ಆದಾಗ್ಯೂ, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಆಕ್ರೋಶ ಹೊರಹಾಕಿದ್ದಾರೆ. ಒಬ್ಬ ಬಳಕೆದಾರರು ಎಕ್ಸ್ಪ್ರೆಸ್ವೇಗಳಲ್ಲಿ ವಾಹನಗಳು ಅತಿ ವೇಗದಲ್ಲಿ ಚಲಿಸುತ್ತವೆ ಎಂಬ ಕನಿಷ್ಠ ಜ್ಞಾನವೂ ಇಲ್ಲದೆ ಮಕ್ಕಳನ್ನು ಓಪನ್ ಬೂಟ್ನಲ್ಲಿ ಕೂರಿಸಿದ್ದು ಆಶ್ಚರ್ಯ ಮೂಡಿಸಿದೆ ಎಂದು ಕಾಮೆಂಟ್ ಮಾಡಿದ್ದರೆ. ಇನ್ನೊಬ್ಬ ಬಳಕೆದಾರರು ಕಾರಿನಿಂದ ಮಕ್ಕಳು ಆಕಸ್ಮಿಕವಾಗಿ ಕೆಳಗೆ ಬಿದ್ದರೆ, ಹಿಂದಿನಿಂದ ಬರುವ ವಾಹನ ಸವಾರರು ಆ ಮಗುವನ್ನು ಉಳಿಸಲು ಹಠಾತ್ ಬ್ರೇಕ್ ಹಾಕಬೇಕಾಗುತ್ತದೆ. ಇದು ಸರಣಿ ಅಪಘಾತಗಳಿಗೆ ಕಾರಣವಾಗಿ, ಆ ತಪ್ಪಿನಲ್ಲಿ ಭಾಗಿಯಾಗದ ಇತರರಿಗೂ ಪ್ರಾಣಾಪಾಯ ಉಂಟುಮಾಡಬಹುದು ಎಂದು ಬರೆದಿದ್ದಾರೆ.
