ದುಬಾರಿ ಊಟಕ್ಕೆ ಬೈ.. ಪಿಜ್ಜಾಗೆ ಜೈ!: ವಿಮಾನ ನಿಲ್ದಾಣದಲ್ಲಿ ಹಣ ಉಳಿಸಲು ಕುಟುಂಬ ಮಾಡಿದ ಪ್ಲಾನ್ ಈಗ ವರ್ಲ್ಡ್ ವೈಡ್ ವೈರಲ್..Dominos Pizza

ವಿಮಾನ ವಿಳಂಬವಾದ ಹಿನ್ನಲೆಯಲ್ಲಿ ಹಸಿವಿನಿಂದ ಕಂಗಾಲಾಗಿ ಅಮೆರಿಕ ಕುಟುಂಬವೊಂದು ಏರ್​ಪೋರ್ಟ್​ ರೆಸ್ಟೋರೆಂಟ್​ಗಳಲ್ಲಿ ಸಾವಿರಾರು ರೂಪಾಯಿ ಖರ್ಚು ಮಾಡುವ ಬದಲಿಗೆ ಡೊಮಿನೊಸ್​ನಿಂದ ಪಿಜ್ಜಾ ಆರ್ಡರ್ ಮಾಡಿ, ಪಿಜ್ಜಾ ಬಾಕ್ಸ್‌ಗಳನ್ನು ಸ್ವೀಕರಿಸುತ್ತಿರುವ ವೀಡಿಯೊವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ "ಏರ್‌ಪೋರ್ಟ್ ಫುಡ್ ಹ್ಯಾಕ್, ಲೆಟ್ಸ್ ಗೋ!" ಎಂಬ ಶೀರ್ಷಿಕೆಯೊಂದಿಗೆ ಹಂಚಿಕೊಳ್ಳಲಾಗಿತ್ತು.

ವಿಮಾನ ನಿಲ್ದಾಣದಲ್ಲಿ ಅಮೆರಿಕ ಕುಟುಂಬವು ಡೊಮಿನೋಸ್​ ಆರ್ಡರ್​ನ್ನು ಸ್ವೀಕರಿಸುತ್ತಿರುವುದನ್ನು ಕಾಣಬಹುದಾಗಿದೆ. ಈ ವೇಳೆ ಅವರು ನಮ್ಮ ವಿಮಾನ ವಿಳಂಬವಾಯಿತು. ಹಾಗಾಗಿ ನಾವು ವಿಮಾನ ನಿಲ್ದಾಣದಲ್ಲಿ ಆಹಾರದ ಬೆಲೆಯನ್ನು ಪಾವತಿಸಲು ಬಯಸಲಿಲ್ಲ. ಬದಲಾಗಿ, ವಿಮಾನ ನಿಲ್ದಾಣಕ್ಕೆ ಡೋಮಿನೋಸ್​ ಆರ್ಡರ್​ ಮಾಡಿದೆವು ಎಂದು ಬರೆದು ಪೋಸ್ಟ್ ಮಾಡಿದ್ದರು.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದಂತೆಯೇ, ಅನೇಕರು ಲೈಕ್​ ಮತ್ತು ಕಾಮೆಂಟ್ ಮಾಡಿದ್ದಾರೆ. ಆದಾಗ್ಯೂ, ಡೊಮಿನೊಸ್ ಪಿಜ್ಜಾ ಕೂಡಾ ಈ ಪೋಸ್ಟ್​ಗೆ just plane delicious ಎಂದು ತಮಾಷೆಯಾಗಿ ಪ್ರತಿಕ್ರಿಯಿಸಿದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ, ಅನೇಕ ಚರ್ಚೆಯನ್ನು ಹುಟ್ಟುಹಾಕಿತು, ಹೆಚ್ಚಿನ ಬಳಕೆದಾರರು ವಿಮಾನ ನಿಲ್ದಾಣದಂತಹ ಮುಚ್ಚಿದ ಅಥವಾ ಎಸಿ ಇರುವ ಜಾಗಗಳಲ್ಲಿ ಪಿಜ್ಜಾದಂತಹ ತೀವ್ರವಾದ ವಾಸನೆ ಬರುವ ಆಹಾರವನ್ನು ತಿನ್ನುವುದು ಇತರ ಪ್ರಯಾಣಿಕರಿಗೆ ಕಿರಿಕಿರಿ ಉಂಟುಮಾಡುತ್ತದೆ. ಇದು ಸಾರ್ವಜನಿಕ ನಡವಳಿಕೆಯಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.