ವಿವಾದ ಬೆನ್ನಲ್ಲೇ ಮೊಟ್ಟೆ ಪ್ರಿಯರಿಗೆ ತಟ್ಟಿದ ಬೆಲೆ ಏರಿಕೆ ಬಿಸಿ! ದಾಖಲೆ ಮಟ್ಟ ತಲುಪಿದ ಎಗ್​ ದರ | Egg Price

ಬೆಂಗಳೂರು: ಇತ್ತೀಚೆಗಷ್ಟೇ ಕೋಳಿ ಮೊಟ್ಟೆಗಳ ಸೇವನೆ ಆರೋಗ್ಯಕ್ಕೆ ಕುತ್ತು ಎಂಬ ಸುದ್ದಿಯೊಂದು ದೇಶದಲ್ಲಿ ಭಾರೀ ಸಂಚಲನ ಹಾಗೂ ಆತಂಕ ಸೃಷ್ಟಿಸಿತು. ಆರೋಗ್ಯದ ಕಣಜ ಎಂದೇ ಕರೆಯಲ್ಪಡುವ ಮೊಟ್ಟೆಯಲ್ಲಿ ಕ್ಯಾನ್ಸರ್​ಕಾರಕ ಅಂಶವಿದೆ ಎಂಬ ಸುದ್ದಿ ಕಾಡ್ಗಿಚ್ಚಿನಂತೆ ಹರಡಿ, ಅನೇಕ ಜನರಲ್ಲಿ ಭೀತಿ ಉಂಟುಮಾಡಿತು. ಒಂದಷ್ಟು ಪರೀಕ್ಷೆಗಳ ಬಳಿಕ ಮೊಟ್ಟೆ ತಿನ್ನಲು ಸುರಕ್ಷಿತವಾಗಿದ್ದು, ಯಾವುದೇ ಕ್ಯಾನ್ಸರ್​ಕಾರಕ ಕಂಡುಬಂದಿಲ್ಲ ಎಂದು ಭಾರತದ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ (FSSAI) ಸ್ಪಷ್ಟಪಡಿಸಿತು. ಇದರ ಬೆನ್ನಲ್ಲೇ ದೇಶದ ಹಲವೆಡೆ ಕೋಳಿ ಮೊಟ್ಟೆಗಳ ದರದಲ್ಲಿ ದಿಢೀರ್ ಏರಿಕೆ ಕಂಡುಬಂದಿದೆ.

ಪ್ರತಿನಿತ್ಯದ ಪ್ರೋಟಿನ್​ಗಾಗಿ ಕೋಳಿ ಮೊಟ್ಟೆಗಳ ಮೇಲೆ ಹೆಚ್ಚು ಅವಲಂಬಿತರಾಗಿರುವ ಅನೇಕರಿಗೆ ಈ ಬೆಲೆ ಏರಿಕೆ ಸದ್ಯ ಆಘಾತ ತಂದೊಡ್ಡಿದೆ. ದಿನದಿಂದ ದಿನಕ್ಕೆ ಬೆಲೆಗಳು ಏರುತ್ತಿರುವುದರಿಂದ, ಕೋಳಿ ಮೊಟ್ಟೆಗಳು ಮಧ್ಯಮ ವರ್ಗದ ಜನರಿಗೆ ಹೊರೆಯಾಗಿ ಪರಿಣಮಿಸಿವೆ ಎಂಬುದರಲ್ಲಿ ಅನುಮಾನವೇ ಇಲ್ಲ. ಕೆಲವು ತಿಂಗಳ ಹಿಂದೆ, ಮುಕ್ತ ಮಾರುಕಟ್ಟೆಯಲ್ಲಿ ಒಂದು ಕೋಳಿ ಮೊಟ್ಟೆಯ ಬೆಲೆ 5 ರೂ. ಇತ್ತು. ಅದಾದ ಬಳಿಕ, 6 ರೂ.ಗೆ ಏರಿತು. ಆದರೀಗ, ಒಂದು ಮೊಟ್ಟೆಯ ಬೆಲೆ 7.50ರಿಂದ 8 ರೂ.ಗೆ ತಲುಪಿದೆ.

ಪ್ರಸ್ತುತ, ಒಂದು ಮೊಟ್ಟೆ 8 ರೂ.ಗಳ ದಾಖಲೆಯ ಗರಿಷ್ಠ ಮಟ್ಟವನ್ನು ತಲುಪಿದ್ದು, ಬಹುತೇಕ ಸಗಟು ಮಾರುಕಟ್ಟೆಯಲ್ಲಿ ಪ್ರತಿ ಮೊಟ್ಟೆಯ ಬೆಲೆ 7.30 ರೂ.ಗೆ ಏರಿರುವುದು ಗಮನಾರ್ಹ. ಈ ಹಿಂದೆ, ಒಂದು ಟ್ರೇ (30 ಮೊಟ್ಟೆಗಳು) 160 ರೂ.ನಿಂದ 170 ರೂ.ಗೆ ಲಭ್ಯವಿತ್ತು. ಆದರೀಗ, ಅದು 210 ರೂ.ನಿಂದ 210 ರೂ.ಗೆ ತಲುಪಿದೆ.

ಈ ವಿಡಿಯೋ ವೈರಲ್​ ಆಗಿ, "ಮೊಟ್ಟೆಯಿಂದ ಕ್ಯಾನ್ಸರ್ ಬರುತ್ತದೆ" ಚರ್ಚೆ ಹುಟ್ಟಿಕೊಂಡಿತು. ಇದು ಕರ್ನಾಟಕದ ವಿಧಾನಸಭೆಯಲ್ಲೂ ಪ್ರಸ್ತಾಪವಾಗಿ, ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್ ಅವರು "ಮೊಟ್ಟೆಯಲ್ಲಿ ಕ್ಯಾನ್ಸರ್‌ಕಾರಕ ಅಂಶಗಳಿಲ್ಲ, ತಿನ್ನಲು ಸುರಕ್ಷಿತ" ಎಂದು ಸ್ಪಷ್ಟಪಡಿಸಿದರು. ಇದರ ನಡುವೆ ಎಗ್ಗೋಜ್ ಕಂಪನಿಯು ತಮ್ಮ ಮೊಟ್ಟೆಗಳು ಆ್ಯಂಟಿಬಯೋಟಿಕ್-ಮುಕ್ತ ಎಂದು ಹೇಳಿ, ಹೊಸ ಪರೀಕ್ಷೆಗಳನ್ನು ನಡೆಸುತ್ತಿರುವುದಾಗಿ ತಿಳಿಸಿದೆ, (ಏಜೆನ್ಸೀಸ್​).