'ಝೆನ್​​-ಜಿಗಳ ರೀಲ್ಸ್​​ ವಾಕರಿಕೆ ಬರುವಂತಿದೆ, ಇವರನ್ನು ಹೆತ್ತು, ಬೆಳಸಿದವರು ಯಾರು?; ಜಿರಳೆ ಪಕ್ಷದ ವಿರುದ್ಧ ಸಿಡಿದೆದ್ದ Kangana Ranaut

ನೀಟ್​ ಪ್ರಶ್ನೆ ಪತ್ರಿಕೆ ಸೋರಿಕೆ ಹಾಗೂ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಉಂಟಾದ ಲೋಪದೋಷದ ಹೊಣೆ ಹೊತ್ತು  ಧರ್ಮೇಂದ್ರ ಪ್ರಧಾನ್​(dharmendra pradhan) ಅವರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು ಎಂದು ಆಗ್ರಹಿಸಿ ಕಾಕ್ರೋಚ್​ ಜನತಾ ಪಾರ್ಟಿ (Cockroach Janta Party) ಪ್ರತಿಭಟನೆ ನಡೆಸಿತು. ಜುಲೈ.20ರಂದು ಸಂಸತ್​ ಚಲೋ  ವೇಳೆ ವಿದ್ಯಾರ್ಥಿಗಳ ಮೇಲೆ ಪೊಲೀಸರು ದಾಳಿ ನಡೆಸಿದರು. ಇಷ್ಟೇ ಅಲ್ಲದೇ ಅದೇ ಪ್ರತಿಭಟನೆ ದಿನ ಹಾಗೂ ನಂತರ ಝೆನ್​ ಜಿಗಳ ವಿನೂತನ  ರೀಲ್ಸ್​​ಗಳು ವೈರಲ್​ ಆದವು. ಈ ಬಗ್ಗೆ ಬಿಜೆಪಿ ಸಂಸದೆ  ಕಂಗನಾ ಗುಡುಗಿದ್ದಾರೆ.

'ಒಂದೇ ಸ್ಥಳದಲ್ಲಿ ಇಷ್ಟು ಅರಾಜಕತೆ, ಅಸಹ್ಯ ತರುವಂತಹ ಸ್ಥಿತಿಯನ್ನು ಎಂದಿಗೂ ನಾನು ನನ್ನ ಜೀವನದಲ್ಲಿ ನೋಡಿರಲಿಲ್ಲ. ಝೆನ್​​ ಜಿಗಳ ರೀಲ್ಸ್​​ ವಾಕರಿಕೆ ಬಂದಂತೆ ಇದೆ. ಅಷ್ಟೇ ಅಲ್ಲದೆ ಅವರು ಬಳಕೆ ಮಾಡುವ ಭಾಷೆಯನ್ನು ನನ್ನ ಜೀವನದಲ್ಲಿ ಪ್ರತಿಯೊಂದು ಫ್ರೇಮ್‌ನಲ್ಲೂ ಇಷ್ಟು ಜುಗುಪ್ಸೆ ಹುಟ್ಟಿಸುವ ಮತ್ತು ಒರಟಾದ ದೃಶ್ಯಗಳನ್ನು ಒಟ್ಟಿಗೆ ಕಂಡಿರಲಿಲ್ಲ ಎಂದು ಖಾರವಾಗಿ ಬರೆದುಕೊಂಡಿದ್ದಾರೆ.

 ಮುಂದುವರೆದು, ಇವರನ್ನು  ಹೆತ್ತು, ಬೆಳಸಿದವರು ಯಾರು? ಭಾರತವು ವೈವಿಧ್ಯಮಯ ಸುಂದರ ನೆಲೆಬೀಡು. ಇಲ್ಲಿಯ ಜನರು ಸಂಪ್ರದಾಯವನ್ನು ಮೈಗೂಡಿಸಿಕೊಂಡು ಸಾಂಸ್ಕೃತಿಕ ಪರಿಪಕ್ವತೆಯಿಂದ ಕೂಡಿರುತ್ತಾರೆ. ನಿಮ್ಮನ್ನು ನೀವು ಜಿರಳೆಗಳಂತೆ ಕರೆದುಕೊಂಡು ಅದರಂತೆ ವರ್ತಿಸುತ್ತಿದ್ದೀರಿ. ಹಾಗೆಯೇ ಕಾಣುತ್ತಿದ್ದೀರಿ. ಇಲ್ಲಿ ಯಾವುದೇ ವಿರೋಧಾಭಾಸ ಇಲ್ಲ. ನಿಮ್ಮ ಕೊಳಕುತನ, ಅಸಹ್ಯವನ್ನು ಇಡೀ ದೇಶಕ್ಕೆ ಬಿತ್ತರಿಸುತ್ತಿದ್ದೀರಿ. ಈ ರೀಲ್ಸ್​ಗಳನ್ನು ನೋಡಿ ನನಗೆ ಭಯವಾಗಲು ಶುರುವಾಗಿದೆ. ಹೀಗಾಗಿ ನನಗೆ  ಡಿಜಿಟಲ್​ ಹೀಲಿಂಗ್​ ಡಿಟಾಕ್ಸ್​​ ಅಗತ್ಯವಿದೆ ಎಂದು ಬಿಜೆಪಿ ಸಂಸದೆ ಇನ್​ಸ್ಟಾದಲ್ಲಿ ಕಿಡಿಕಾರಿದ್ದಾರೆ.

ಸಂಸತ್​ ಆವರಣದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಕಂಗನಾ ಅವರು, ವಿರೋಧ ಪಕ್ಷಗಳಿಗೆ ಸದ್ಯ  ಅಧಿಕಾರ ಬೇಕು. ಅವರಿಗೆ ಕುರ್ಚಿ ಸಿಗೋವರೆಗೂ ಕಲಾಪ ಸುಗಮವಾಗಿ ಸಾಗಲು ಬಿಡೋದಿಲ್ಲ. ಶಿಕ್ಷಣ ಸುಧಾರಣ ಮಸೂದೆ ಮಂಡನೆ ಮಾಡಲು ವಿಪಕ್ಷ ವಿರೋಧಿಸಿದೆ. ದೇಶದ ಜನರು ಅವರ ಈ ನಿಲುವನ್ನು ಗಮನಿಸಬೇಕು ಎಂದು ಹೇಳಿದರು.