ಶವದ ಬಳಿ 4 ದಿನಗಳ ಕಾಲ ಉಪವಾಸವಿದ್ದ ನಾಯಿ! ಮೈ ನಡುಗಿಸುವ ಚಳಿಯಲ್ಲೂ ಬಿಡದ ನಿಷ್ಠೆ..DOg

ನವದೆಹಲಿ: (DOg) ಹಿಮಾಚಲ ಪ್ರದೇಶದ ಚಂಬಾ ಜಿಲ್ಲೆಯ ಭರ್ಮೌರ್‌ನಲ್ಲಿ, ಭಾರೀ ಹಿಮಪಾತದ ನಡುವೆಯೂ ನಾಯಿಯೊಂದು ತನ್ನ ಮಾಲೀಕರ ದೇಹದ ಪಕ್ಕದಲ್ಲಿ ನಾಲ್ಕು ದಿನಗಳ ಕಾಲ ಕುಳಿತಿತ್ತು. ಈ ಭಾವನಾತ್ಮಕ ಘಟನೆ ಎಲ್ಲರ ಕಣ್ಣಲ್ಲಿ ನೀರು ತರಿಸಿತು.

ವರದಿಗಳ ಪ್ರಕಾರ,ವಿಕಾಸ್ ರಾಣಾ ಮತ್ತು ಪಿಯೂಷ್ ವೀಡಿಯೊ ಚಿತ್ರೀಕರಣಕ್ಕಾಗಿ ನಾಯಿಯೊಂದಿಗೆ ಪರ್ವತಗಳಿಗೆ ಹೋಗಿದ್ದರು. ಈ ವೇಳೆ ಭರ್ಮೌರ್‌ನ ಎತ್ತರದ ಪರ್ವತ ಪ್ರದೇಶದ ಭರ್ಮಣಿ ಮಾತಾ ದೇವಾಲಯದ ಬಳಿ ಹಿಮ ಮತ್ತು ಚಳಿಯಲ್ಲಿ ಸಿಲುಕಿ ಇಬ್ಬರು ಚಳಿಯನ್ನು ಸಹಿಸಲಾರದೆ ಮಧ್ಯದಲ್ಲಿ ಸಾವನ್ನಪ್ಪಿದರು.

ನಾಲ್ಕು ದಿನಗಳ ನಂತರ, ಕುಟುಂಬಸ್ಥರು ಯುವಕರು ಕಾಣೆಯಾಗಿರುವ ಕುರಿತು ನೀಡಿದ್ದ ಮಾಹಿತಿ ಮೇರೆಗೆ ರಕ್ಷಣಾ ತಂಡಗಳು ಮತ್ತು ಸ್ಥಳೀಯರು ಸ್ಥಳಕ್ಕೆ ಬಂದಾಗ, ದೃಶ್ಯವು ಎಲ್ಲರ ಕಣ್ಣಲ್ಲಿ ನೀರು ತರಿಸಿತು. ಯುವಕರಿಬ್ಬರ ದೇಹವು ಹಿಮದಿಂದ ಆವೃತವಾಗಿತ್ತು, ಆದರೆ ಸಾಕು ನಾಯಿ ಸ್ಥಳದಲ್ಲಿ ಹೆಪ್ಪುಗಟ್ಟಿತ್ತು.

ನಾಲ್ಕು ದಿನಗಳವರೆಗೆ, ಆ ಮೂಕ ಜೀವಿ ತಿನ್ನಲಿಲ್ಲ ಅಥವಾ ತನ್ನ ಸ್ಥಳವನ್ನು ಬಿಡಲಿಲ್ಲ. ಅದು ಹಿಮಪಾತವನ್ನು ಎದುರಿಸಿತು ಮಾತ್ರವಲ್ಲದೆ ತನ್ನ ಮಾಲೀಕರ ದೇಹವನ್ನು ಕಾಡು ಪ್ರಾಣಿಗಳಿಂದ ರಕ್ಷಿಸಿತು.

ರಕ್ಷಣಾ ತಂಡವು ದೇಹವನ್ನು ಮೇಲಕ್ಕೆತ್ತಲು ಹೋದಾಗ, ನಾಯಿ ಆರಂಭದಲ್ಲಿ ಸಾಕಷ್ಟು ಆಕ್ರಮಣಕಾರಿಯಾಗಿ ವರ್ತಿಸಿತು. ತನ್ನ ಮಾಲೀಕರಿಗೆ ಯಾರೋ ಹಾನಿ ಮಾಡಲು ಹೊರಟಿದ್ದಾರೆ ಎಂದು ಭಾವಿಸಿತು. ನಂತರ, ಅವರು ಸಹಾಯ ಮಾಡಲು ಬಂದಿದ್ದಾರೆಂದು ಅರಿತುಕೊಂಡು ಕೊನೆಗೆ ರಕ್ಷಣಾ ತಂಡದ ಕೆಲಸಕ್ಕೆ ಅನುವು ಮಾಡಿಕೊಟ್ಟಿದೆ.

ಮೈನಡುಗಿಸುವ ಚಳಿ, ಆಹಾರವಿಲ್ಲ, ಕುಡಿಯಲು ನೀರಿಲ್ಲದೆ ನಾಯಿ ನಾಲ್ಕು ದಿನಗಳ ಕಾಲ ಶವಗಳ ಬಳಿಯೇ ಇತ್ತು. ರಕ್ಷಣಾ ತಂಡವು ಶವಗಳು ಮತ್ತು ನಾಯಿಯನ್ನು ವಶಪಡಿಸಿಕೊಂಡಿದೆ. ನಾಯಿ ಕೂಡಾ ಇದೀಗ ಸಾವನ್ನೊಪ್ಪಿದೆ ಎನ್ನಲಾಗಿದೆ. ಆದರೆ ಈ ಕುರಿತಾಗಿ ಯಾವುದೇ ಖಚಿತ ಮಾಹಿತಿ ಇಲ್ಲ.

ಈ ನಾಯಿಯ ನಿಷ್ಠೆ ಮತ್ತು ಸಮರ್ಪಣೆ ದೇಶಾದ್ಯಂತ ವ್ಯಾಪಕವಾಗಿ ಚರ್ಚಿಸಲ್ಪಡುತ್ತಿದೆ. ಒಂದೆಡೆ, ನಂಬಿಕಸ್ಥ ಮನುಷ್ಯರು ಕ್ಷುಲ್ಲಕ ವಿವಾದಗಳಿಗೂ ಜನರನ್ನು ಕೊಲ್ಲುತ್ತಿದ್ದಾರೆ. ಮತ್ತೊಂದೆಡೆ, ಈ ನಾಯಿ ಒಂದು ವಿಶಿಷ್ಟ ಉದಾಹರಣೆಯನ್ನು ನೀಡಿದೆ.