Mumbai ಫೈವ್​ ಸ್ಟಾರ್ ಹೋಟೆಲ್​ಗೆ ಕರೆಯದಿದ್ರು ಊಟಕ್ಕೆ ಬಂತು; ಟೇಬಲ್ ಮೇಲೆ ಜಿರಳೆ ಮರಿ ಓಡಾಟ, ವೈದ್ಯನ ಟ್ವೀಟ್ ವೈರಲ್!

ಮುಂಬೈನ ಎಫ್​ಡಿಎ ಅಧಿಕಾರಿ ತುಕರಾಮ್​ ಮುಂಢೆ ಅವರು ಆಹಾರ ಮಳಿಗೆ, ಔಷಧ ದಂಧೆ, ಹಾಲಿನ ದಂಧೆ ಹಾಗೂ ಹೋಟೆಲ್​ಗಳ ಮೇಲೆ ದಿಢೀರ್​ ದಾಳಿಮಾಡಿ ಹಲವು ಪ್ರಕರಣವನ್ನು ಬಯಲಿಗೆ ಎಳೆದಿದ್ದರು. ಇಷ್ಟಾದರೂ ಸಹ ಪಂಚತಾರ ಹೋಟೆಲ್​ಗಳಲ್ಲಿ ಸ್ವಚ್ಛತೆ ಕಾಣಿಸದ ಬಗ್ಗೆ ವೈದ್ಯರು ಉಲ್ಲೇಖಿಸಿದ್ದಾರೆ. ಅಲ್ಲದೇ, ಈ ಪೋಸ್ಟ್‌ನಲ್ಲಿ ಮುಂಢೆ, ಎಫ್‌ಎಸ್‌ಎಸ್‌ಎಐ (FSSAI) ಹಾಗೂ ಜೆಡಬ್ಲ್ಯೂ ಮೇರಿಯಟ್ ಹೋಟೆಲ್ ಅನ್ನು ಟ್ಯಾಗ್ ಮಾಡಿದ್ದಾರೆ.

ವೈದ್ಯ ಅಶೋಕ್​ ಸೇಠ್​ ಅವರು ಮುಂಬೈನ ಜೆಡಬ್ಲ್ಯೂ ಮೇರಿಯಟ್ ಹೋಟೆಲ್​ಗೆ ಊಟಕ್ಕೆ ತೆರಳಿದ್ದರು. ಅವರ ಮೇಜಿನ ಮೇಲೆ ಜಿರಳೆ ಕಾಣಿಸಿಕೊಂಡಿದೆ. ಅದು ಮನುಬುಕ್​, ಪ್ಲೇಟ್​, ಗ್ಲಾಸ್ ಸೇರಿದಂತೆ ಇಡೀ ಮೇಜಿನಸುತ್ತು ಸುತ್ತ ಓಡಾಡುತ್ತಿರುವುದನ್ನು ಗಮನಿಸಿದರು.

ನಮ್ಮ ರಾತ್ರಿ ಊಟವನ್ನು ಹಂಚಿಕೊಳ್ಳಲು ಅತಿಥಿಯಾಗಿ 'ರೋಚಿ' ಎಂಬ ಹೆಸರಿನ ಪುಟ್ಟ ಜಿರಳೆ ನಮ್ಮ ಮೇಜಿನ ಬಳಿಗೆ ಅನಿರೀಕ್ಷಿತವಾಗಿ ಬಂದಿತ್ತು. ನಾವು ಎಷ್ಟೇ ಬಲವಂತವಾಗಿ ಬೇಡ ಎಂದರೂ ಆ ಜಿರಳೆ ಅಲ್ಲಿಂದ ಹೋಗಲು ಒಪ್ಪಲಿಲ್ಲ. ಬಹುಶಃ ಅದಕ್ಕೆ ಪಾಸ್ತಾ ಬದಲು ಪಿಜ್ಜಾ ಬೇಕಿತ್ತೇನೋ" ಎಂದು ಡಾ. ಸೇಠ್ ಸಾಮಾಜಿಕ ಜಾಲತಾಣದಲ್ಲಿ ಹಾಸ್ಯಮಯವಾಗಿ ಬರೆದುಕೊಂಡಿದ್ದಾರೆ. ಸದ್ಯ ನಾವು ಐಎಸ್​ ಅಧಿಕಾರಿ ತುಕರಾಂ ಮುಂಢೆ ಅವರ ಆಡಳಿತದ ವ್ಯಾಪ್ತಿಯಲ್ಲಿದ್ದೇವೆ. ಈ ಬಗ್ಗೆ ಗಮನ ಹರಿಸುತ್ತಾರೆ ಎನ್ನುವ ನಂಬಿಕೆ ಇದೆ ಎಂದಿದ್ದಾರೆ.

ಅಶೋಕ್​ ಅವರೇ ನಮಗೆ ತಿಳಿಸಿದ್ದಕ್ಕೆ ಧನ್ಯವಾದ. ನಾವು ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸುತ್ತೇವೆ. ಪರಿಶೀಲನೆ ನಡೆಸುತ್ತೇವೆ. ದಯವಿಟ್ಟು ನಿಮ್ಮ ಮೊದಲ ಹೆಸರು, ನಿಮ್ಮ ಮೊಬೈಲ್​ ಸಂಖ್ಯೆಯನ್ನು ನಮಗೆ DM ಮಾಡಬಹುದೇ? ಎಂದು ಕಾಮೆಂಟ್ ಮಾಡಿದ್ದಾರೆ.