Ants Problem: ಕೆಂಪು ಇರುವೆಗಳ ಕಾಟಕ್ಕೆ ಸುಲಭ ಪರಿಹಾರ: ಕಿಚನ್‌ನಲ್ಲಿರೋ ಈ ವಸ್ತುಗಳನ್ನು ಬಳಸಿ, ಇರುವೆಗಳಿಗೆ ಗುಡ್‌ಬೈ ಹೇಳಿ!

ಇರುವೆಗಳಿಗೆ ನಿಂಬೆಹಣ್ಣಿನ ಹುಳಿ ಮತ್ತು ವಾಸನೆ ಎಂದರೆ ಆಗಿಬರುವುದಿಲ್ಲ.

ಬಳಸುವ ವಿಧಾನ: ಒಂದು ಕಪ್ ನೀರಿಗೆ ಎರಡು ಚಮಚ ನಿಂಬೆ ರಸವನ್ನು ಬೆರೆಸಿ ಸ್ಪ್ರೇ ಬಾಟಲಿಗೆ ಹಾಕಿ. ಇರುವೆಗಳು ಬರುವ ಜಾಗ ಮತ್ತು ಅವುಗಳ ಗೂಡಿನ ಹತ್ತಿರ ಇದನ್ನು ಸ್ಪ್ರೇ ಮಾಡಿ. ಇರುವೆಗಳು ತಕ್ಷಣ ಜಾಗ ಖಾಲಿ ಮಾಡುತ್ತವೆ. ನೆಲ ಒರೆಸುವ ನೀರಿಗೂ ಸ್ವಲ್ಪ ನಿಂಬೆ ರಸ ಹಾಕಬಹುದು.

ಕ್ಲೀನಿಂಗ್ ಕೆಲಸಕ್ಕೆ ಬಳಕೆಯಾಗುವ ವಿನೆಗರ್ ಇರುವೆಗಳನ್ನು ಓಡಿಸಲು ಬೆಸ್ಟ್ ಮನೆಮದ್ದು.

ಬಳಸುವ ವಿಧಾನ: ಸಮಪ್ರಮಾಣದ ನೀರು ಮತ್ತು ವಿನೆಗರ್ ಅನ್ನು ಒಟ್ಟಿಗೆ ಸೇರಿಸಿ ಮಿಕ್ಸ್ ಮಾಡಿ. ಇರುವೆಗಳು ಓಡಾಡುವ ಹಾದಿಯಲ್ಲಿ ಇದನ್ನು ಸ್ಪ್ರೇ ಮಾಡಿ ಅಥವಾ ಈ ನೀರಿನಿಂದ ನೆಲವನ್ನು ಸ್ವಚ್ಛಗೊಳಿಸಿ. ವಿನೆಗರ್ ವಾಸನೆಗೆ ಇರುವೆಗಳು ಆ ಕಡೆ ಸುಳಿಯುವುದೇ ಇಲ್ಲ.

ನಮ್ಮ ಮಸಾಲೆ ಪದಾರ್ಥಗಳಾದ ದಾಲ್ಚಿನ್ನಿ (ಚಕ್ಕೆ) ಮತ್ತು ಲವಂಗದ ಘಾಟು ಇರುವೆಗಳಿಗೆ ತಡೆಯಲು ಸಾಧ್ಯವಾಗುವುದಿಲ್ಲ.

ಬಳಸುವ ವಿಧಾನ: ಇರುವೆಗಳು ಹೆಚ್ಚಾಗಿ ಬರುವ ಮೂಲೆಗಳಲ್ಲಿ ಅಥವಾ ಸಕ್ಕರೆ ಡಬ್ಬದ ಹತ್ತಿರ 2-3 ಲವಂಗಗಳನ್ನು ಇಡಿ. ಅಥವಾ ದಾಲ್ಚಿನ್ನಿ ಪುಡಿಯನ್ನು ಇರುವೆಗಳು ಬರುವ ಜಾಗದಲ್ಲಿ ಉದುರಿಸಿ. ಇದರ ತೀಕ್ಷ್ಣವಾದ ವಾಸನೆಗೆ ಇರುವೆಗಳು ಓಡಿಹೋಗುತ್ತವೆ.

ನಾವು ಕುಡಿಯುವ ಕಾಫಿಯ ಸುವಾಸನೆ ನಮಗೆ ಇಷ್ಟವಾಗಬಹುದು, ಆದರೆ ಇರುವೆಗಳಿಗೆ ಇದು ವಿಷವಿದ್ದಂತೆ.

ಬಳಸುವ ವಿಧಾನ: ಮನೆಯ ಕಿಟಕಿ, ಬಾಗಿಲು ಅಥವಾ ಗೋಡೆಯ ಸಣ್ಣ ಸಣ್ಣ ಬಿರುಕುಗಳಿಂದ ಇರುವೆಗಳು ಒಳಗೆ ಬರುತ್ತಿದ್ದರೆ, ಆ ಜಾಗದಲ್ಲಿ ಸ್ವಲ್ಪ ಕಾಫಿ ಪುಡಿಯನ್ನು ಹಾಕಿ ಇಡಿ. ಇರುವೆಗಳು ಆ ರಸ್ತೆಯನ್ನೇ ಮರೆತುಬಿಡುತ್ತವೆ.

ಇದು ಎಲ್ಲರ ಮನೆಯಲ್ಲೂ ಇರುವ ಅತ್ಯಂತ ಸುಲಭ ಮತ್ತು ಅಗ್ಗದ ಉಪಾಯ.

ಬಳಸುವ ವಿಧಾನ: ಚೆನ್ನಾಗಿ ಕಾದ ಬಿಸಿ ನೀರಿಗೆ ಉಪ್ಪನ್ನು ಹಾಕಿ ಕರಗಿಸಿ. ಈ ಉಪ್ಪು ನೀರನ್ನು ಇರುವೆಗಳ ಗೂಡಿಗೆ ಅಥವಾ ಅವು ಇರುವ ಜಾಗಕ್ಕೆ ಚಿಮುಕಿಸಿ. ಇದರಿಂದ ಇರುವೆಗಳ ಕಾಟ ತಕ್ಷಣವೇ ಕಡಿಮೆಯಾಗುತ್ತದೆ.

ಇರುವೆಗಳು ಬರದಂತೆ ತಡೆಯಲು ಮನೆಯ ಮೂಲೆಗಳನ್ನು ಹಾಗೂ ಅಡುಗೆಮನೆಯನ್ನು ಯಾವಾಗಲೂ ಸ್ವಚ್ಛವಾಗಿಟ್ಟುಕೊಳ್ಳಿ. ಯಾವುದೇ ಸಿಹಿ ಪದಾರ್ಥಗಳು ಅಥವಾ ಆಹಾರದ ಕಣಗಳು ನೆಲದ ಮೇಲೆ ಬೀಳದಂತೆ ನೋಡಿಕೊಳ್ಳಿ,(ಏಜೆನ್ಸೀಸ್​​).