Bihar Election | ಆರ್​ಜೆಡಿಗೂ ಕೈ ಕೊಡ್ತಾ ಕಾಂಗ್ರೆಸ್​..? ಮಹಾಮೈತ್ರಿಕೂಟ ಎಡವಿದ್ದೆಲ್ಲಿ..?

ಚುನಾವಣೆಗೂ ಮುನ್ನ ಮಹಾಘಟಬಂಧನ್​ಗೆ ಹೆಜ್ಜೆಗೊಂದರಂತೆ ಸವಾಲ್​ ಎದುರಾದವು. ಸ್ಥಾನಗಳ ಹಂಚಿಕೆ, ಟಿಕೆಟ್​ ಹಂಚಿಕೆ, ಸಿಎಂ ಅಭ್ಯರ್ಥಿ ಘೋಷಣೆ ಸೇರಿದಂತೆ ಅನೇಕ ವಿಷಯದಲ್ಲಿ ವಿಪಕ್ಷಗಳ ಮೈತ್ರಿಕೂಟ ಹಿಮ್ಮುಖವಾಗಿಯೇ ಚಲಿಸಿತು. ಪ್ರಾರಂಭಿಕ ಅಸಮಧಾನದಿಂದಾಗಿ ಲೋಕಸಭೆಯ ವಿಪಕ್ಷ ನಾಯಕ ರಾಹುಲ್​, ಸಂಸದೆ ಪ್ರಿಯಾಂಕಾ ಗಾಂಧಿ ವಾದ್ರಾ, ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ತಡವಾಗಿ ಪ್ರಚಾರಕ್ಕೆ ಬಂದಿದ್ದು ಎಲ್ಲೋ ಒಂದು ಕಡೆ ಇವರಲ್ಲಿ ಸಮನ್ವಯತೆ ಇಲ್ಲವೇನೋ..?, ಹೀಗಾದರೆ ನಮ್ಮ ಗತಿ ಏನು ಎನ್ನುವುದನ್ನು ಜನರು ಯೋಚಿಸಿದಂತಿದೆ.

ಬಿಹಾರದಲ್ಲಿ ಸುಧೀರ್ಘ ಅಧಿಕಾರ ನಡೆಸಿರುವ ನಿತೀಶ್ವ ಕುಮಾರ್​ ವಿರುದ್ಧದ ಸಹಜವಾಗಿ ಜನರಲ್ಲಿ ಬೇಸರ ಇದ್ದೇ ಇರುತ್ತದೆ, ರಾಜ್ಯದಲ್ಲಿನ ನಿರುದ್ಯೋಗ ಸಮಸ್ಯೆ, ವಲಸೆ ಸೇರಿದಂತೆ ಅನೇಕ ಸವಾಲುಗಳಿದ್ದರು ಇದನ್ನು ಜನರ ಮನಸ್ಸಿನಲ್ಲಿ ಮೂಡುವಂತೆ ಮಾಡಲು ವಿಪಕ್ಷಗಳು ಹಿಂದುಳಿದಿದ್ದು, ಬಿಜೆಪಿ ನಾಯಕರುಗಳ ಅಬ್ಬರದ ಪ್ರಚಾರ, ಜಂಗಲ್​ ರಾಜ್​ ಮರಳುವಿಕೆಯ ಘೋಷಣೆ ಮಹಾಮೈತ್ರಿಕೂಟದ ಹಿನ್ನಡೆಗೆ ಮತ್ತೊಂದು ಕಾರಣ ಎಂದು ವಿಶ್ಲೇಷಿಸಲಾಗುತ್ತಿದೆ.

ಈವರೆಗಿನ ಮತ ಎಣಿಕೆಯ ಪ್ರಕಾರ ಆರ್‌ಜೆಡಿ ನೇತೃತ್ವದ ಮೈತ್ರಿಕೂಟ ಭಾರೀ ಹಿನ್ನಡೆ ಅನುಭವಿಸಿದ್ದು, ಮಹಾಘಟಬಂಧನ್ 243 ಸ್ಥಾನಗಳಲ್ಲಿ 42 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದ್ದು, ಆರ್‌ಜೆಡಿ 30, ಕಾಂಗ್ರೆಸ್ ಕೇವಲ 4, ಎಡಪಕ್ಷಗಳು 8 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿವೆ.

.