ಹೆಂಡತಿ ವಿಚಾರಕ್ಕೆ ಬಾರ್‌ನಲ್ಲಿ ನಡೀತು ಮಾರಾಮಾರಿ! ವಿಡಿಯೋ ನೋಡಿ ಬೆಚ್ಚಿಬಿದ್ದ ನೆಟ್ಟಿಗರು Bar Fight

ವೈರಲ್​ ಆದ ವಿಡಿಯೋದಲ್ಲಿ, ಬಾರ್​ನಲ್ಲಿ ದಂಪತಿ ಪೂಲ್ ಟೇಬಲ್​ ಆಟವನ್ನು ಆಡುತ್ತಿರುವುದನ್ನು ಗಮನಿಸಬಹುದು. ಈ ವೇಳೆ ಕುಡಿದ ಮತ್ತಿನಲ್ಲಿದ್ದ ಪುರುಷನೊಬ್ಬ ಮಹಿಳೆಯ ಬಳಿಗೆ ಬಂದು ಅನುಚಿತವಾಗಿ ಸ್ಪರ್ಶಿಸುವುದನ್ನು ತೋರಿಸಲಾಗಿದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಮಿಶ್ರ ಪ್ರತಿಕ್ರಿಯೆಯನ್ನು ಹುಟ್ಟು ಹಾಕಿತು. ಕೆಲವು ಬಳಕೆದಾರರು ಅನ್ಯ ವ್ಯಕ್ತಿಯಿಂದ ಪತ್ನಿಯನ್ನು ರಕ್ಷಿಸಿದ ಪತಿಯ ಕೃತ್ಯಗಳು ಸಮರ್ಥನೀಯವಾಗಿದೆ ಎಂದು ಕಾಮೆಂಟ್​ ಮಾಡಿದರೆ, ಇನ್ನೂ ಕೆಲವರು ಹಿಂಸಾಚಾರವಲ್ಲದ ವಿಧಾನವನ್ನು ಬಳಸಬಹುದಿತ್ತು ಎಂದು ಪ್ರತಿಕ್ರಿಯಿಸಿದ್ದಾರೆ.

ಆದಾಗ್ಯೂ, ಈ ರೀತಿಯ ಬಲಪ್ರಯೋಗವನ್ನು ಮಾಡುವುದರಿಂದ ಎದುರಾಳಿ ಮೇಲೆ ತುಂಬಾ ಗಂಭೀರವಾಗಿ ಪರಿಣಾಮ ಬೀರಬಹುದು. ಇಂತಹ ಕೃತ್ಯಗಳಿಗೆ ಪ್ರಚೋದನೆಯನ್ನು ನೀಡಬಾರದು ಎಂದು ಅನೇಕರು ಕಳವಳ ವ್ಯಕ್ತಪಡಿಸಿದ್ದಾರೆ.

ಒಂದು ವರ್ಷ ಹಳೆಯದು ಎನ್ನಲಾದ ಈ ವಿಡಿಯೋ ಮತ್ತೆ ವೈರಲ್​ ಆಗುತ್ತಿರುವುದು ಸಮಾಜಕ್ಕೆ ಒಂದು ಎಚ್ಚರಿಕೆ ಗಂಟೆಯಾಗಿದೆ. ಆದಾಗ್ಯೂ, ಮದ್ಯದ ಅಮಲಿನಲ್ಲಿ ಸಭ್ಯತೆಯನ್ನು ಮರೆಯುವವರಿಗೆ ಕಾನೂನಿನ ಭಯವಿರಬೇಕು. ಅದೇ ರೀತಿ, ಬಾರ್ ಮತ್ತು ರೆಸ್ಟೋರೆಂಟ್‌ಗಳಂತಹ ಸಾರ್ವಜನಿಕ ಸ್ಥಳಗಳಲ್ಲಿ ಇಂತಹ ಅಹಿತಕರ ಘಟನೆಗಳು ನಡೆಯದಂತೆ ತಡೆಯಲು ಭದ್ರತಾ ವ್ಯವಸ್ಥೆ ಕಟ್ಟುನಿಟ್ಟಾಗಿರಬೇಕು ಎಂಬ ಅಭಿಪ್ರಾಯವನ್ನು ನೀಡುತ್ತದೆ (ಏಜೆನ್ಸೀಸ್​).