ದೇಶಾದ್ಯಂತ ಇಂಧನ ದರಗಳ ಮಹಾ ಸ್ಫೋಟ: ಕೇವಲ 3 ರಾಜ್ಯಗಳಲ್ಲಿ ಮಾತ್ರ 100ಕ್ಕಿಂತ ಕಮ್ಮಿ, ಕರ್ನಾಟಕ ಸೇರಿದಂತೆ ಹಲವೆಡೆ 110ರ ಗಡಿ ದಾಟಿದ ಪೆಟ್ರೋಲ್! Fuel Price Check

ಕಳೆದ 11 ದಿನಗಳ ಅವಧಿಯಲ್ಲೇ ನಡೆದಿರುವ ನಾಲ್ಕನೇ ಬಾರಿಗೆ ಇಂಧನ ದರ ಏರಿಕೆಯಾಗಿದೆ. ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪೆಟ್ರೋಲ್ ಬೆಲೆ ಈಗ ಲೀಟರ್‌ಗೆ 102.12 ರೂಪಾಯಿಗೆ ತಲುಪಿದ್ದರೆ, ಡೀಸೆಲ್ ದರ 95.20 ರೂಪಾಯಿಗೆ ಜಿಗಿದಿದೆ. ಮೇ 15 ರಿಂದ ಈವರೆಗೆ ಇಡೀ ದೇಶದಲ್ಲಿ ಪೆಟ್ರೋಲ್ ದರ ಸರಾಸರಿ 7.5 ರಿಂದ 8 ರೂಪಾಯಿಗಳಷ್ಟು ಭಾರಿ ದುಬಾರಿಯಾಗಿದೆ.

ದೇಶದ ಇಂಧನ ದರಗಳ ಅಧಿಕೃತ ಅಂಕಿ-ಅಂಶಗಳ ಪ್ರಕಾರ, ಭಾರತದ ಕೇವಲ ಮೂರು ಪ್ರಾಂತ್ಯಗಳಲ್ಲಿ ಮಾತ್ರ ಇಂದಿಗೂ ಪೆಟ್ರೋಲ್ ದರ 100 ರೂಪಾಯಿಗಿಂತ ಕಡಿಮೆ ಇದೆ. ಕೇಂದ್ರಾಡಳಿತ ಪ್ರದೇಶವಾದ ದಾದ್ರಾ ಮತ್ತು ನಗರ ಹವೇಲಿ ಹಾಗೂ ದಮನ್ ಮತ್ತು ದಿಯು ಪ್ರಾಂತ್ಯದಲ್ಲಿ ಪೆಟ್ರೋಲ್ ದರ ಲೀಟರ್‌ಗೆ 99.50 ರೂಪಾಯಿ ತಲುಪಿ ಗಡಿಯಲ್ಲೇ ನಿಂತಿದೆ. ಇನ್ನು ಅರುಣಾಚಲ ಪ್ರದೇಶದಲ್ಲಿ 97.99 ರೂಪಾಯಿ ಇದೆ. ಇಡೀ ದೇಶದಲ್ಲೇ ಅತ್ಯಂತ ಅಗ್ಗದ ಪೆಟ್ರೋಲ್ ಸಿಗುತ್ತಿರುವುದು ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿ ಮಾತ್ರ, ಅಲ್ಲಿ ಲೀಟರ್ ಪೆಟ್ರೋಲ್ ಬೆಲೆ ಕೇವಲ 88.66 ರೂಪಾಯಿ ಆಗಿದೆ.

ಸ್ಥಳೀಯ ತೆರಿಗೆಗಳು (VAT), ಸಾರಿಗೆ ವೆಚ್ಚ ಮತ್ತು ಡೀಲರ್ ಕಮಿಷನ್‌ಗಳ ಆಧಾರದ ಮೇಲೆ ಪ್ರತಿ ನಗರದಲ್ಲೂ ಬೆಲೆಗಳು ವ್ಯತ್ಯಾಸವಾಗುತ್ತವೆಯಾದರೂ, ಒಟ್ಟಾರೆ ಗ್ರಾಫ್ ಮಾತ್ರ ದೇಶವನ್ನು ಭೀಕರ ಹಣದುಬ್ಬರದತ್ತ ತಳ್ಳುತ್ತಿದೆ.

ಸ್ಥಳೀಯ ತೆರಿಗೆ ಮತ್ತು ಸೆಸ್ ಹೆಚ್ಚಿರುವ ರಾಜ್ಯಗಳಲ್ಲಿ ಇಂಧನದ ದರಗಳು ಅಕ್ಷರಶಃ ಸಾರ್ವಜನಿಕರನ್ನು ಸುಲಿಯುತ್ತಿವೆ. ಪ್ರಸ್ತುತ ದೇಶದಲ್ಲೇ ಅತ್ಯಂತ ದುಬಾರಿ ಪೆಟ್ರೋಲ್ ಹೊಂದಿರುವ ರಾಜ್ಯವಾಗಿ ಆಂಧ್ರಪ್ರದೇಶ ಹೊರಹೊಮ್ಮಿದ್ದು, ಅಲ್ಲಿ ಲೀಟರ್ ಪೆಟ್ರೋಲ್ ಬೆಲೆ ಬರೋಬ್ಬರಿ 117.75 ರೂಪಾಯಿಗೆ ತಲುಪಿದೆ. ದ್ವಿತೀಯ ಸ್ಥಾನದಲ್ಲಿ ತೆಲಂಗಾಣ (ರೂ. 115.73) ಹಾಗೂ ತೃತೀಯ ಸ್ಥಾನದಲ್ಲಿ ಕೇರಳ (ರೂ. 115.49) ರಾಜ್ಯಗಳಿವೆ.

