ಟೊರೊಂಟೊದ ರಸ್ತೆಯಲ್ಲಿ ಭಾರತೀಯರ ಡ್ಯಾನ್ಸ್; 'ಕೆನಡಾ ಭಾರತದ ವಸಾಹತುವಿನಂತಾಗಿದೆ' ಎಂದ ಕೆನಡಿಯನ್ನರು..Canada

ಟೊರೊಂಟೊದ ಜನನಿಬಿಡ ರಸ್ತೆಯಲ್ಲಿ ಭಾರತೀಯ ಯುವ ಜನತೆ ಭಾರತದ ಶೈಲಿಯಲ್ಲಿ ನೃತ್ಯ ಮಾಡಿ, ಹುಚ್ಚೆದ್ದು ಕುಣಿದು ಕುಪ್ಪಳಿಸಿದ್ದಾರೆ. ಈ ವಿಡಿಯೋ ಆನ್​ಲೈನ್​ನಲ್ಲಿ ಜಾಗತಿಕ ಚರ್ಚೆಯನ್ನು ಹುಟ್ಟುಹಾಕಿದೆ. ಇವು ಭಾರತೀಯರಿಗೆ ಸಂತೋಷ ಹಾಗೂ ಕಣ್ಣಿಗೆ ಸಂಭ್ರಮವನನ್ನು ತಂದುಕೊಟ್ಟಿದೆಯಾದರೂ, ಕೆನಡಾದ ಸ್ಥಳೀಯರು ಈ ಬಗ್ಗೆ ಕೆಂಡಕಾರಿದ್ದಾರೆ. ವಿರೋಧ ವ್ಯಕ್ತಪಡಿಸಿ ಪೋಸ್ಟ್​ ಹಂಚಿಕೊಳ್ಳುತ್ತಿದ್ದಾರೆ. 

"ಕೆನಡಾ ಭಾರತೀಯ ವಸಾಹತುವಾಗಿ ಮಾರ್ಪಟ್ಟಿದೆ. ಕೆನಡಿಯನ್ನರು ಈಗ ಟೊರೊಂಟೊದಲ್ಲಿ ಅಲ್ಪಸಂಖ್ಯಾತರಾಗಿದ್ದಾರೆ ಮತ್ತು ವಲಸಿಗರ ಸಂಖ್ಯೆ ಈ ಹಿಂದೆಯಿದ್ದ ಪ್ರಮಾಣಕ್ಕಿಂತ ಹೆಚ್ಚಾಗಿದೆ. ಹೀಗಾಗಲೂ ನಾವು ಬಿಡಬಾರದು. ಎದ್ದೇಳಿ, ಈಗಲಾದರೂ ಎಚ್ಚೆತ್ತುಕೊಳ್ಳಿ ಎಂದು @RomaniaMare1918 ಪೋಸ್ಟ್​ ಮಾಡಿದ್ದಾರೆ.

ಇದು ಕೆನಡವೋ ಅಥವಾ ಭಾರತನ ಎಂದು ತಿಳಿಯುತ್ತಿಲ್ಲ ಎಂದು ಒಬ್ಬರು ಹೇಳಿದರೆ, ಮತ್ತೊಬ್ಬ ಎಕ್ಸ್​ ಬಳಕೆದಾರರು ಕೆನಡಾ ತನ್ನ ಸಂಸ್ಕೃತಿಯನ್ನು ಕಳೆದುಕೊಳ್ಳುತ್ತಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ವಲಸಿಗರು ಇಲ್ಲಿನ ಸಂಸ್ಕೃತಿಯನ್ನು ಪಾಲನೆ ಮಾಡಬೇಕು ಎಂದಿದ್ದಾರೆ. 

ಆಶಿಸ್​​ ಬಸು ಎನ್ನುವವರು ಟ್ವೀಟ್ ಮಾಡಿ ಇದು ಭಾರತೀಯ ಸಂಸ್ಕೃತಿಯೂ ಅಲ್ಲ, ಕಲೆಯೂ ಅಲ್ಲ. ಇದು ಅಗ್ಗದ ಬಾಲಿವುಡ್ ರೀಲ್‌ನ ಅಸಹ್ಯಕರ ಪ್ರದರ್ಶನ. ಕೆನಡಾಕ್ಕೆ ಬಂದು ನೋಡಿ ಎಂದು ಸಿಡಿದೆದ್ದಿದ್ದಾರೆ.

ಇತ್ತೀಚಿನ ದಿನದಲ್ಲಿ ಕೆನಾಡಕ್ಕೆ ಉದ್ಯೋಗಕ್ಕಾಗಿಮ ಅತ್ಯುನ್ನತ ಶಿಕ್ಷಣಕ್ಕಾಗಿ ಕೆನಾಡಕ್ಕೆ ವಲಸೆ ಹೋಗುವ ಯುವಜನರ ಸಂಖ್ಯೆ ಹೆಚ್ಚಾಗಿದೆ. ಸೋಶಿಯಲ್​ ಮೀಡಿಯಾದಲ್ಲಿ ಕೆನಡಾದ ವಲಸೆ ನೀತಿ ಹಾಗೂ ಸ್ಥಳೀಯ ಸಂಪನ್ಮೂಲ ಮತ್ತು ಸಂಸ್ಕೃತಿಗೆ ಧಕ್ಕೆಯಾಗುತ್ತಿರುವ ಬಗ್ಗೆ ಚರ್ಚೆ ಜೋರಾಗಿದೆ, (ಏಜೆನ್ಸೀಸ್).