ಬೂಮ್ರ ,ಬಿಷ್ಣೋಯಿ ಮಾರಕ ಬೌಲಿಂಗ್​ ದಾಳಿ​: ಸ್ಪರ್ಧಾತ್ಮಕ ಮೊತ್ತ ಕಲೆಕಾಕಿದ ಕಿವೀಸ್​ | INDvsNZ

ಪಂದ್ಯದ ಮೊದಲ ಓವರ್‌ನಲ್ಲೇ ಯುವ ಪ್ರತಿಭೆ ಹರ್ಷಿತ್ ರಾಣಾ ಅಪಾಯಕಾರಿ ಬ್ಯಾಟರ್ ಡೆವೊನ್ ಕಾನ್ವೆಯನ್ನು ಪೆವಿಲಿಯನ್‌ಗೆ ಅಟ್ಟುವ ಮೂಲಕ ಶುಭಾರಂಭ ಮಾಡಿದರು. ಇದರ ಬೆನ್ನಲ್ಲೇ ರಚಿನ್ ರವೀಂದ್ರ ಒಂದು ಬೌಂಡರಿ ಬಾರಿಸಿ ಅಬ್ಬರಿಸುವ ಮುನ್ಸೂಚನೆ ನೀಡಿದರಾದರೂ, ಮರು ಎಸೆತದಲ್ಲೇ ಹಾರ್ದಿಕ್ ಪಾಂಡ್ಯ ಅವರಿಗೆ ವಿಕೆಟ್ ಒಪ್ಪಿಸಿದರು. ನಂತರ ಬಂದ ಟಿಮ್ ಸೀಫರ್ಟ್ ಅವರನ್ನು ಜಸ್ಪ್ರೀತ್ ಬುಮ್ರಾ ಕ್ಲೀನ್ ಬೌಲ್ಡ್ ಮಾಡುವ ಮೂಲಕ ಪವರ್‌ಪ್ಲೇ ಅವಧಿಯಲ್ಲೇ ನ್ಯೂಜಿಲೆಂಡ್ ಅನ್ನು 36/3 ರನ್‌ಗಳಿಗೆ ಕಟ್ಟಿಹಾಕಿದರು.

ಮಧ್ಯಮ ಓವರ್‌ಗಳಲ್ಲಿ ಗ್ಲೆನ್ ಫಿಲಿಪ್ಸ್ ಮತ್ತು ಮಾರ್ಕ್ ಚಾಪ್ಮನ್ ಅರ್ಧಶತಕದ ಜೊತೆಯಾಟವಾಡುವ ಮೂಲಕ ತಂಡಕ್ಕೆ ಚೇತರಿಕೆ ನೀಡಲು ಪ್ರಯತ್ನಿಸಿದರು. ಕೆಲವು ದೊಡ್ಡ ಓವರ್‌ಗಳನ್ನು ಪಡೆದ ಕಿವೀಸ್ ಪಡೆಗೆ ನಾಯಕ ಸೂರ್ಯಕುಮಾರ್ ಯಾದವ್ ಅಚ್ಚರಿಯ ಆಯ್ಕೆಯಾಗಿ ರವಿ ಬಿಷ್ಣೋಯಿ ಅವರನ್ನು ದಾಳಿಗಿಳಿಸಿದರು. ಬಿಷ್ಣೋಯ್ ತಮ್ಮ ಮಾಂತ್ರಿಕ ಗೂಗ್ಲಿ ಮೂಲಕ ಸೆಟ್ ಆಗಿದ್ದ ಇಬ್ಬರೂ ಬ್ಯಾಟರ್‌ಗಳನ್ನು (ಫಿಲಿಪ್ಸ್ ಮತ್ತು ಚಾಪ್ಮನ್) ಒಂದೇ ಓವರ್‌ನಲ್ಲಿ ಔಟ್ ಮಾಡಿ ಪಂದ್ಯದ ಚಿತ್ರಣವನ್ನೇ ಬದಲಿಸಿದರು. ಬಿಷ್ಣೋಯ್ ಕೇವಲ 18 ರನ್ ನೀಡಿ 2 ಪ್ರಮುಖ ವಿಕೆಟ್ ಪಡೆಯುವ ಮೂಲಕ ಅಮೋಘ ಪ್ರದರ್ಶನ ನೀಡಿದರು.

ನ್ಯೂಜಿಲೆಂಡ್‌ನ ಭರವಸೆಯ ಆಟಗಾರ ಡೆರಿಲ್ ಮಿಚೆಲ್ ಇಂದು ರನ್ ಗಳಿಸಲು ಪರದಾಡಿದರು. ಭಾರತೀಯ ವೇಗಿಗಳ ಶಿಸ್ತುಬದ್ಧ ದಾಳಿಗೆ ಮಣಿದ ಮಿಚೆಲ್ ದೊಡ್ಡ ಹೊಡೆತಗಳನ್ನು ಬಾರಿಸಲು ವಿಫಲರಾದರು. ಅಂತಿಮವಾಗಿ ಕಿವೀಸ್ ಪಡೆ ಸಾಧಾರಣ ಮೊತ್ತಕ್ಕೆ ತೃಪ್ತಿಪಡಬೇಕಾಯಿತು,(ಏಜೆನ್ಸೀಸ್).