ಕರ್ನಾಟಕ

ಮಹಾರಾಷ್ಟ್ರ

ಪಶ್ಚಿಮ ಬಂಗಾಳ

ರಾಜಸ್ಥಾನ

ಮಧ್ಯಪ್ರದೇಶ

ಬಿಹಾರ ಮತ್ತು ಸಿಕ್ಕಿಂ

ಇನ್ನುಳಿದಂತೆ ತಮಿಳುನಾಡು, ಒಡಿಶಾ ಮತ್ತು ಪಂಜಾಬ್‌ನಂತಹ ಪ್ರಮುಖ ರಾಜ್ಯಗಳಲ್ಲಿ ಪೆಟ್ರೋಲ್ ದರಗಳು ಲೀಟರ್‌ಗೆ 105 ರೂಪಾಯಿಗಳಿಗಿಂತಲೂ ಅಧಿಕ ಮಟ್ಟದಲ್ಲಿ ವಹಿವಾಟು ನಡೆಸುತ್ತಿವೆ.

ಕೇಂದ್ರ ಪೆಟ್ರೋಲಿಯಂ ಸಚಿವ ಹರ್ದೀಪ್ ಸಿಂಗ್ ಪುರಿ ಅವರು ಇತ್ತೀಚೆಗೆ ಆಘಾತಕಾರಿ ಸತ್ಯವೊಂದನ್ನು ಬಿಚ್ಚಿಟ್ಟಿದ್ದರು. ಜಾಗತಿಕ ತೈಲ ಬಿಕ್ಕಟ್ಟಿನಿಂದಾಗಿ ಭಾರತದ ತೈಲ ಮಾರಾಟ ಕಂಪನಿಗಳು(OMCs) ದಿನಕ್ಕೆ ಬರೋಬ್ಬರಿ 1,000 ಕೋಟಿ ರೂಪಾಯಿಗಳ ಭಾರಿ ನಷ್ಟವನ್ನು ಅನುಭವಿಸುತ್ತಿದ್ದವು. ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲೇ ಕಂಪನಿಗಳು 1 ರಿಂದ 1.2 ಲಕ್ಷ ಕೋಟಿ ರೂಪಾಯಿಗಳ ಬೃಹತ್ ನಷ್ಟದ ಸುಳಿಗೆ ಸಿಲುಕುವ ಭೀತಿಯಲ್ಲಿದ್ದವು.

ಆದರೆ, ಕಳೆದ 11 ದಿನಗಳಲ್ಲಿ ಮಾಡಲಾದ 4 ಹಂತದ ಬೆಲೆ ಏರಿಕೆಗಳು ತೈಲ ಕಂಪನಿಗಳಿಗೆ ಸಂಜೀವಿನಿಯಾಗಿ ಪರಿಣಮಿಸಿವೆ. ಆರ್ಥಿಕ ವಿಶ್ಲೇಷಕರ ಪ್ರಕಾರ, ತೈಲ ದರದಲ್ಲಿ ಪ್ರತಿ 50 ಪೈಸೆ ಹೆಚ್ಚಳವಾದರೆ ಐಒಸಿಎಲ್ (IOCL) ಕಂಪನಿಯ ಇಬಿಐಟಿಡಿಎ (EBITDA) ಶೇ.7 ರಷ್ಟು, ಬಿಪಿಸಿಎಲ್ ಶೇ.8 ರಷ್ಟು ಮತ್ತು ಎಚ್‌ಪಿಸಿಎಲ್ ಶೇ.11 ರಷ್ಟು ಚೇತರಿಕೆ ಕಾಣುತ್ತದೆ. ಸೋಮವಾರ ಮಾಡಲಾದ ಸರಾಸರಿ 2.7 ರೂಪಾಯಿಗಳ ದರ ಏರಿಕೆಯಿಂದಾಗಿ ತೈಲ ಕಂಪನಿಗಳು ಪ್ರತಿದಿನ ಹೆಚ್ಚುವರಿಯಾಗಿ 113 ಕೋಟಿ ರೂಪಾಯಿಗಳನ್ನು ಉಳಿಸಲಿವೆ. ಒಟ್ಟಾರೆಯಾಗಿ, ಈ 4 ದರ ಏರಿಕೆಗಳ ಮೂಲಕ ತೈಲ ಕಂಪನಿಗಳು ತಮ್ಮ ನಿತ್ಯದ ಒಟ್ಟು ನಷ್ಟದ ಪೈಕಿ ಶೇ. 44 ರಷ್ಟು ನಷ್ಟವನ್ನು ಯಶಸ್ವಿಯಾಗಿ ಕಡಿತಗೊಳಿಸಿಕೊಂಡಿವೆ.

ಕೇಂದ್ರ ಸರ್ಕಾರದ ಈ ಕಠಿಣ ಆರ್ಥಿಕ ಧೋರಣೆ ಮತ್ತು ತೈಲ ಕಂಪನಿಗಳ ನಷ್ಟ ಭರ್ತಿ ಮಾಡುವ ಪ್ರಕ್ರಿಯೆಯು ದೇಶದಲ್ಲಿ ಅಗತ್ಯ ವಸ್ತುಗಳ ಬೆಲೆ ಏರಿಕೆಗೆ ಕಾರಣವಾಗುತ್ತಿದ್ದು, ಜನಸಾಮಾನ್ಯರಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ,(ಏಜೆನ್ಸೀಸ್​).