ಇನ್ಮುಂದೆ UPI, ATM ಮೂಲಕವೇ ಪಿಎಫ್ ಹಣ ವಿತ್‌ಡ್ರಾ ಮಾಡಬಹುದು; ಎಂದಿನಿಂದ ಬಳಕೆಗೆ ಲಭ್ಯ?..EPFO 3.0

ಹೌದು ನೌಕರರ ಭವಿಷ್ಯ ನಿಧಿ ಸಂಸ್ಥೆ   'EPFO 3.0' ಡಿಜಿಟಲ್​ ಪ್ಲಾಟ್​ಫಾರ್ಮ್​ನಡಿ ಪಿಎಫ್​ ಚಂದದಾರರು ಇನ್ಮುಂದೆ ಆನ್​ಲೈನ್​ನಲ್ಲೇ ಯುಪಿಐ ಅಪ್ಲಿಕೇಶನ್​ ಮೂಲಕ ಇಪಿಎಫ್-ಸಂಯೋಜಿತ ಎಟಿಎಂಗಳನ್ನು  ಬಳಸಿಕೊಂಡು  ತುರ್ತು ಸಂದರ್ಭದಲ್ಲಿ ಪಿಎಫ್​ ಹಣವನ್ನು ಪಡೆದುಕೊಳ್ಳಬಹುದು ಎಂದು ಹೇಳಿದೆ. 

ಖಾಸಗಿ ಮಾಧ್ಯಮದ ವರದಿ ಪ್ರಕಾರ, ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ  ಅಭಿವೃದ್ಧಿ ಪಡಿಸಿರುವ ಹೊಸ ಸೌಲಭ್ಯವನ್ನು ತಾಂತ್ರಿಕ ಪರೀಕ್ಷೆಗೆ ಒಡ್ಡಲಾಗಿತ್ತು. ಸದ್ಯ ಇದು ಯಶಸ್ವಿಯಾಗಿ ಮುಕ್ತಾಯವಾಗಿದ್ದು, ಜೂನ್​ ಅಂತ್ಯದಲ್ಲಿ ದೇಶಾದ್ಯಂತ  ಬಳಕೆಗೆ ಸಿಗುತ್ತದೆ ಎನ್ನಲಾಗಿದೆ. ಇದಕ್ಕೆ ಎಂದು ಕೇಂದ್ರ ಕಾರ್ಮಿಕ ಸಚಿವ ಮನ್ಸುಖ್ ಮಾಂಡವೀಯ ಅಧಿಕೃತ ಚಾಲನೆ ನೀಡಲಿದ್ದಾರೆ ಎನ್ನುವ ಮಾಹಿತಿಯೂ ಹೊರಬಿದ್ದಿದೆ.

ಮೊದಲೆಲ್ಲ ಪಿಎಫ್​ ಕ್ಲೈಮ್​ ಮಾಡಿ  ಹಣ ಹಿಂಪಡೆದುಕೊಳ್ಳಲು ಮೂರರಿಂದ ನಾಲ್ಕರು ದಿನ ಕಾಯಬೇಕಿತ್ತು. ಆದರೆ, ಹೊಸ ನಿಯಮ ಹಾಗಿರೋದಿಲ್ಲ.ಉದ್ಯೋಗಿಗಳು ತಮ್ಮ ತುರ್ತು ಸಂದರ್ಭದಲ್ಲಿ ತಮ್ಮ  ಇಪಿಎಫ್  ಬ್ಯಾಲೆನ್ಸ್​ನ   ಶೇ.75ರಷ್ಟು ​ ಮೊತ್ತವನ್ನು ಯುಪಿಐ ಅಥವಾ ಯುಪಿಐ ವ್ಯವಸ್ಥೆಯಿರುವ ಎಟಿಎಂ ಬಳಕೆ ಮಾಡಿಕೊಂಡು ನೇರವಾಗಿ ಬ್ಯಾಂಕ್​​ನ ಖಾತೆಯಿಂದ ಹಣವನ್ನು ಪಡೆದುಕೊಳ್ಳಬಹುದಾಗಿದೆ. ಇದರಿಂದ ಪಾರದರ್ಶಕತೆ ಮತ್ತು ಹೊಣೆಗಾರಿಕೆಯನ್ನು ಹೆಚ್ಚಿಸಲಿದೆ ಎಂದು ಹೇಳಲಲಾಗಿದೆ.

ಈ ಹಿಂದೆ ಪಿಎಫ್​ ಕ್ಲೈಮ್​​​​ಗಳು ದುರುಪಯೋಗವಾಗವದಂತೆ ಭದ್ರತಾ ಕವಚ ಕೆಲಸ ಮಾಡುತ್ತಿತ್ತು. ಈಗ ಜನರಿಗೆ ತಮ್ಮ ಹಣ ಸುಲಭವಾಗಿ ಸಿಗುವುದು ನಿಜ ಆದರೆ, ಇದು ಯುಪಿಐ ಆದ ಕಾರಣ ಸೈಬರ್​ ಅಪರಾಧಗಳ ಸಂಖ್ಯೆ ಹೆಚ್ಚೇ ಕಾಡುತ್ತದೆ. ಈ ನಿಟ್ಟಿನಲ್ಲಿ ನಿವೃತ್ತಿ ಉಳಿತಾಯದ ಭದ್ರತೆಗೆ ಯಾವುದೇ ಧಕ್ಕೆ ಬಾರದಂತೆ ವಂಚನೆ ತಡೆಗಟ್ಟುವ ಕ್ರಮ ಜಾರಿ ಮಾಡಲಾಗುತ್ತದೆ ಎಂದು ಬಾಂಬೆ ಲಾ ಚೇಂಬರ್ಸ್‌ನ ಪಾಲುದಾರರಾದ ಸೌಮ್ಯ ರಾಮಕೃಷ್ಣನ್ ಹೇಳಿದ್ದಾರೆ, (ಏಜೆನ್ಸೀಸ್).