ಝೂಮ್​ ಮಾಡ್ಬೇಡಿ!

‘ಒಂದು ಫೋಟೋ ಸಾವಿರ ಪದಗಳಿಗೆ ಸಮಾನ’ ಎಂಬ ಮಾತು ಬಹುಕಾಲದಿಂದ ಪ್ರಚಲಿತದಲ್ಲಿದೆ. ಆದರೆ ಈ ಮಾತು ಪಾಪರಾಜಿಗಳಿಗೆ ಅನ್ವಯವಾಗುವುದಿಲ್ಲ. ‘ಒಂದು ಎಕ್ಸ್​ಕ್ಲೂಸಿವ್ ಫೋಟೋ ಲಕ್ಷಾಂತರ ರೂಪಾಯಿಗೆ ಸಮಾನ’ ಎಂಬ ಮಾತು ಮಾತ್ರ ಅವರಿಗೆ ಅನ್ವಯವಾಗುತ್ತದೆ. ಅವರ ಅತಿರೇಕದ ವರ್ತನೆಗೆ ಈ ಆರ್ಥಿಕ ಲಾಭವೇ ಮೂಲ ಕಾರಣ. ಬೆಳ್ಳಿತೆರೆಯ ತಾರೆಗಳ ಖಾಸಗಿ ಬದುಕೇ ಅವರಿಗೆ ಬಂಡವಾಳ. ಇದರಿಂದಾಗಿ ಸ್ಟಾರ್​ಗಳು ಇಂದು ಜಿಮ್ೆ, ರೆಸ್ಟೋರೆಂಟ್​ಗೆ ಹೋಗುವುದೂ ದುಸ್ತರವಾಗಿದೆ. ಮನೆಯ ಗೇಟು ತೆರೆದರೆ ಸಾಕು, ಪಾಪರಾಜಿಗಳು ಎದುರಿಗೇ ನಿಂತಿರುತ್ತಾರೆ. ವಿಮಾನ ನಿಲ್ದಾಣಕ್ಕೆ ಹೋದರೆ ಅಲ್ಲೂ ಅವರು ಹಾಜರು. ಅಷ್ಟೇ ಏಕೆ, ಮನೆಯ ಕಾಂಪೌಂಡ್ ಒಳಗಿನ ದೃಶ್ಯಗಳನ್ನು ಕೂಡ ಸೆರೆಹಿಡಿಯಲು ಪ್ರಯತ್ನಿಸುತ್ತಾರೆ. ಇತ್ತೀಚೆಗೆ ಡ್ರೋನ್ ಬಳಸಿಯೂ ಫೋಟೋ ತೆಗೆಯತೊಡಗಿದ್ದಾರೆ. ಮಕ್ಕಳನ್ನು ಹಿಂಬಾಲಿಸುತ್ತಾರೆ. ಅಸಭ್ಯ ಕ್ಯಾಮೆರಾ ಆಂಗಲ್​ಗಳ ಮೂಲಕ ಮುಜುಗರ ಉಂಟುಮಾಡುತ್ತಾರೆ. ಇದು ಸೆಲೆಬ್ರಿಟಿಗಳ ನೆಮ್ಮದಿಯನ್ನೇ ಕೆಡಿಸಿದೆ. ಪಾಪರಾಜಿಗಳ ಈ ಕಸರತ್ತು ಅನೇಕ ಬಾರಿ ಮಾನವ ಹಕ್ಕುಗಳ ಉಲ್ಲಂಘನೆಯಾಗಿ ಕಾಣಿಸುತ್ತದೆ. ನಮ್ಮ ದೇಶದಲ್ಲಿ ಮಾತ್ರವಲ್ಲ, ಇಡೀ ಜಗತ್ತಿನಲ್ಲಿ ಪಾಪರಾಜಿಗಳ ಹಾವಳಿ ಸೆಲೆಬ್ರಿಟಿಗಳ ಪಾಲಿಗೆ ಒಂದು ದೊಡ್ಡ ತಲೆನೋವಾಗಿ ಪರಿಣಮಿಸಿದೆ.

