ವಾಶಿಮ್ ಜಿಲ್ಲೆಯ ಧೇಪುಡ್ ಗ್ರಾಮದ ರೈತ ಧನಂಜಯ್ ಗಂಗಾವನೆ ಪರಿಸ್ಥಿತಿಯ ಗಂಭೀರತೆಯನ್ನು ವಿವರಿಸಿದ್ದಾರೆ. ಐದು ಎಕರೆ ಜಮೀನಿನಲ್ಲಿ ಕೃಷಿ ಮಾಡುವ ಅವರು, ಟ್ರ್ಯಾಕ್ಟರ್ ಮೂಲಕ ಹೊಲ ಒಡೆಯಲು ಡೀಸೆಲ್ ಅಗತ್ಯವಾಗಿದ್ದರಿಂದ ಸುಮಾರು 80 ಕಿಲೋಮೀಟರ್ ದೂರ ಪ್ರಯಾಣಿಸಿ ಅಕೋಲಾ ಜಿಲ್ಲೆಯ ಬಾರ್ಶಿ ಟಾಕಳಿ ಪೆಟ್ರೋಲ್ ಬಂಕ್ಗೆ ತೆರಳಿದರು. “8 ರಿಂದ 10 ಪೆಟ್ರೋಲ್ ಬಂಕ್ಗಳಲ್ಲಿ ಹುಡುಕಿದರೂ ಕ್ಯಾನ್ನಲ್ಲಿ ಡೀಸೆಲ್ ಸಿಗಲಿಲ್ಲ. ಕೊನೆಗೆ ಇಲ್ಲಿ ಸಾವಿರ ರೂಪಾಯಿಯ ಡೀಸೆಲ್ ಸಿಕ್ಕಿತು. ಆದರೆ ಅದಕ್ಕಾಗಿ 200 ರೂಪಾಯಿ ಮೌಲ್ಯದ ಪೆಟ್ರೋಲ್ ಖರ್ಚು ಮಾಡಬೇಕಾಯಿತು” ಎಂದು ಅವರು ಬೇಸರ ವ್ಯಕ್ತಪಡಿಸಿದರು ಎಂದು ಸುದ್ದಿಸಂಸ್ಥೆ ಉಲ್ಲೇಖಿಸಿದೆ. ಅವರ ಪ್ರಕಾರ, ಸಿಕ್ಕಿರುವ ಡೀಸೆಲ್ ಪ್ರಮಾಣ ಕೃಷಿ ಕೆಲಸಗಳಿಗೆ ಸಾಕಾಗುವುದಿಲ್ಲ. ಆದರೂ ಮಳೆಗಾಲಕ್ಕೂ ಮೊದಲು ಹೊಲ ಸಿದ್ಧಪಡಿಸಲು ಇದೂ ಸಹ ನೆರವಾಗುತ್ತಿದೆ ಎಂದಿದ್ದಾರೆ.
