ಡಿಕಾಪ್ರಿಯೊ-ವುಡಿ ಅಲೆನ್ ಇಮೇಲ್ ವಿವಾದ..ನರಭಕ್ಷಣೆ ಸುದ್ದಿಯ ಹಿಂದಿರೋ ಅಸಹ್ಯಕರ ಗುಟ್ಟು ರಟ್ಟು! | Leonardo DiCaprio

ಜೆಫ್ರಿ ಎಪ್ಸ್ಟೀನ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಿಡುಗಡೆಯಾದ ಸಾವಿರಾರು ಪುಟಗಳ ದಾಖಲೆಗಳಲ್ಲಿ ಲಿಯೊನಾರ್ಡೊ ಡಿಕಾಪ್ರಿಯೊ ಸೇರಿದಂತೆ ಅನೇಕ ಗಣ್ಯರ ಹೆಸರುಗಳು ಉಲ್ಲೇಖವಾಗಿವೆ. ಆದರೆ, ಆ ದಾಖಲೆಗಳಲ್ಲಿ ಯಾವುದೇ ರೀತಿಯ ಕಾನೂನುಬಾಹಿರ ಕೃತ್ಯಗಳಲ್ಲಿ ತೊಡಗಿದ್ದಾರೆ ಅಥವಾ ಅವರು ದ್ವೀಪಕ್ಕೆ ಭೇಟಿ ನೀಡಿದ್ದಾರೆ ಎಂಬ ಪುರಾವೆಗಳಿಲ್ಲ. ಕೇವಲ ಸಂಭಾಷಣೆ ಅಥವಾ ಇತರೆ ಸಂದರ್ಭಗಳಲ್ಲಿ ಅವರ ಹೆಸರುಗಳು ಬಂದಿವೆ ಎಂದು ವರದಿಯಾಗಿದೆ.

ಡಿಕಾಪ್ರಿಯೊ ವುಡಿ ಅಲೆನ್ ಎನ್ನುವವರಿಗೆ ಇಮೇಲ್ ಕಳುಹಿಸಿ ಮಕ್ಕಳ ಮಾಂಸ ಸೇವನೆಯ ಬಗ್ಗೆ ಬರೆದಿದ್ದಾರೆ ಎಂಬ ಸುದ್ದಿಗೆ ಯಾವುದೇ ಆಧಾರವಿಲ್ಲ. ಇಂತಹ ಯಾವುದೇ ಇಮೇಲ್ ಅಥವಾ ಸಾಕ್ಷ್ಯಗಳು ನ್ಯಾಯಾಲಯದ ದಾಖಲೆಗಳಲ್ಲಿ ಲಭ್ಯವಿಲ್ಲ ಎಂದು ತಿಳಿದುಬಂದಿದೆ.

ಡಿಕಾಪ್ರಿಯೊ 70 ಪೌಂಡ್ ಮಾಂಸ ಸೇವಿಸಿದ್ದಾರೆ ಮತ್ತು ವುಡಿ ಅಲೆನ್​ಗೆ ಇಮೇಲ್ ಕಳುಹಿಸಿ ಅದರ ಬಗ್ಗೆ ಹೇಳಿಕೊಂಡಿದ್ದಾರೆ ಎನ್ನುವುದು ಕಟ್ಟು ಕಥೆಯಾಗಿದ್ದು, ಅಧಿಕೃತವಾಗಿ ಬಿಡುಗಡೆಯಾದ ಯಾವುದೇ ನ್ಯಾಯಾಲಯದ ದಾಖಲೆಗಳಲ್ಲಿ ಇಂತಹ ಉಲ್ಲೇಖಗಳಿಲ್ಲ.

ವುಡಿ ಅಲೆನ್ ಮತ್ತು ಡಿಕಾಪ್ರಿಯೊ ಹಾಲಿವುಡ್‌ನ ಪ್ರಸಿದ್ಧ ವ್ಯಕ್ತಿಗಳಾಗಿದ್ದು, ಅವರ ನಡುವೆ ಇಂತಹ ಕ್ರಿಮಿನಲ್ ಚಟುವಟಿಕೆಯ ಸಂವಹನ ನಡೆದಿದೆ ಎನ್ನಲು ಯಾವುದೇ ಅಧಿಕೃತ ತನಿಖಾ ಸಂಸ್ಥೆಗಳು ಸಾಕ್ಷ್ಯ ನೀಡಿಲ್ಲ.

ಜೆಫ್ರಿ ಎಪ್ಸ್ಟೀನ್ ಒಬ್ಬ ಅಮೆರಿಕನ್ ಫೈನಾನ್ಷಿಯರ್ ಆಗಿದ್ದು, ಲೈಂಗಿಕ ಅಪರಾಧಗಳಿಗಾಗಿ ಜೈಲು ಸೇರಿದ್ದರು. ಅವರ ದ್ವೀಪಕ್ಕೆ ಹೋಗುತ್ತಿದ್ದ ಗಣ್ಯರ ಪಟ್ಟಿಯಲ್ಲಿ ಅನೇಕ ರಾಜಕಾರಣಿಗಳು ಮತ್ತು ನಟರ ಹೆಸರಿದೆ ಎನ್ನುವುದು ಸತ್ಯ(ಏಜೆನ್ಸೀಸ್​​).