ದೇಶ

ಮಧ್ಯ ಪ್ರದೇಶದಲ್ಲಿ BJP ಶಾಸಕನ ಕಾರು ತೊಳಯಲು ಅಗ್ನಿಶಾಮಕ ದಳದ ವಾಹನ ಬಳಕೆ, ವಿಡಿಯೋ ವೈರಲ್..BJP MLA

Fire brigade used to wash BJP MLA's car in Madhya Pradesh, video goes viral
Fire brigade used to wash BJP MLA's car in Madhya Pradesh, video goes viral
Published on: 

ಪ್ರಮುಖ ಮುಖ್ಯಾಂಶಗಳು

  • ಬಿಜೆಪಿ ಶಾಸಕ ರಾಮ್​ ನಿವಾಸ್​ ಶಾ ಖಾಸಗಿ ಕಾರನ್ನು ತೊಳೆಯಲು ಸರ್ಕಾರದ ಅಗ್ನಿಶಾಮಕ ದಳದ ವಾಹನ ಬಳಕೆ.
  • ಇನ್ನೋವಾ ಕಾರಿನ ಮೇಲೆ ನೀರು ಸಿಂಪಡಿಸಿ ತೊಳೆಯುತ್ತಿರುವ ದೃಶ್ಯ ವೈರಲ್.
  • ವಿಕಸಿತ ಭಾರತವಾಗೋದು ಎಂದು ಎನ್ನುವುದಾಗಿ ಕಾಮೆಂಟ್ ಮಾಡಿದ ನೆಟ್ಟಿಗರು.

Fire brigade used to wash BJP MLA's car in Madhya Pradesh, video goes viral: 

ಮಧ್ಯಪ್ರದೇಶದ ಸಿಂಗ್ರೌಲಿಯಲ್ಲಿ ಬಿಜೆಪಿ ಶಾಸಕ ರಾಮ್​ ನಿವಾಸ್​ ಶಾ ಅವರ ನಿವಾಸದ ಹೊರಗೆ, ಅವರ ಖಾಸಗಿ ಕಾರನ್ನು ತೊಳೆಯಲು ಸರ್ಕಾರದ ಅಗ್ನಿಶಾಮಕ ದಳದ ವಾಹನವನ್ನು ಬಳಕೆ ಮಾಡುತ್ತಿರುವ ವಿಡಿಯೋಗಳು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್ ಆಗಿದೆ, ಜೊತೆಗೆ ರಾಜಕೀಯವಾಗಿ ಭಾರಿ ಚರ್ಚೆಯನ್ನು ಹುಟ್ಟುಹಾಕಿದೆ. 


ವೈರಲ್ ವಿಡಿಯೋದಲ್ಲಿ ಬಿಲೋಂಜಿಯಲ್ಲಿರುವ ಶಾ ಅವರ ಅಧಿಕೃತ ನಿವಾಸದ ಹೊರಗೆ  ಮುನ್ಸಿಪಲ್​ ಕಾರ್ಪೋರೇಷನ್​ನ ಮೂವರು ಸಿಬ್ಬಂದಿ, ಅಗ್ನಿಶಾಮಕದ ದಳದ  ವಾಹನದ ಪೈಪ್​ ಮೂಲಕ ಶಾಸಕರ  ಇನ್ನೋವಾ ಕಾರಿನ ಮೇಲೆ ನೀರು ಸಿಂಪಡಿಸಿ ತೊಳೆಯುತ್ತಿರುವ ವಿಡಿಯೋಗಳು ಕಂಡುಬಂದಿದೆ.

ನಾನು ಕಾರು ತೊಳಿಯೋಕಾಗತ್ತಾ?

ಈ ಬಗ್ಗೆ ಸ್ಥಳೀಯ ಮಾಧ್ಯಮಗಳು ರಾಮ್​ ನಿವಾಸ್​ ಶಾ ಅವರನ್ನು ಪ್ರಶ್ನೆ ಮಾಡಿದಾಗ, 'ನಾನು ಸಹ ಆ ವಿಡಿಯೋ ನೋಡಿದ್ದೇನೆ. ಆದರೆ, ಶಾಸಕ ತನ್ನ ಕಾರನ್ನು ತೊಳೆಯಲು ಸಾಧ್ಯವೇ' ಎಂದು ಉಡಾಫೆಯಿಂದ ಉತ್ತರ ಕೊಟ್ಟಿದ್ದಾರೆ. 
ಅಷ್ಟೇ ಅಲ್ಲದೇ, 'ಮೇಯರ್​ ಮನೆಗೆ ಅಗ್ನಿಶಾಮಕ ದಳದ ಟ್ಯಾಂಕರ್​ ಹೋಗಿದೆ. ಆಕಸ್ಮಿಕವಾಗಿ ನಮ್ಮ  ನಿವಾಸದ ಮುಂದೆ  ನಿಲ್ಲಿಸಲಾಗಿತ್ತು, ಆದ್ದರಿಂದ ಅವರು ಅದರ ಮೇಲೆ ಸ್ವಲ್ಪ ನೀರು ಸಿಂಪಡಿಸಿದರು. ಈ ವಿಚಾರವನ್ನು ದೊಡ್ಡ ತಪ್ಪು ಎಂದು ಬಿಂಬಿಸಬೇಡಿ. ಜೊತೆಗೆ ನಾನು ಹೀಗೆ ಮಾಡಬೇಡಿ ಎಂದು ಚಾಲಕನಿಗೆ ಎಚ್ಚರಿಕೆ ಕೊಟ್ಟಿದ್ದೇನೆ' ಎಂದು  ರಾಮ್ ನಿವಾಸ್ ಶಾ ಹೇಳಿದರು.

