ಕಡಿಮೆ ಬೆಲೆಗೆ ಕೆಮ್ಮಿನ ಸಿರಫ್, ಗಂಟಲು ನೋವು ಮಾತ್ರೆ ಸಿಕ್ಕಿದ್ದು ಕಂಡು ಫಾರಿನ್​ ಲೇಡಿ ಬೆರಗು; ಭಾರತದ ಬಗ್ಗೆ ಆಕೆ ಹೇಳಿದ್ದಿಷ್ಟು..Indian Medicine

Affordable medicine India: ಭಾರತ ಸಾಮಾನ್ಯ ಜನರಿಗೆ ಕೈಗೆಟುಕುವ ದರದಲ್ಲಿ ಔಷಧಿಗಳನ್ನು ಮಾರಾಟ ಮಾಡುತ್ತಿದೆ. ಕಡಿಮೆ ಬೆಲೆಗೆ ಸಾಕಷ್ಟು ಔಷಧಿ ಸಿಗೋದು ನಿಜಕ್ಕೂ ಆಶ್ಚರ್ಯವಾಗುತ್ತದೆ ಎನ್ನುತ್ತಾ ವಿದೇಶಿಯರು ಭಾರತದ ಬಗ್ಗೆ ಇಷ್ಟೆಲ್ಲ ಹೊಗಳುತ್ತಿರುವುದು ಬೇರೆಲ್ಲೂ ಅಲ್ಲ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ವಿದೇಶಿ ಮಹಿಳೆಯೊಬ್ಬರು ಹಂಚಿಕೊಂಡ ವಿಡಿಯೋಗೆ.

ಹೌದು, ಭಾರತಕ್ಕೆ ಭೇಟಿ ನೀಡಿದ್ದ ವಿದೇಶಿ ಮಹಿಳೆ ಫರಿಯಾ ಎಂಬುವವರು ಮಾತು ಶುರುಮಾಡಿದ್ದು ಹೀಗೆ, ತನ್ನ ದೇಶದಲ್ಲಿ ಸಾವಿರಾರು ರೂಪಾಯಿಗೆ ಮಾರಾಟವಾಗುವ ಔಷಧಿಗಳು. ಇಲ್ಲಿ ಕಡಿಮೆ ಬೆಲೆಗೆ ಗುಣಮಟ್ಟದ ಔಷಧಿ ಸಿಗುವ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಅಷ್ಟೇ ಅಲ್ಲದೇ ಇದನ್ನು ಇನ್​ಸ್ಟಾಗ್ರಾಮ್​ಗೆ ಹಂಚಿಕೊಂಡಿರುವ ಕಾರಣ, ವಿದೇಶದಲ್ಲಿರುವ ಹಲವರು ಅವರ ವಿಡಿಯೋಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಭಾರತದ ಬಗ್ಗೆ ಪ್ರಶಂಸಿದ್ದಾರೆ.

ಕೆಮ್ಮಿನಿಂದ ಬಳಲುತ್ತಿರುವ ಫರಿಯಾ ಮೆಡಿಕಲ್​ ಅಂಗಡಿಗಳಿಗೆ ಅತ್ತಿಂದಿತ್ತ ಅಲೆದಾಡುವುದನ್ನು ಚಿತ್ರೀಕರಿಸಲಾಗಿದೆ. ಮುಂದುವರೆದು, ಒಂದು ಮೆಡಿಕಲ್​ ಶಾಪ್​ನಲ್ಲಿ, ನನಗೆ ತೀವ್ರವಾಗಿ ಕೆಮ್ಮು ಕಾಣಿಸಿಕೊಂಡಿದೆ. ಇದು ಸರಿಯಾಗುವಂತೆ ಏನಾದರೂ ಸಹಾಯ ಮಾಡಿ ಎಂದು ಮಹಿಳೆ ಬಳಿ ಕೇಳಿಕೊಳ್ಳುತ್ತಾರೆ. ಮಹಿಳೆ ಕೆಮ್ಮಿನ ಸಿರಪ್, ಮೂರು ಪ್ಯಾಕ್ ಗಂಟಲು ಮಾತ್ರೆ ನೀಡುತ್ತಾರೆ. ಒಟ್ಟು ​ 252 ರೂಪಾಯಿ ಎಂದು ಬಿಲ್ ನೀಡುತ್ತಾರೆ. ಆಕೆ ಒಟ್ಟು ಮೊತ್ತವನ್ನು ನಗದು ರೂಪದಲ್ಲಿ ಪಾವತಿ ಮಾಡಿ ಹೊರಬರುತ್ತಾಳೆ.

