ಟಿವಿಕೆ ಸದಸ್ಯನ ಅರೆಸ್ಟ್ ಕೇಸ್: 'ಅಧಿಕಾರ ಎಲ್ಲಿದೆಯೋ ಅಲ್ಲಿಗೆ ಲೈಂಗಿಕ ಅಪರಾಧಿಗಳು ಲಗ್ಗೆ ಇಡುತ್ತಾರೆ' ಎಂದು Chinmayi Sripada ಕಿಡಿ

ವಿಜಯ್ ಅವರ ಟಿವಿಕೆಯ ಕಾರ್ಯಕರ್ತನೊಬ್ಬ ಅಪ್ರಾಪ್ತ ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಆರೋಪದ ಮೇಲೆ ಬಂಧನಕ್ಕೊಳಗಾಗಿದ್ದಾರೆ. ಈ ಬೆಳವಣಿಗೆಯ ನಂತರ, ಮಹಿಳಾ ಸುರಕ್ಷತೆ ಮತ್ತು ನೈತಿಕತೆಯ ಬಗ್ಗೆ ಪಕ್ಷವು ಹೊಂದಿರುವ ನಿಲುವನ್ನು ಚಿನ್ಮಯಿ ಶ್ರೀಪಾದ ಸೋಶಿಯಲ್​ ಮೀಡಿಯಾದಲ್ಲಿ ಪ್ರಶ್ನೆ ಮಾಡಿದ್ದಾರೆ.

ಚಿನ್ಮಯಿ ಶ್ರೀ ಪಾದ ಅವರು ಮಹಿಳೆಯರ ಪರ ಪ್ರತಿ ಬಾರಿ ದನಿ ಎತ್ತಿತ್ತಾರೆ. 2018 ರಲ್ಲಿ ತಮಿಳು ಚಿತ್ರರಂಗದ ಪ್ರಮುಖ ಗೀತರಚನೆಕಾರ ವೈರಮುತ್ತು ಅವರ ವಿರುದ್ಧ ಲೈಂಗಿಕ ಕಿರುಕುಳದ ಗಂಭೀರ ಆರೋಪಿಸಿ ಪ್ರತಿಭಟಿಸಿದ್ದರು.

2005ರಲ್ಲಿ ಸ್ವಿಟ್ಜರ್ಲೆಂಡ್‌ನಲ್ಲಿ ನಡೆದ ಸಂಗೀತ ಕಾರ್ಯಕ್ರಮದಲ್ಲಿ ವೈರ ಮುತ್ತು ಅವರು ಕಿರುಕುಳ ನೀಡಿದ್ದರು ಎಂದು ಚಿನ್ಮಯಿ ಬಹಿರಂಗಪಡಿಸಿದರು. ನಟ ರಾಧಾ ರವಿ ವಿರುದ್ಧ ಲೈಂಗಿಕ ಕಿರುಕುಳ ಆರೋಪ ವಹಿಸಿದ್ದರು. ಈ ಘಟನೆಯ ನಂತರ ಅವರನ್ನು ತಮಿಳು ಚಲನಚಿತ್ರ ಡಬ್ಬಿಂಗ್ ಆರ್ಟಿಸ್ಟ್ ಯೂನಿಯನ್‌ನಿಂದ ವಜಾ ಮಾಡಲಾಯಿತು.

ಲೈಂಗಿಕ ಅಪರಾಧಿಗಳು ತಾವು ಮಾಡಿದ ಲೈಂಗಿಕ ದೌರ್ಜನ್ಯಗಳಿಂದ ತಪ್ಪಿಸಿಕೊಳ್ಳಲು ಎಲ್ಲಿ ಅಧಿಕಾರದ ವಾಸನೆ ಬರುತ್ತದೆಯೋ ಅಲ್ಲಿಗೆ ಹೋಗಿ ಸೇರಿಕೊಳ್ಳುತ್ತಾರೆ. ಒಬ್ಬ ವ್ಯಕ್ತಿ TVK ಯಲ್ಲಿ ಅಪ್ರಾಪ್ತ ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ. ಆ ಪಕ್ಷವು ಸರಿಯಾದ ಹಿನ್ನೆಲೆ ಪರಿಶೀಲನೆಯನ್ನು ಮಾಡಬೇಕಿತ್ತು. ಬದಲಾವಣೆಯ ಭರವಸೆ ನೀಡಿ ಇಂತಹ ತಪ್ಪುಗಳನ್ನು ಮಾಡಿದರೆ ಹೇಗೆ. ಇನ್ನು ಮಕ್ಕಳು ಮತ್ತು ಮಹಿಳೆಯರಿಗೆ ಯಾವುದೇ ಭರವಸೆ ಉಳಿಯುವುದಿಲ್ಲ. ಎಲ್ಲರೂ ಒಂದೇ ಎಂದು ಪದೇ ಪದೇ ಹೇಳಲು ಯಾರಿಗೂ ನಿಜವಾಗಿಯೂ ಇಷ್ಟವಿಲ್ಲ ಎಂದು ಚಿನ್ಮಯಿ ಟ್ವೀಟ್ ಮಾಡಿದ್ದಾರೆ.

ಹೊಸ ಪಕ್ಷವೊಂದು ಹಳೆಯ ರಾಜಕೀಯ ಪಕ್ಷಗಳ ಕೆಟ್ಟ ಆಚರಣೆಗಳನ್ನೇ ಮುಂದುವರಿಸುತ್ತಿದೆಯೇ?" ಅಲ್ಲದೆ, ಇಂತಹ ಘಟನೆಗಳು ನಡೆದಾಗ ಪಕ್ಷವು ಕೇವಲ ಔಪಚಾರಿಕ ಶಿಸ್ತು ಕ್ರಮ ಕೈಗೊಳ್ಳುವ ಬದಲು, ವ್ಯವಸ್ಥಿತವಾಗಿ ಬದಲಾವಣೆ ತರಬೇಕೆಂದು ಅವರು ಒತ್ತಾಯಿಸಿದ್ದಾರೆ, (ಏಜೆನ್ಸೀಸ್).