ನೆಟ್ಟಿಗರು ಏನಂದ್ರು?

ಮಧ್ಯಪ್ರದೇಶದ ವಿಧಾನಸಭೆಯ ವಿಪಕ್ಷ ನಾಯಕ  ಉಮಾಂಗ್​ ಸಿಂಘರ್​ ಕಿಡಿಕಾರಿದ್ದಾರೆ. ಸಾಮಾನ್ಯ ಜನರ ಮನೆಗೆ ಬೆಂಕಿ ಬಿದ್ದಾಗ ಸಕಾಲಕ್ಕೆ ಬಳಕೆ ಮಾಡಲು ಇದನ್ನು ಇರಿಸಲಾಗಿದೆ. ಆದರೆ ಬಿಜೆಪಿ ಶಾಸಕರು ಇದನ್ನು ಕಾರು ತಿಳೆಯುವ ವಾಷಿಂಗ್​ ಕೇಂದ್ರ ಎಂದು ಭಾವಿಸಿದ್ದಾರೆ ಎಂದು ಕಿಡಿಕಾರಿದರು.

ಬೋರ್ ಆಗತ್ತೆ..

ಅಗ್ನಿ ಶಾಮಕ ಸಿಬ್ಬಂದಿಯ ಈ ಕ್ರಮ ಸ್ವಾಗತಾರ್ಹ. ಹೇಗೂ ನಿತ್ಯ ಬೆಂಕಿ ಅವಘಡ ಕೇಸ್​ಗಳು ದಾಖಲಾಗೋದಿಲ್ಲ. ಬಿಡುವಿನ ವೇಳೆ ಈ ಕೆಲಸವನ್ನಾದರೂ ಮಾಡುತ್ತಾರೆ. ಅವರಿಗೂ ಹೇಗಿದ್ದರೂ ಸುಮ್ಮನೇ ಕುಳಿತು ಬೋರಾಗಿರುತ್ತದೆ. ಹೀಗಾಗಿ  pressuring ಪೈಪ್​ ಹಿಡಿಯುವುದನ್ನಾದರೂ ಕಲಿಯಲಿ ಎಂದು ಲೇವಡಿ ಮಾಡಿದ್ದಾರೆ

ವಿಕಸಿತ ಭಾರತವಾಗೋದು ಎಂದು?
ಸಾರ್ವಜನಿಕರ ತೆರಿಗ ಹಣ ಮತ್ತು ತುರ್ತು ಸಂಪನ್ಮೂಲವನ್ನು ರಾಜಕಾರಿಣಿಗಳು ಹೀಗೆ ದುರುಪತಯೋಗಪಡಿಸಿಕೊಳ್ಳುತ್ತಿದ್ದಾರೆ.  ಹೀಗೆ ಮುಂದುವರೆದರೆ ವಿಕಸಿತ ಭಾರತವಾಗೋದು ಯಾವಾಗ ಎಂದು  ನೆಟ್ಟಿಗರೊಬ್ಬರು ಅಸಮಾಧಾನ ವ್ಯಕ್ತಪಡಿಸಿದರು.  ಎಂಥಾ ದುಬಾರಿ ಹಾಗೂ ಅದ್ದೂರಿ ಬದುಕನ್ನು ಈ ಮನುಷ್ಯ ಅನುಭವಿಸುತ್ತಿದ್ದಾನೆ. ಅಮೆರಿಕ ಅಧ್ಯಕ್ಷ ಟ್ರಂಪ್​​ಗೂ ಇಂತಹ ವೈಭೋಗವಿಲ್ಲ ಎಂದಿದ್ದಾರೆ, (ಏಜೆನ್ಸೀಸ್).
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net