ಫ್ಯಾನ್ ಗಾಳಿ ಕೊಡಲ್ಲ, ಆದ್ರೆ!...ಮಕ್ಕಳ ಮುಂದೆ ಸಿಎಂ ಮೋಹನ್ ಯಾದವ್ ವಿಚಿತ್ರ ವಿವರಣೆ: ವೈರಲ್​ ವಿಡಿಯೋಗೆ ಕೈ ನಾಯಕಿ ಹೇಳಿದ್ದೇನು..? | Mohan Yadav

ಮಧ್ಯಪ್ರದೇಶದ ಮುಖ್ಯಮಂತ್ರಿ ಡಾ. ಮೋಹನ್ ಯಾದವ್ (Mohan Yadav) ಅವರ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗುತ್ತಿದ್ದು, ನೆಟ್ಟಿಗರ ಹಾಸ್ಯ ಹಾಗೂ ತೀಕ್ಷ್ಣ ಟೀಕೆಗಳಿಗೆ ಗುರಿಯಾಗಿದೆ. ಸರ್ಕಾರಿ ಶಾಲೆಯೊಂದಕ್ಕೆ ಭೇಟಿ ನೀಡಿ ವಿದ್ಯಾರ್ಥಿಗಳೊಂದಿಗೆ ಸಂವಹನ ನಡೆಸುವ ಸಂದರ್ಭದಲ್ಲಿ ಸಿಎಂ ಯಾದವ್ ಅವರು ಸೀಲಿಂಗ್ ಫ್ಯಾನ್ ಕುರಿತು ನೀಡಿದ ವಿಚಿತ್ರ ವಿವರಣೆ ಮತ್ತು ಹೇಳಿಕೆ ಈ ಎಲ್ಲ ಚರ್ಚೆಗಳಿಗೆ ಕಾರಣವಾಗಿದೆ.

ಸಾಮಾನ್ಯವಾಗಿ ಫ್ಯಾನ್ ಸುತ್ತಮುತ್ತಲಿನ ಗಾಳಿಯ ಪ್ರಸರಣವನ್ನು ಹೆಚ್ಚಿಸಿ ನಮಗೆ ತಂಪಿನ ಅನುಭವ ನೀಡುತ್ತದೆ, ಆದರೆ ಅದನ್ನು ಗಾಳಿಯನ್ನು ಕಲಕುವುದು ಎಂದು ವಿಚಿತ್ರವಾಗಿ ವ್ಯಾಖ್ಯಾನಿಸಿದ ಸಿಎಂ ನಡೆ ಈಗ ಭಾರಿ ಸದ್ದು ಮಾಡುತ್ತಿದೆ. ಬಿಸಿಬಿಸಿ ರಾಜಕೀಯ ಚರ್ಚೆಗಳ ನಡುವೆ ಸಿಎಂ ಅವರ ಈ ಫ್ಯಾನ್ ತತ್ವಜ್ಞಾನ ಸಾಮಾಜಿಕ ಜಾಲತಾಣಗಳಲ್ಲಿ ದೊಡ್ಡ ಮಟ್ಟದ ಟ್ರೋಲ್‌ಗಳಿಗೆ ಆಹಾರವಾಗಿದೆ