ಮೆಡಿಕಲ್​ನಿಂದ ಆಚೆ ಬರುತ್ತಲೇ ಆಶ್ಚರ್ಯ ವ್ಯಕ್ತಪಡಿಸುವ ಆಕೆ, ಹೀಗೆಂದು ಮಾತನಾಡಿದ್ದಾರೆ. ಮೂರು ಗಂಟಲು ನೋವು ಮಾತ್ರೆ, ಒಂದು ಕೆಮ್ಮಿನ ಸಿರಪ್ಪು ಇಷ್ಟು ಸೇರಿ ಕೇವಲ 252 ರೂಪಾಯಿಯಾಗಿದೆ. ನಾನು ನಿಜವಾಗಿಯೂ ದುಬಾರಿಯಾಗಿರಬಹುದು ಎಂದು ತಿಳಿದಿದ್ದೆ. ನನ್ನ ದೇಶದಲ್ಲಿ ಇದೇ ಔಷಧಿ ಬಲು ದುಬಾರಿ ನಾನು ಇಲ್ಲಿಗೆ ಬರಲು ಇಚ್ಛಿಸುತ್ತೇನೆ ಎಂದು ಆಕೆ ಹೇಳಿಕೊಂಡಿದ್ದಾರೆ.

ಭಾರತದಲ್ಲಿ ಬೇಸಿಕ್ ಆಗಿ ಬೇಕಾಗಿರುವ ಮಾತ್ರೆಗಳು ಕಡಿಮೆ ಬೆಲೆಯಲ್ಲಿಯೇ ದೊರೆಯುತ್ತವೆ. ಇದು ನಿಜಕ್ಕೂ ನಂಬಲು ಅಸಾಧ್ಯವಾದದ್ದು. ನಾನು ವಾಸಿಸುತ್ತಿರುವ ದೇಶದಲ್ಲಿ ಇಷ್ಟಕ್ಕೆ ಹತ್ತುಪಟ್ಟು ಹಣ ತೆಗೆದುಕೊಳ್ಳುತ್ತಿದ್ದರು ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, ನಿಜವಾಗಲೂ ಭಾರತದ ದೇಶ ತನ್ನ ಜನರಿಗೆ ಕೈಗೆಟುಕುವ ದರದಲ್ಲಿ ಔಷಧಿಯನ್ನು ನೀಡುತ್ತಿದೆ ಎಂದು ಹೇಳಿದ್ದಾರೆ.

ಎಷ್ಟೋ ಜನರನ್ನು ನಾನು ನೋಡಿದ್ದೇನೆ, ಅವರೆಲ್ಲ ಭಾರತಕ್ಕೆ ಭೇಟಿ ನೀಡಿದಾಗ ಸಾಕಷ್ಟು ಮಾತ್ರೆಗಳನ್ನು ಖರೀದಿ ಮಾಡಿ ಇಲ್ಲಿಗೆ ತರುತ್ತಿದ್ದರು. ಈಗ ಇದರ ಹಿಂದಿನ ಕಾರಣ ಏನೂ ಅನ್ನೋದು ನನಗೆ ಈಗ ಗೊತ್ತಾಗುತ್ತಿದೆ ಎಂದು ಕಾಮೆಂಟ್ ಮಾಡಿದ್ದಾರೆ. ಇದೇ ಔಷಧಕ್ಕೆ ವಿದೇಶದಲ್ಲಿ ದುಬಾರಿ ಹಣ ಪಾವತಿ ಮಾಡುತ್ತೇವೆ. ನಿಜಕ್ಕೂ ಭಾರತದಲ್ಲಿ ಇಷ್ಟು ಕಡಿಮೆಗೆ ಸಿಗುತ್ತಿರುವುದು ಮೆಚ್ಚುಗೆಯ ವಿಚಾರ ಎಂದು ಹೇಳಿದ್ದಾರೆ.

ಫರಿಯಾ ವಿಡಿಯೋಗೆ ಭಾರತದ ವ್ಯಕ್ತಿಯೊಬ್ಬರು ಕಾಮೆಂಟ್ ಮಾಡಿದ್ದು, ಭಾರತಕ್ಕೆ ಬರುವ ನಿಮಗೆಲ್ಲರಿಗೂ ಸ್ವಾಗತ. ಇಲ್ಲಿರುವ ಮೆಡಿಕಲ್​ ಶಾಪ್​ಗಳು ದುಬಾರಿ ಹಣ ಪಡೆದು, ನಿಮ್ಮ ಹೃದಯವನ್ನು ಚೂರು ಮಾಡೋದಿಲ್ಲ ಎಂದು ಕಾಮೆಂಟ್ ಮಾಡಿರುವುದು ಹಲವರ ಹೃದಯ ಗೆಲ್ಲುವಂತೆ ಮಾಡಿದೆ,(ಏಜೆನ್ಸೀಸ್).