿ ಠಾಣೆಯ ಪೊಲೀಸರು ಹಾಗೂ ಎಫ್​ಡಿಕೆ ಅಧಿಕಾರಿಗಳು ದೂರಿನ ಸಂಬಂಧ ಪರಿಶೀಲನೆ ನಡೆಸುತ್ತಿದ್ದಾರೆ. ರೆಸ್ಟೋರೆಂಟ್​ ಮಾಲೀಕರ ಉತ್ತರಕ್ಕಾಗಿ ಎದುರು ನೋಡುತ್ತಿದ್ದೇವೆ ಎಂದು ತಿಳಿಸಿದ್ದಾರೆ, (ಏಜೆನ್ಸೀಸ್)