ಜೀವದ ಹಂಗು ತೊರೆದು ಯುವಕನ ಪ್ರಾಣ ಉಳಿಸಿದ ದೆಹಲಿ ಪೊಲೀಸ್ ಅಧಿಕಾರಿ ಅನಿಲ್ ಶರ್ಮಾ! Anil Sharma

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಎಸ್​ಐ ಶರ್ಮಾ ಅವರ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಮಾನವೀಯತೆ ಮತ್ತು ಕರ್ತವ್ಯ ಒಟ್ಟಿಗೆ ನಡೆದಾಗ ಜೀವಗಳು ಉಳಿಯುತ್ತವೆ. ಎಸ್‌ಐ ಅನಿಲ್ ಶರ್ಮಾ ಅವರ ಚುರುಕಾದ ಬುದ್ಧಿ ಮತ್ತು ಸೂಕ್ಷ್ಮತೆಗೆ ನಮನಗಳು ಎಂದು ಬಳಕೆದಾರರೊಬ್ಬರು ಕಾಮೆಂಟ್​ ಮಾಡಿದ್ದರೆ, ಇನ್ನೊಬ್ಬ ಬಳಕೆದಾರ ಈ ಪೊಲೀಸ್ ಅಧಿಕಾರಿ ಅಪರಿಚಿತರನ್ನು ರಕ್ಷಿಸಲು ತನ್ನ ಪ್ರಾಣವನ್ನೇ ಪಣಕ್ಕಿಟ್ಟರು, ಅತ್ಯಂತ ಶ್ಲಾಘನೀಯ ಕಾರ್ಯವನ್ನು ಮಾಡಿದ್ದಾರೆ. ಇಲಾಖೆ ಅವರನ್ನು ನೋಡಿಕೊಳ್ಳುತ್ತದೆ ಎಂದು ಭಾವಿಸುತ್ತೇನೆ ಎಂದು ಕಾಮೆಂಟ್ ಮಾಡಿದ್ದಾರೆ (ಏಜೆನ್ಸೀಸ್​).