ಮತ್ತೆ ಹಸೆಮಣೆ ಏರಲಿದ್ದಾರೆ 'ಗಬ್ಬರ್' ಸಿಂಗ್: ದೀರ್ಘಕಾಲದ ಗೆಳತಿ ಸೋಫಿ ಶೈನ್ ಜೊತೆ ಶಿಖರ್ ಧವನ್ ನಿಶ್ಚಿತಾರ್ಥ! Shikhar Dhawan

ನವದೆಹಲಿ: ಭಾರತದ ಮಾಜಿ ಕ್ರಿಕೆಟ್​ ಆಟಗಾರ ಶಿಖರ್ ಧವನ್ (Shikhar Dhawan) ತಮ್ಮ ದೀರ್ಘಕಾಲದ ಗೆಳತಿ ಸೋಫಿ ಶೈನ್ ಜತೆಗಿನ ನಿಶ್ಚಿತಾರ್ಥವನ್ನು ಸಾಮಾಜಿಕ ಜಾಲತಾಣದಲ್ಲಿ ದೃಢಪಡಿಸಿದ್ದಾರೆ.

ಹಂಚಿದ ನಗುಗಳಿಂದ ಹಂಚಿಕೊಂಡ ಕನಸುಗಳವರೆಗೆ ನಾವು ಶಾಶ್ವತವಾಗಿ ಒಟ್ಟಿಗೆ ಇರುವುದನ್ನು ಆರಿಸಿಕೊಳ್ಳುತ್ತಿರುವಾಗ ನಮ್ಮ ನಿಶ್ಚಿತಾರ್ಥಕ್ಕಾಗಿ ಪ್ರೀತಿ, ಆಶೀರ್ವಾದಗಳು ಮತ್ತು ಪ್ರತಿಯೊಂದು ಶುಭ ಹಾರೈಕೆಗೆ ಕೃತಜ್ಞರಾಗಿರುತ್ತೇವೆ - ಶಿಖರ್ ಮತ್ತು ಸೋಫಿ ಎಂದು ಧವನ್ ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಬರೆದುಕೊಂಡಿದ್ದಾರೆ.

ವರದಿಗಳ ಪ್ರಕಾರ, ಧವನ್ ಫೆಬ್ರವರಿಯಲ್ಲಿ ಸೋಫಿ ಶೈನ್ ಅವರನ್ನು ಮದುವೆಯಾಗಲಿದ್ದು,ಫೆಬ್ರವರಿ ಮೂರನೇ ವಾರದಲ್ಲಿ ದೆಹಲಿ-ಎನ್‌ಸಿಆರ್‌ನಲ್ಲಿ ಸಮಾರಂಭ ನಡೆಯುವ ಸಾಧ್ಯತೆಯಿದೆ. ಕ್ರಿಕೆಟ್ ಜಗತ್ತು ಮತ್ತು ಬಾಲಿವುಡ್ ಎರಡರಿಂದಲೂ ದೊಡ್ಡ ಸಂಖ್ಯೆಯಲ್ಲಿ ಜನ ಭಾಗವಹಿಸುವ ನಿರೀಕ್ಷೆಯಿದೆ. ಅದ್ದೂರಿ ಸಮಾರಂಭಕ್ಕೆ ಈಗಾಗಲೇ ಸಿದ್ಧತೆಗಳು ನಡೆಯುತ್ತಿದೆ, ಆದರೂ ಹೆಚ್ಚಿನ ವಿವರಗಳು ಇನ್ನೂ ಹೊರಬಂದಿಲ್ಲ.

