ಪಾಕ್​ನಲ್ಲಿ ಧುರಂಧರ್ ಸುನಾಮಿ.. ಚಿತ್ರಮಂದಿರಗಳಲ್ಲಿ ಬ್ಯಾನ್ ಆದರೂ ನೆಟ್‌ಫ್ಲಿಕ್ಸ್‌ನಲ್ಲಿ ರಣವೀರ್ ನಂ.1 | Dhurandhar in Pak

ಪಾಕಿಸ್ತಾನ ವಿರೋಧಿ ಕಥೆಯಿದೆ ಎಂಬ ಕಾರಣಕ್ಕೆ ಅಲ್ಲಿನ ಸೆನ್ಸಾರ್ ಮಂಡಳಿ ಈ ಚಿತ್ರಕ್ಕೆ ನಿಷೇಧ ಹೇರಿತ್ತು. ಆದರೆ ಒಟಿಟಿ (OTT) ಬಿಡುಗಡೆಯಾದ ಕೂಡಲೇ ಅಲ್ಲಿನ ಪ್ರೇಕ್ಷಕರು ಮುಗಿಬಿದ್ದು ಸಿನಿಮಾ ವೀಕ್ಷಿಸುತ್ತಿದ್ದಾರೆ.

ಆದಿತ್ಯ ಧರ್ ನಿರ್ದೇಶನದ ಈ ಚಿತ್ರವು ಕರಾಚಿಯ ಲಿಯಾರಿ ಗ್ಯಾಂಗ್‌ಗಳ ಒಳಗೆ ನುಗ್ಗಿ ಭಾರತದ ಬೇಹುಗಾರಿಕಾ ಸಂಸ್ಥೆ (R&AW) ನಡೆಸುವ ಕಾರ್ಯಾಚರಣೆಯ ಸುತ್ತ ಹೆಣೆಯಲ್ಪಟ್ಟಿದೆ. ಇದು ಸತ್ಯ ಘಟನೆಗಳಿಂದ ಪ್ರೇರಿತವಾಗಿದೆ ಎಂಬುದು ಪಾಕಿಸ್ತಾನಿ ಪ್ರೇಕ್ಷಕರ ಕುತೂಹಲಕ್ಕೆ ಕಾರಣವಾಗಿದೆ.

ಆಶ್ಚರ್ಯವೆಂದರೆ, ಅನೇಕ ಪಾಕಿಸ್ತಾನಿ ಪ್ರೇಕ್ಷಕರು ಸಾಮಾಜಿಕ ಜಾಲತಾಣಗಳಲ್ಲಿ ಚಿತ್ರದ ಸಂಶೋಧನೆ ಮತ್ತು ಮೇಕಿಂಗ್ ಅನ್ನು ಹೊಗಳಿದ್ದಾರೆ. ಬಾಲಿವುಡ್ ಸಿನಿಮಾಗಳಲ್ಲಿ ಪಾಕಿಸ್ತಾನಿಗಳನ್ನು ತೋರಿಸುವ ಸಾಂಪ್ರದಾಯಿಕ ಶೈಲಿಯನ್ನು ಬಿಟ್ಟು, ವಾಸ್ತವಕ್ಕೆ ಹತ್ತಿರವಾಗಿ ಚಿತ್ರಿಸಲಾಗಿದೆ ಎಂದು ಅಲ್ಲಿನ ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.

ಈ ಸಿನಿಮಾ ಈಗಾಗಲೇ ಜಾಗತಿಕವಾಗಿ ₹1,300 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿ ಬಾಲಿವುಡ್‌ನ ಸಾರ್ವಕಾಲಿಕ ಯಶಸ್ವಿ ಚಿತ್ರಗಳಲ್ಲಿ ಒಂದಾಗಿ ಹೊರಹೊಮ್ಮಿದೆ.

ರಣವೀರ್ ಸಿಂಗ್ ಜೊತೆಗೆ ಅಕ್ಷಯ್ ಖನ್ನಾ, ಸಂಜಯ್ ದತ್, ಅರ್ಜುನ್ ರಾಂಪಾಲ್ ಮತ್ತು ಆರ್. ಮಾಧವನ್ ಅವರಂತಹ ದೈತ್ಯ ನಟರು ಈ ಚಿತ್ರದಲ್ಲಿದ್ದಾರೆ.

ಧುರಂಧರ್ ಮೊದಲ ಭಾಗದ ಭಾರಿ ಯಶಸ್ಸಿನ ನಂತರ, ಇದರ ಸೀಕ್ವೆಲ್ ಧುರಂಧರ್ 2 ಇದೇ ಮಾರ್ಚ್ 19 ರಂದು ಈದ್ ಹಬ್ಬದ ಪ್ರಯುಕ್ತ ಬಿಡುಗಡೆಯಾಗಲಿದೆ. ನೆಟ್‌ಫ್ಲಿಕ್ಸ್‌ನಲ್ಲಿ ಈಗ ಸೃಷ್ಟಿಯಾಗಿರುವ ಈ ಹವಾ ನೋಡಿದರೆ, ಎರಡನೇ ಭಾಗಕ್ಕೂ ಪಾಕಿಸ್ತಾನದಲ್ಲಿ ಅತಿ ಹೆಚ್ಚು ಡಿಮ್ಯಾಂಡ್ ಇರುವುದು ಖಚಿತವಾಗಿದೆ.

ಕಲೆಗೆ ಯಾವುದೇ ಗಡಿಗಳಿಲ್ಲ ಎಂಬುದನ್ನು ಧುರಂಧರ್ ಪಾಕಿಸ್ತಾನದಲ್ಲಿ ಸಾಬೀತುಪಡಿಸಿದೆ. ನಿಷೇಧವು ಕೇವಲ ಕುತೂಹಲವನ್ನು ಹೆಚ್ಚಿಸಿದೆಯೇ ಹೊರತು ಪ್ರೇಕ್ಷಕರನ್ನು ತಡೆಯಲು ಸಾಧ್ಯವಾಗಿಲ್ಲ ಎಂದು ಸಿನಿಮಾ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ,(ಏಜೆನ್ಸೀಸ್).