ಇಡೀ ಜಗತ್ತನ್ನೇ ಸುತ್ತಿ ಬಂದರೂ ಇಂಥಾ ಜನ ಸಿಗಲ್ಲ; ಭಾರತೀಯರ ಅತಿಥಿ ಸತ್ಕಾರವನ್ನು ಮುಕ್ತಕಂಠದಿಂದ ಶ್ಲಾಘಿಸಿದ ವಿದೇಶಿ ಮಹಿಳೆ! ವಿಡಿಯೋ ವೈರಲ್.. Incredible India

ಭಾರತದಲ್ಲಿ ಏಕಾಂಗಿಯಾಗಿ ಪ್ರಯಾಣಿಸುತ್ತಿರುವ ಪೈಜ್ ಎಂಬ ವಿದೇಶಿ ಮಹಿಳೆಯೊಬ್ಬರು, ತಾವು ಭಾರತದಲ್ಲಿ ಕಳೆದ ಸುಂದರ ಕ್ಷಣಗಳು ಮತ್ತು ಇಲ್ಲಿನ ಜನರ ಸಹೃದಯತೆಯನ್ನು ಕೊಂಡಾಡಿ ವೀಡಿಯೊ ಒಂದನ್ನು ಹಂಚಿಕೊಂಡಿದ್ದಾರೆ.

ಪೈಜ್​ ಅವರು ದೆಹಲಿಗೆ ತಲುಪಿದಾಗ ವಿಮಾನ ತಡರಾತ್ರಿ ಆಗಿತ್ತು. ಈ ವೇಳೆ ಅವರು ತಂಗಬೇಕಿದ್ದ ಹೋಟೆಲ್​ಗೆ ಹೋಗಲು ಉಬರ್​ ಬುಕ್​ ಮಾಡಿದ್ದರು. ಆದರೆ, ಆ ಹೋಟೆಲ್​ ತಲುಪುವಷ್ಟರಲ್ಲಿ ವಾಹನಗಳ ಸಂಚಾರವನ್ನು ಸಂಪೂರ್ಣವಾಗಿ ನಿರ್ಬಂಧಿಸಲಾಗಿತ್ತು. ಆದಾಗ್ಯೂ, ರಸ್ತೆಯ ಮುಂಭಾಗದಲ್ಲೇ ಬ್ಯಾರಿಕೇಡ್‌ಗಳಿದ್ದ ಕಾರಣ ಕಾರು ನೇರವಾಗಿ ಹೋಟೆಲ್‌ನ ಮುಂಭಾಗಕ್ಕೆ ಹೋಗಲು ಸಾಧ್ಯವಿರಲಿಲ್ಲ. ಆಗ ಚಾಲಕ ಆ ಮಹಿಳೆಯನ್ನು ಹೋಟೆಲ್​ನ ಅತ್ಯಂತ ಹತ್ತಿರದ ರಸ್ತೆಯವರೆಗೂ ಕರೆದುಕೊಂಡು ಹೋದನು. ನಂತರ ಸುರಕ್ಷಿತ ಜಾಗದಲ್ಲಿ ಕಾರು ನಿಲ್ಲಿಸಿ ವಿದೇಶಿ ಪ್ರಯಾಣಿಕರೊಂದಿಗೆ ಹೆಜ್ಜೆ ಹಾಕುತ್ತಾ ಅವರನ್ನು ಹೋಟೆಲ್​ ಒಳಗೆ ಬಿಟ್ಟು ಬಂದಿದ್ದಾರೆ.