ಹಿಂದೂ-ಯಹೂದಿ ಒಂದಾದರೆ ಮುಸ್ಲಿಂ ದೇಶಗಳಿಗೆ ಗಂಡಾಂತರ: ಟೆಹ್ರಾನ್ ಸಭೆಯಲ್ಲಿ ಆಸಿಮ್ ಮುನೀರ್ ಆತಂಕ! Asim Munir

ಇಸ್ಲಾಮಾಬಾದ್​: ಕೆಲ ದಿನಗಳ ಹಿಂದೆ ಟೆಹ್ರಾನ್​ಗೆ ಬೇಟಿಕೊಟ್ಟಿದ್ದ ಪಾಕಿಸ್ತಾನದ ಮಿಲಿಟರಿ ಮುಖ್ಯಸ್ಥ ಫೀಲ್ಡ್​ ಮಾರ್ಷಲ್​ ಆಸಿಮ್​ ಮುನೀರ್​, ಭಾರತದ ಮತ್ತು ಇಸ್ರೇಲ್​ ದೇಶಗಳ ನಡುವಿನ ಸಂಬಂಧ ಗಟ್ಟಿಯಾಗುತ್ತಿದ್ದು, ಇದರಿಂದ ಜಗತ್ತಿನ ಮುಸ್ಲಿಂ ದೇಶಗಳಿಗೆ ಮುಂದಿನ ದಿನಗಳಲ್ಲಿ ಸಮಸ್ಯೆ ಉಂಟಾಗಲಿದೆ ಎಂದು ಹೇಳಿದ್ದಾರೆಂದು ವರದಿಯಾಗಿದೆ.

ಹಿಂದೂಗಳು ಹಾಗೂ ಯಹೂದಿ (ಜ್ಯೂವಿಶ್​) ಗಳು ಒಂದಾದರೆ, ಇಸ್ಲಾಮಿಕ್​ ದೇಶಗಳಿಗೆ ಈ ಮೈತ್ರಿ ಮುಂದಿನ ದಿನಗಳಲ್ಲಿ ಖಂಡಿಯವಾಗಿ ಬಹುದೊಡ್ಡ ಸಮಸ್ಯೆಯಾಗಿ ಪರಿಣಮಿಸಲಿದೆ ಎಂದು ಪಾಕಿಸ್ತಾನ ಹಾಗೂ ಟರ್ಕಿ ದೇಶಗಳು ಇರಾನ್​ ಮುಂದೆ ಪ್ರಸ್ತಾಪಿಸಿವೆ ಎಂದಿ ಇರಾನ್​ ಗುಪ್ತಚರ ಅಧಿಕಾರಿ ಮೊಹ್ಸೀನ್​ ರೇಝಈ ತಿಳಿಸಿದ್ದಾರೆ.

ಅವರಿಬ್ಬರು ಒಂದಾದರೆ ನಮಗೆ ಸಂಕಷ್ಟ!

ಅಕ್ಟೋಬರ್​ 26 ರಂದು ಇರಾನ್​ ರಾಜಧಾನಿ ಟೆಹ್ರಾನ್​ನಲ್ಲಿ ನಡೆದಿದ್ದ ಸಭೆಯಲ್ಲಿ ಪಾಕಿಸ್ತಾನ ಹಾಗೂ ಟರ್ಕಿ, ಭಾರತ ಮತ್ತು ಇಸ್ರೇಲ್​ ನಡುವೆ ಬೆಳೆಯುತ್ತಿರುವ ರಾಜತಾಂತ್ರಿಕ ಸಂಬಂಧದ ಬಗ್ಗೆ ಚರ್ಚಿಸಿದ್ದಾರೆಂದು ಹೇಳಲಾಗುತ್ತಿದೆ.

ಈ ಸಭೆಯಲ್ಲಿ ಪಾಕ್​ ಫೀಲ್ಡ್​ ಮಾರ್ಷಲ್​ ಆಸಿಮ್​ ಮುನೀರ್​, ಹಿಂದೂಗಳು ಮತ್ತು ಯಹೂದಿಗಳ ನಡುವಿನ ಸಂಬಂದ ಇತ್ತೀಚಿನ ವರ್ಷಗಳಲ್ಲಿ ಬಹಳ ಸುಧಾರಿಸಿದೆ. ಒಂದು ವೇಳೆ ಈ ಎರಡು ಧರ್ಮಗಳು ಒಂದಾದರೆ, ಮುಸ್ಲಿಂ ದೇಶಗಳಿಗೆ ಅದರಲ್ಲೂ ಪಾಕಿಸ್ತಾನಕ್ಕೆ ಭಾರೀ ಸಂಕಷ್ಟಕರ ಪರಿಸ್ಥಿತಿ ನಿರ್ಮಾಣವಾಗಲಿದೆ ಎಂದು ಹೇಳಿದ್ದಾರೆ.

ಈ ಮಾತಿಗೆ ಟಿರ್ಕಿ ಗುಪ್ತಚರ ಮುಖ್ಯಸ್ಥ, ಇಬ್ರಾಹಿಂ ಕಾಲಿನ್ ಕೂಡ ಸಮ್ಮತಿ ಸೂಚಿಸಿದ್ದು, ಈ ವಿದ್ಯಮಾನ ಹೀಗೆ ಮುಂದುವರಿದ ಪಕ್ಷದಲ್ಲಿ ನಮಗೆ ಕೇವಲ ಯಹೂದಿ ಹಾಗೂ ಹಿಂದೂಗಳು ಇಬ್ಬರನ್ನು ಎದುರಿಸಬೇಕಾಗುತ್ತದೆ. ಅದು ನಮಗೆ ಕಷ್ಟವಾಗುತ್ತದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆಂದು ತಿಳಿದುಬಂದಿದೆ.

