ತಂಡಸ್ಪೂರ್ತಿ ಇಲ್ಲದಿರುವುದು, ಉತ್ಪಾದಕತೆಯ ವೇಗ ತಗ್ಗುವುದು, ಅಪನಂಬಿಕೆ ಹೆಚ್ಚುವುದು... ಇದಕ್ಕೆಲ್ಲ ಭಾವನಾತ್ಮಕ ಬುದ್ಧಿವಂತಿಕೆ ಕೊರತೆಯೇ ಕಾರಣ. ಎಐಯನ್ನು ಎಷ್ಟೇ ಪರಿಣಾಮಕಾರಿಯಾಗಿ ಅಳವಡಿಸಿದರೂ, ಇಐ ಅಳವಡಿಸಿಕೊಳ್ಳದಿದ್ದರೆ ಯಶಸ್ಸು ಸಾಧ್ಯವಿಲ್ಲ ಎಂಬ ಸಂಗತಿ ಕಾಪೋರೇಟ್ ಜಗತ್ತಿಗೆ ಸ್ಪಷ್ಟವಾಗಿ ಅರಿವಾಗಿದೆ. ಮೊದಲೆಲ್ಲ, ಉದ್ಯಮ ನಡೆಸಲು ಬಿಜಿನೆಸ್ ಸ್ಕಿಲ್ಗಳಿದ್ದರೆ ಸಾಕು ಎಂಬಂಥ ಸ್ಥಿತಿ ಇತ್ತು. ಈಗ ಹಾಗಲ್ಲ, ಭಾವನಾತ್ಮಕ ಕೌಶಲಗಳಿಗೆ ಮನ್ನಣೆ ದೊರೆಯುತ್ತಿದೆ. ಎಐಗಳು ಯಾಂತ್ರಿಕ ಕಾರ್ಯವನ್ನು ಸುಲಭವಾಗಿಸಿದ್ದರೂ, ತಂಡಸ್ಪೂರ್ತಿ, ಬಾಂಧವ್ಯಗಳ ರಕ್ಷಣೆ, ಸವಾಲುಗಳ ನಿರ್ವಹಣೆ, ಮಾನವೀಯ ಸಂವಾದ/ಚರ್ಚೆಯಂಥ ಸಾಮರ್ಥ್ಯಗಳು ಸಂಪೂರ್ಣವಾಗಿ ಮನುಷ್ಯನ ಮೇಲೆ/ಭಾವನೆಗಳ ಮೇಲೆ ಅವಲಂಬಿತವಾಗಿವೆ. ಮನುಷ್ಯರೊಂದಿಗೆ ಬಾಂಧವ್ಯ ಸಾಧಿಸುವ, ಮನುಷ್ಯರನ್ನು ಅರ್ಥಮಾಡಿಕೊಳ್ಳುವ ಗುಣವೇ ಭಾವನಾತ್ಮಕ ಬುದ್ಧಿವಂತಿಕೆ. ಮತ್ತು ಈ ಭಾವನೆಗಳನ್ನು ಸರಿಯಾದ ಮಾರ್ಗದಲ್ಲಿ ಉಪಯೋಗಿಸುವುದು ಸಹ ಅಷ್ಟೇ ಮುಖ್ಯ.
_1764265502717.webp?w=480&auto=format%2Ccompress&fit=max)