ಫೆಬ್ರವರಿ 2025 ರಲ್ಲಿ, ಶಿಖರ್ ಧವನ್ ವಿಚ್ಛೇದನದ ನಂತರದ ತಮ್ಮ ಕಠಿಣ ಪರಿಸ್ಥತಿ ಬಗ್ಗೆ ಬಹಿರಂಗವಾಗಿ ಮಾತನಾಡಿದ್ದು, ಅವರು ತಮ್ಮ ಮಗ ಜೋರಾವರ್ ಅವರನ್ನು ದೀರ್ಘಕಾಲದಿಂದ ಭೇಟಿಯಾಗಲು ಸಾಧ್ಯವಾಗಿಲ್ಲ ಎಂದು ಹಂಚಿಕೊಂಡಿದ್ದಾರೆ. ಧವನ್ ಮತ್ತು ಅವರ ಮಾಜಿ ಪತ್ನಿ ಆಯೇಷಾ ಮುಖರ್ಜಿ ಜತೆ 2011 ರಲ್ಲಿ ವಿವಾವವಾಗಿದ್ದರು. ಈ ಇಬ್ಬರ 11 ವರ್ಷಗಳ ವೈವಾಹಿಕ ಜೀವನವು 2023 ರಲ್ಲಿ ವಿಚ್ಛೇದನದ ಮೂಲಕ ಕೊನೆಗೊಂಡಿತು.

ವಿಚ್ಛೇದನದ ತೀರ್ಪಿನ ಸಮಯದಲ್ಲಿ, ಧವನ್ ಮಾನಸಿಕ ಕಿರುಕುಳವನ್ನು ಎದುರಿಸಬೇಕಾಯಿತು ಮತ್ತು ಅವರ ಏಕೈಕ ಮಗನಿಂದ ಹಲವು ವರ್ಷಗಳ ಕಾಲ ದೂರವಿಡಲಾಗಿತ್ತು. ನಂತರ ಅವರು ತಮ್ಮ ಮಗನೊಂದಿಗೆ ವರ್ಚುವಲ್ ಸಂಭಾಷಣೆಗಳನ್ನು ನಡೆಸುವುದನ್ನು ಸಹ ನಿಲ್ಲಿಸಲಾಯಿತು ಎಂದು ಧವನ್ ಹೇಳುತ್ತಾರೆ.

1990 ರಲ್ಲಿ ಜನಿಸಿದ ಐರಿಶ್ ಮಹಿಳೆ ಸೋಫಿ ಶೈನ್, ಐರ್ಲೆಂಡ್‌ನಲ್ಲಿ ಶಾಲಾ ಶಿಕ್ಷಣ ಪಡೆದ ನಂತರ, ಅವರು ಕ್ಯಾಸಲ್‌ರಾಯ್ ಕಾಲೇಜಿಗೆ ಹೋದರು ಮತ್ತು ನಂತರ ಲಿಮೆರಿಕ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಮಾರ್ಕೆಟಿಂಗ್ ಮತ್ತು ಮ್ಯಾನೇಜ್‌ಮೆಂಟ್ ವಿದ್ಯಾರ್ಥಿನಿಯಾಗಿ ತಮ್ಮ ಉನ್ನತ ಶಿಕ್ಷಣವನ್ನು ಪಡೆದರು.

ಸೋಫಿ ಬಹುರಾಷ್ಟ್ರೀಯ ಸಂಸ್ಥೆಯ ಉತ್ಪನ್ನ ಸಲಹೆಗಾರರಾಗಿ ತಮ್ಮ ವೃತ್ತಿಪರ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ನಂತರ ಅವರು ಅಬುಧಾಬಿಯಲ್ಲಿ ನಾರ್ದರ್ನ್ ಟ್ರಸ್ಟ್ ಕಾರ್ಪೊರೇಷನ್‌ಗೆ ಸೇರಿದರು ಮತ್ತು ಮಾರ್ಚ್ 2025 ರವರೆಗೆ ಕಂಪನಿಯ ಉಪಾಧ್ಯಕ್ಷರಾಗಿ ಸೇವೆ ಸಲ್ಲಿಸಿದರು.

ನಂತರ ಸೋಫಿ ಕ್ರೀಡಾ ಜಗತ್ತನ್ನು ಪ್ರವೇಶಿಸಿ , ಧವನ್ ಅವರ ಸಮೂಹವಾದ ಡಾ ಒನ್ ಸ್ಪೋರ್ಟ್ಸ್‌ನ ಮುಖ್ಯ ಕಾರ್ಯಾಚರಣಾ ಅಧಿಕಾರಿಯ ಪಾತ್ರವನ್ನು ವಹಿಸಿಕೊಂಡರು,(ಏಜನ್ಸೀಸ್).