ಯುದ್ಧದ ನಡುವೆ ಚಿನ್ನ-ಬೆಳ್ಳಿ ಬೆಲೆಯಲ್ಲಿ ಭಾರೀ ಕುಸಿತ! ಇಲ್ಲಿದೆ ನೋಡಿ ಇಂದಿನ ದರ | Gold Price

Gold Price: ಪ್ರಸ್ತುತ, ಇರಾನ್​-ಇಸ್ರೇಲ್ ನಡುವೆಯುತ್ತಿರುವ ಭೀಕರ ಯುದ್ಧ ದಾಳಿಯಿಂದ ಇಡೀ ಜಗತ್ತೇ ಅಲ್ಲೋಲ-ಕಲ್ಲೋಲ ಎನ್ನುವಂತಾಗಿದೆ. ತೈಲ, ಅನಿಲ ಸೇರಿದಂತೆ ಅಗತ್ಯ ವಸ್ತುಗಳ ಪೂರೈಕೆ ಅಲಭ್ಯವಾಗಿದ್ದರೆ, ಮತ್ತೊಂದೆಡೆ ಚಿನ್ನ-ಬೆಳ್ಳಿ ಬೆಲೆಗಳು ಕುಸಿತದ ಹಾದಿಯಲ್ಲಿ ಸಾಗಿರುವುದು ಗಮನಾರ್ಹ. ಇಂದು ಗೋಲ್ಡ್ ಮತ್ತು ಸಿಲ್ವರ್​ ದರಗಳಲ್ಲಿ ಭಾರೀ ಇಳಿಕೆಯಾಗಿರುವುದು ಸದ್ಯ ಖರೀದಿದಾರರ ಮುಖದಲ್ಲಿ ಕೊಂಚ ಮಂದಹಾಸ ತಂದಿದೆ ಎಂದೇ ಹೇಳಬಹುದು.

ಗುರುವಾರ (ಮಾ.12) 24 ಕ್ಯಾರಟ್​ 10 ಗ್ರಾಂ ಚಿನ್ನದ ಬೆಲೆ 1,090 ರೂ. ಇಳಿಕೆಯಾಗಿದೆ. ಇನ್ನು ಬೆಳ್ಳಿ ಪ್ರತಿ ಕೆಜಿಗೆ 10,000 ರೂ.ಗಳಷ್ಟು ಕಡಿಮೆಯಾಗಿದೆ. ಬುಲಿಯನ್ ಮಾರುಕಟ್ಟೆಯಲ್ಲಿ, 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ ಇಂದು 1,62,220 ರೂ. ಆಗಿದೆ. ಅದೇ 22 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 1,000 ರೂ.ಗೆ ಕುಸಿದು, 1,48,700 ರೂ. ಆಗಿದೆ. ಇನ್ನು 18 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 810 ರೂ. ಕಡಿಮೆಯಾಗಿದ್ದು, 1,21,670 ರೂ.ನಲ್ಲಿ ವಹಿವಾಟು ನಡೆಸುತ್ತಿದೆ.

ಬೆಳ್ಳಿ ಬೆಲೆಯಲ್ಲಿ ಆಗಿರುವ ಕುಸಿತ ನೋಡಿದರೆ ಖಂಡಿತ ಇದು ಖರೀದಿದಾರರಿಗೆ ದೊಡ್ಡ ರಿಲೀಫ್​ ಎಂದೇ ಹೇಳಬಹುದು. ಇಂದು ಪ್ರತಿ ಕೆಜಿ ಬೆಳ್ಳಿಗೆ 10,000 ರೂ. ಇಳಿಕೆಯಾಗಿದ್ದು, ಬುಲಿಯನ್ ಮಾರುಕಟ್ಟೆಯಲ್ಲಿ, ಒಂದು ಕೆಜಿ ಬೆಳ್ಳಿ 2,80,000 ರೂ.ನಲ್ಲಿ ಮಾರಾಟವಾಗುತ್ತಿದೆ. ಬೆಂಗಳೂರು, ದೆಹಲಿ, ಮುಂಬೈ ಮತ್ತು ಕೋಲ್ಕತ್ತಾದಲ್ಲಿ ಒಂದು ಕೆಜಿ ಬೆಳ್ಳಿ 2,80,000 ರೂ. ಆಗಿದ್ದರೆ, ಹೈದರಾಬಾದ್ ಮತ್ತು ಚೆನ್ನೈನಲ್ಲಿ 2,90,000 ರೂ.ಗೆ ಮಾರಾಟವಾಗುತ್ತಿದೆ.

ಗಮನಿಸಿ: ಮೇಲೆ ತಿಳಿಸಲಾದ ದರಗಳು ಬೆಳಗಿನ ಮಾರುಕಟ್ಟೆಯ ವಿವರ ಆಧರಿಸಿ. ಈ ದರಗಳು ಮಧ್ಯಾಹ್ನದ ನಂತರ ಸಾಕಷ್ಟು ಬದಲಾವಣೆಗೆ ಒಳಪಟ್ಟಿರುತ್ತವೆ