ಗೌಪ್ಯತೆಯ ಹಕ್ಕು (ಆರ್ಟಿಕಲ್ 21): ಸುಪ್ರೀಂ ಕೋರ್ಟ್ ‘ಗೌಪ್ಯತೆ’ಯನ್ನು ಮೂಲಭೂತ ಹಕ್ಕು ಎಂದು ಘೊಷಿಸಿದೆ. ಸೆಲೆಬ್ರಿಟಿಗಳ ಮನೆ, ಹೋಟೆಲ್ ರೂಮ್ಂತಹ ಖಾಸಗಿ ಸ್ಥಳಕ್ಕೆ ಕ್ಯಾಮೆರಾ ಹಾಕುವುದು ಅತಿಕ್ರಮಣ ಎಂದು ಪರಿಗಣಿಸಲಾಗುತ್ತದೆ.

ಪರ್ಸನಾಲಿಟಿ ರೈಟ್ಸ್: ಇತ್ತೀಚೆಗೆ ದೆಹಲಿ ಹೈಕೋರ್ಟ್ ಅಮಿತಾಭ್ ಬಚ್ಚನ್ ಮತ್ತು ಅನಿಲ್ ಕಪೂರ್ ಪ್ರಕರಣ ಗಳಲ್ಲಿ ‘ಸೆಲೆಬ್ರಿಟಿಗಳ ಅನುಮತಿಯಿಲ್ಲದೆ ಅವರ ಚಿತ್ರ ಅಥವಾ ಧ್ವನಿಯನ್ನು ವಾಣಿಜ್ಯ ಲಾಭಕ್ಕೆ ಬಳಸುವುದು ಶಿಕ್ಷಾರ್ಹ’ ಎಂದು ಮಹತ್ವದ ತೀರ್ಪು ನೀಡಿದೆ.

ಡಿಜಿಟಲ್ ಡೇಟಾ ಸಂರಕ್ಷಣಾ ಕಾಯ್ದೆ (ಡಿಪಿಡಿಪಿ 2023): ಈ ಕಾಯ್ದೆಯಡಿ ವ್ಯಕ್ತಿಯ ಸಮ್ಮತಿಯಿಲ್ಲದೆ ಅವರ ವೈಯಕ್ತಿಕ ಮಾಹಿತಿಯನ್ನು (ಫೋಟೋ, ವಿಡಿಯೋ ಸೇರಿದಂತೆ) ಡಿಜಿಟಲ್ ರೂಪದಲ್ಲಿ ಬಳಸುವುದರ ಮೇಲೆ ಕಟ್ಟುನಿಟ್ಟಿನ ನಿಗಾ ವಹಿಸಲಾಗುತ್ತದೆ.

ಫ್ರಾನ್ಸ್: ಇಲ್ಲಿನ ಗೌಪ್ಯತೆಯ ಕಾನೂನುಗಳು ಜಗತ್ತಿನಲ್ಲೇ ಅತ್ಯಂತ ಕಠಿಣ. ಸಾರ್ವಜನಿಕ ಸ್ಥಳದಲ್ಲಿ ಒಬ್ಬ ವ್ಯಕ್ತಿಯ ಫೋಟೋ ತೆಗೆಯಲು ಅವರ ಸಮ್ಮತಿ ಇರಬೇಕು, ಇಲ್ಲದಿದ್ದರೆ ಭಾರಿ ದಂಡ ಖಚಿತ.

ಯುನೈಟೆಡ್ ಕಿಂಗ್ಡಮ್ ‘ಪೊ›ಟೆಕ್ಷನ್ ಫ್ರಮ್ ಹರಾಸ್​ವೆುಂಟ್ ಆಕ್ಟ್’ನಡಿ ಸೆಲೆಬ್ರಿಟಿಗಳಿಗೆ ಕಿರುಕುಳ ನೀಡುವ ಪಾಪರಾಜಿಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗುತ್ತದೆ.