ಆಟೋ ಅಡ್ಡಗಟ್ಟಿ ನಾಲ್ವರು ಹಿಂದೂ ಹುಡುಗಿಯರ ಮೇಲೆ 20 ಮುಸ್ಲಿಂ ಯುವಕರಿಂದ ಹಲ್ಲೆ! ಏನಿದು ವಿವಾದ? Hindu Girls

ಮುಂಬೈ: ಶೇರ್​ ಆಟೋ ವಿಚಾರದಲ್ಲಿ ಭುಗಿಲೆದ್ದ ವಾಗ್ವಾದ ಹಿಂಸಾತ್ಮಕ ಸ್ವರೂಪ ಪಡೆದು, ಸುಮಾರು 20 ಮುಸ್ಲಿಂ ಯುವಕರ ಗುಂಪು, ನಾಲ್ವರು ಹಿಂದೂ ಹುಡುಗಿಯರ ( Hindu Girls ) ಮೇಲೆ ಹಲ್ಲೆ ಮಾಡಿರುವಂತಹ ಆಘಾತಕಾರಿ ಘಟನೆ ಮುಂಬೈನ ದಿಂಡೋಶಿ ಏರಿಯಾದಲ್ಲಿ ನಡೆದಿದೆ. ಈ ಘಟನೆ ಇದೀಗ ರಾಜಕೀಯ ಸ್ವರೂಪ ಪಡೆದುಕೊಂಡಿದೆ.

ಮಲಾಡ್ ರೈಲು ನಿಲ್ದಾಣದ ಬಳಿ ಮುಸ್ಲಿಂ ಮಹಿಳೆಯರೊಂದಿಗೆ ಹಂಚಿಕೊಂಡ ಶೇರ್​ ಆಟೋರಿಕ್ಷಾ ವಿಚಾರದಲ್ಲಿ ನಾಲ್ವರು ಗುಜರಾತಿ ಹುಡುಗಿಯರು ನಿನ್ನೆ ಸಂಜೆ ಜಗಳವಾಡಿದಾಗ ಈ ಘಟನೆ ನಡೆದಿದೆ. ಸುಪ್ರೀಂ ಸಮಾಚಾರ್ ವರದಿಯ ಪ್ರಕಾರ, ಮಲಾಡ್‌ನಲ್ಲಿ ಶಾಪಿಂಗ್‌ಗೆ ಹೋಗಿದ್ದ ಗುಜರಾತಿ ಹಿಂದೂ ಕುಟುಂಬವೊಂದು ಶೇರ್​ ಆಟೋ ಸಾಲಿನಲ್ಲಿ ನಿಂತಿತ್ತು. ಕುಟುಂಬಕ್ಕೆ ಹತ್ತಿರವಿರುವ ಮಹಿಳೆಯೊಬ್ಬರು ನಮ್ಮ ಹುಡುಗಿಯರು ಸಾಲಿನಲ್ಲಿ ಮುಂದೆ ಇದ್ದರು ಆದರೆ, ಬುರ್ಖಾ ಧರಿಸಿದ ಮಹಿಳೆಯರು ಸಾಲಿನಲ್ಲಿ ಮುಂದೆ ಹೋಗಲು ಬಯಸಿದ್ದರಿಂದ ಈ ವಾಗ್ವಾದ ಉಂಟಾಯಿತು ಎಂದಿದ್ದಾರೆ.

ಸಂತ್ರಸ್ತರು ಮತ್ತು ಅವರ ಕುಟುಂಬಗಳೊಂದಿಗೆ ಸ್ಥಳೀಯ ಪೊಲೀಸ್ ಠಾಣೆಗೆ ದೂರು ನೀಡಲು ಭೇಟಿ ನೀಡಿದ್ದಾಗಿ ನಿರುಪಮ್ ಇದೇ ಸಮಯದಲ್ಲಿ ತಿಳಿಸಿದರು. ನಂತರ, ಘಟನೆಯನ್ನು ಖಂಡಿಸಿ, ನಿವಾಸಿಗಳೊಂದಿಗೆ ಸ್ಥಳದಲ್ಲೇ ಪ್ರತಿಭಟನೆ ನಡೆಸಿದರು. ಈ ಸಂದರ್ಭದಲ್ಲಿ ಅವರು ಹನುಮಾನ್ ಚಾಲೀಸಾವನ್ನು ಪಠಿಸಿದರು. ಈ ಘಟನೆಯನ್ನು 'ತೀವ್ರವಾಗಿ ತೊಂದರೆದಾಯಕ' ಎಂದು ಕರೆದರು. ಇಂಥಾ ಸಣ್ಣ ವಿವಾದಕ್ಕೆ ಯುವತಿಯರನ್ನು ಗುರಿಯಾಗಿಸಿಕೊಂಡ ಈ ಗುಂಪು ಹೇಗೆ ದಾಳಿ ಮಾಡಬಹುದು ಎಂದು ಪ್ರಶ್ನಿಸಿದರು.