ನಮ್ಮ ತೊಂದರೆ ಆಗುವುದು ನಿಜ!

ಈ ವಿದ್ಯಮಾನದ ಬಗ್ಗೆ ಪಾಕ್​ ಪತ್ರಕರ್ತ ನಜಂ ಸೇಠಿ, ವಿಡಿಯೋವೊಂದನ್ನು ಹಂಚಿಕೊಂಡಿದ್ದು, ಇರಾನ್​ ಗುಪ್ತಚರ ಅಧಿಕಾರಿ ಮೊಹ್ಸೀನ್​ ರೇಝಈ ನೀಡಿರುವ ಹೇಳಿಕೆಯನ್ನು ಒಪ್ಪಿಕೊಂಡಿದ್ದಾರೆ. ಮೊಹ್ಸೀನ್​ ರೇಝಈ ಹೇಳಿರುವಂತೆ, ನಮ್ಮ ಮಿಲಿಟರಿ ಮುಖ್ಯಸ್ಥರು, ಹಿಂದೂಗಳ ಹಾಗೂ ಯಹೂದಿಗಳ ಬಗ್ಗೆ ಮೈತ್ರಿ ಬಗ್ಗೆ ಕಳವಳ ವ್ಯಕ್ತ ಪಡಿಸಿರುವುದು ಸತ್ಯ ಸಂಗತಿಯಾಗಿದೆ. ಪೆಹಲ್ಗಾಮ್​ ಘಟನೆ ಬಳಿಕ ಹಿಂದೂ ಮತ್ತು ಮುಸ್ಲಿಮರಲ್ಲಿ ವೈರತ್ವ ಭಾವ ಮೂಡಿರುವುದು ನಿಜವಾಗಿದೆ.

ಈ ಸಂದರ್ಭದಲ್ಲಿ ಹಿಂದೂಗಳ ಬೆಂಬಲಕ್ಕೆ ಯಹೂದಿಗಳು ನಿಂತಿದ್ದರು. ಪ್ರಸ್ತುತ ದಿನಮಾನದಲ್ಲಿ ಭಾರತ ಹಾಗೂ ಇಸ್ರೇಲ್​ ನಡುವೆ ಉತ್ತಮ ಬಾಂಧವ್ಯ ಬೆಳೆಯುತ್ತಿದೆ. ಇದು ಖಂಡಿತವಾಗಿ ಇಸ್ಲಾಮಿಕ್​ ದೇಶಗಳಿಗೆ ವಿದೇಶವಾಗಿ ಪಾಕಿಸ್ತಾನಕ್ಕೆ ಮುಳುವಾಗಲಿದ ಎಂದಿದ್ದಾರೆ.

ಗಟ್ಟಿಯಾದ ಭಾರತ-ಇಸ್ರೇಲ್​ ಸಂಬಂಧ!

ಇತ್ತೀಚಿನ ಕೆಲ ವರ್ಷಗಳಲ್ಲಿ ಭಾರತ ಮತ್ತು ಇಸ್ರೇಲ್​ ನಡುವಿನ ರಾಜತಾಂತ್ರಿಕ ಸಂಬಂಧ ಸುಧಾರಿಸಿದೆ. ಕೃಷಿ, ಮಿಲಿಟರಿ, ಗುಪ್ತಚರ, ರಕ್ಷಣೆ, ನೀರಿನ ನಿರ್ವಹಣೆ ಸೇರಿದಂತೆ ಅನೇಕ ಕ್ಷೇತ್ರಗಳಲ್ಲಿ ಅದರಲ್ಲೂ ವಿಶೇಷವಾಗಿ ಸೈನ್ಯದಲ್ಲಿ ಆಧುನಿಕತೆಯನ್ನು ಸಾಧಿಸುವುದರಲ್ಲಿ ಭಾರತ ಇಸ್ರೇಲ್​ ಜತೆ ಮಹತ್ವದ ಒಪ್ಪಂದಗಳನ್ನು ಮಾಡಿಕೊಂಡಿದೆ.

ಆದ್ದರಿಂದಲೇ, ಇರಾನ್​ ಹಾಗೂ ಲೆಬನಾನ್​ ಮೇಲೆ ಇಸ್ರೇಲ್​ ದಾಳಿ ಮಾಡಿದಾಗ ಭಾರತ ನೇರವಾಗಿ ವಿರೋಧಿಸುವ ಬದಲು, ಶಾಂತಿ ಮಾತುಕತೆ ಮೂಲಕ ಪರಿಹಾಕ ಕಂಡುಕೊಳ್ಳಿ ಎಂದು ಹೇಳುತ್ತಾ, ತಟಸ್ಥ ನೀತಿಯನ್ನು ಕಾಪಾಡಿಕೊಂಡಿತ್ತು. ಒಟ್ಟಿನಲ್ಲಿ ಭಾರತ-ಇಸ್ರೇಲ್​ ನಡುವಿನ ಮೈತ್ರಿ ಪಾಕಿಸ್ತಾನ ಸೇರಿದಂತೆ ಇಸ್ಲಾಮಿಕ್​ ದೇಶಗಳ ನಿದ್ದೆಗೆಡಿಸಿದೆ ಎನ್ನುವುದಕ್ಕೆ ಆಸಿಮ್​ ಮುನೀರ್​ ಅವರ ಹೇಳಿಕೆಯೇ ನೇರ ಸಾಕ್ಷಿಯಾಗಿದೆ, (ಏಜೆನ್ಸೀಸ್​).