ಬೀದಿ ನಾಯಿ ಕಾಟಕ್ಕೆ ಬೇಸತ್ತ ಜನ; ಪಂಚಾಯತ್ ಅಧಿಕಾರಿಯ ಟೇಬಲ್ ಮೇಲೆಯೇ ಶ್ವಾನದ ಮರಿ ಇಟ್ಟು ವಿನೂತನ ಪ್ರತಿಭಟನೆ!

Frustrated by dog menace, Yuva Sena workers release strays on Nashik official's table: ಬೀದಿ ನಾಯಿಗಳ ಕಾಟದಿಂದ ಬೇಸತ್ತ ಹಿನ್ನೆಲೆ, ಮಹಾರಾಷ್ಟ್ರದ ನಾಸಿಕ್​ನಲ್ಲಿನ ಯುವಸೇನಾ ಕಾರ್ಯಕರ್ತರು ಬೀದಿ ನಾಯಿಮರಿಗಳನ್ನು ತಂದು ನಗರ ಪಂಚಾಯತ್​ ಅಧಿಕಾರಿ ಮೇಜಿನ ಮೇಲೆ ಬಿಟ್ಟು ವಿನೂತನವಾಗಿ ಪ್ರತಿಭಟನೆ ನಡೆಸಿದ ದೃಶ್ಯಗಳು ಸದ್ಯ ಸೋಶಿಯಕಲ್​ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಶಿವಸೇನೆಯ ಯುವ ಘಟಕವಾದ ಯುವಸೇನೆಯ ಜಿಲ್ಲಾ ಮುಖ್ಯಸ್ಥ ವಿಕ್ರಮ್ ರಾಂಧವೆ, ಗೋಣಿ ಚೀಲದಿಂದ ನಾಯಿಮರಿ ತೆಗೆದು, ನಿಫಡ್‌ನಲ್ಲಿರುವ ನಗರ ಪಂಚಾಯತ್ ಕಚೇರಿಯಲ್ಲಿ ಮುಖ್ಯ ಅಧಿಕಾರಿ ಧೀರಜ್ ಭಮ್ರೆ ಅವರ ಮೇಜಿನ ಮೇಲೆ ಬಿಟ್ಟ ದೃಶ್ಯವು ಸದ್ಯ ಕ್ಯಾಮೆರಾ ಕಣ್ಣಿನಲ್ಲಿ ಸೆರೆಯಾಗಿದೆ.

ನಾಸಿಕ್​ನಲ್ಲಿ ಬೀದಿ ನಾಯಿಗಳಿಂದಾಗುತ್ತಿರುವ ಸಮಸ್ಯೆ ಬಗ್ಗೆ ಎಷ್ಟು ಬಾರಿ ದೂರು ಕೊಟ್ಟರು ಸಹ ಅಧಿಕಾರಿಗಳು ತಲೆ ಕೆಡಿಸಿಕೊಳ್ಳುತ್ತಿರಲಿಲ್ಲ. ಆದರೆ ಇದರಿಂದ ಜನರಿಗೆ ಸಮಸ್ಯೆಯುಂಟಾಗುತ್ತಿತ್ತು. ಇದರಿಂದ ಬೇಸತ್ತ ಯುವಸೇನಾ ಕಾರ್ಯಕರ್ತರು ನಾಯಿ ಮರಿಯನ್ನೇ ಕಚೇರಿಗೆ ತಂದುಬಿಟ್ಟರು. ಇಷ್ಟೇ ಅಲ್ಲದೇ ನೋಟುಗಳ ಹಾರವನ್ನು ಅವರ ಮುಂದೆ ಇಟ್ಟು, ಸಮಸ್ಯೆ ಬಗ್ಗೆ ವಾಗ್ವಾದ ನಡೆಸುತ್ತಿರುವುದು ವಿಡಿಯೋದಲ್ಲಿ ಇದೆ.