ನೋ ಕಾಲ್, ನೋ ಕನ್ಫ್ಯೂಷನ್! ಮನೆ ಬಾಗಿಲಿಗೇ ಬಂದು ಆಹಾರ ನೀಡಿದ ಸ್ಮಾರ್ಟ್ ರೋಬೋಟ್; ವಿಡಿಯೋ ವೈರಲ್...Robot Food Delivery

ಸಾಮಾನ್ಯವಾಗಿ ಆರ್ಡ್​ರ್​ ಮಾಡಿದಾಗ  ವಿಳಾಸ ಕೇಳಲು ಅಥವಾ ಲೊಕೇಶನ್ ಸಿಗದಿದ್ದಾಗ ಡೆಲಿವರಿ ಪಾರ್ಟ್‌ನರ್‌ನಿಂದ ಕನಿಷ್ಠ ಒಂದೆರಡು ಕರೆಗಳಾದರೂ ಬರುತ್ತವೆ. ಆದರೆ, ಇಲ್ಲಿ ಮಾನವನ ಯಾವುದೇ ಸೂಚನೆಗಳಿಲ್ಲದೇ, ಸರಿಯಾದ ಸ್ಥಳಕ್ಕೆ ಆರ್ಡರ್​ ಹೇಗೆ ತಲುಪಿತು ಎಂಬುದನ್ನು ವಿಡಿಯೋದಲ್ಲಿ ಹಂಚಿಕೊಂಡಿದ್ದಾರೆ.

ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿ ವಿಳಾಸ ಅಥವಾ ಲೊಕೇಶನ್​ ಕೇಳಲು ಯಾವುದೇ ಕರೆಗಳು ನನಗೆ ಬರಲಿಲ್ಲ ಎಂದು ಆ ವ್ಯಕ್ತಿ ವಿವರಿಸಿದ್ದಾರೆ. ಬದಲಿಗೆ ಅಪ್ಲಿಕೇಶನ್ ಮೂಲಕ ಆರ್ಡರ್​ ತಲುಪಿದೆ ಎಂದು ತಿಳಿಯಿತು. ಈ ವೇಳೆ ಹೊರಗೆ ಹೋದಾಗ ರೋಬೋಟ್​ ತನ್ನ ಆಹಾರದೊಂದಿಗೆ ಕಾಯುತ್ತಿರುವುದನ್ನು ನೋಡಬಹುದು. 

ಆದಾಗ್ಯೂ, ತಮ್ಮ ಈ ಅನುಭವವನ್ನು ಶುದ್ಧ ತಂತ್ರಜ್ಞಾನ ಎಂದು ವಿವರಿಸಿದ್ದು,  ಯಾವುದೇ ಹಸ್ತಚಾಲಿತ ಸಮನ್ವಯವಿಲ್ಲದೆ ಸ್ವಯಂಚಾಲಿತ ವ್ಯವಸ್ಥೆಗಳಿಂದ ಇವು ಮನೆ ಮನೆಗೆ ಡೆಲಿವರಿಯನ್ನು ತಲುಪಿಸುತ್ತವೆ. ಗ್ರಾಹಕರು ಬಂದ ನಂತರವೇ  ರೋಬೋಟ್ ತನ್ನ ಶೇಖರಣಾ ಸ್ಥಳವನ್ನು ತೆರೆಯುವುದನ್ನು ತೋರಿಸಿದ್ದಾರೆ. 

ಈ ವಿತರಣಾ ರೋಬೋಟ್ ಯಾವುದೇ ಮಾನವ ಚಾಲಕನ ನೆರವಿಲ್ಲದೆ, ಸುಧಾರಿತ ಸೆನ್ಸಾರ್‌ಗಳು ಮತ್ತು ಎಐ (AI) ತಂತ್ರಜ್ಞಾನ ಬಳಸಿ ಜನನಿಬಿಡ ಪಾದಚಾರಿ ಮಾರ್ಗಗಳಲ್ಲಿ ಸುರಕ್ಷಿತವಾಗಿ ಸಂಚರಿಸುತ್ತದೆ. ಜಿಪಿಎಸ್ (GPS) ಮೂಲಕ ನಿಖರವಾದ ವಿಳಾಸವನ್ನು ಪತ್ತೆಹಚ್ಚುವ ಈ ರೋಬೋಟ್, ನೇರವಾಗಿ ಗ್ರಾಹಕನ ಮನೆ ಬಾಗಿಲಿಗೆ ಬಂದು ನಿಲ್ಲುತ್ತದೆ.

ಗ್ರಾಹಕರು ರೋಬೋಟ್​ ತಮ್ಮ ಮನೆಯ ಬಾಗಿಲ ಬಳಿ ಬಂದಿದೆ ಎಂದು ದೃಢಪಡಿಸಿದ ನಂತರ ಆಹಾರವಿರುವ ಸುರಕ್ಷಿತ ವಿಭಾಗವು (Compartment) ತಾನಾಗಿಯೇ ಅನ್ಲಾಕ್ ಆಗುತ್ತದೆ. ನಂತರ ಆಹಾರವನ್ನು ಹಸ್ತಾಂತರಿಸಿ ಮುಂದಿನ ಕಾರ್ಯಕ್ಕೆ ಸ್ವತಂತ್ರವಾಗಿ ಮರಳುತ್ತದೆ. 

ಈ ವೀಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಈ ಪೋಸ್ಟ್‌ಗೆ ಪ್ರತಿಕ್ರಿಯಿಸಿದ್ದಾರೆ. ಒಬ್ಬ ಬಳಕೆದಾರರು ಭಾರತದಲ್ಲಿ ನಮಗೆ ಇದು ಬೇಕು. ನಮ್ಮ ಪಾರ್ಸೆಲ್‌ಗಳನ್ನು ಕದ್ದು ಹಾನಿ ಮಾಡುವವರಿಗೆ ಇದು ದೊಡ್ಡ ಫೂ" ಎಂದು ಬರೆದರೆ, ಮತ್ತೊಬ್ಬರು ಅದು ತುಂಬಾ ಚೆನ್ನಾಗಿದೆ ಎಂದು ಕಾಮೆಂಟ್ ಮಾಡಿದ್ದಾರೆ (ಏಜೆನ್ಸೀಸ್​).