ಡಿಎಂಕೆಯ ಟಿ.ಕೆ.ಎಸ್. ಇಳಂಗೋವನ್ ಮಾತನಾಡಿದ್ದು, ಪರಾರಿಯಾದ ಕೈದಿಗಳು ವಿಜಯ್ ಅವರ ಅಭಿಮಾನಿಗಳೇ ಅಥವಾ ಟಿವಿಕೆಗೆ ಸೇರಿದವರೇ ಎಂಬುದನ್ನು ನಾವು ಪರಿಶೀಲಿಸಬೇಕು ಎಂದರು. ಇನ್ನು ಎಐಎಡಿಎಂಕೆ ಮುಖ್ಯಸ್ಥ ಎಡಪ್ಪಾಡಿ ಕೆ. ಪಳನಿಮಸ್ವಾಮಿ ಸಹ ಸರ್ಕಾರದ ಆಡಳಿತ ವೈಫಲ್ಯದ ಬಗ್ಗೆ ಕಿಡಿಕಾರಿದ್ದಾರೆ. "ಕೈದಿಗಳು ಪೊಲೀಸ್ ಸಿಬ್ಬಂದಿಯ ಮೇಲೆ ದಾಳಿ ಮಾಡಿ ಜೈಲಿನಿಂದ ಪರಾರಿಯಾಗಲು ಸಾಧ್ಯವಾದರೆ, ಸಾಮಾನ್ಯ ಜನರು ಬೀದಿಗಳಲ್ಲಿ ಯಾವ ಭದ್ರತೆಯನ್ನು ನಿರೀಕ್ಷಿಸಬಹುದು ಎನ್ನುವ ಪ್ರಶ್ನೆಯನ್ನು ಟಿವಿಕೆ ಸರ್ಕಾರದ ಮುಂದಿಟ್ಟಿದ್ದಾರೆ.
ಏನಾಗಿತ್ತು?
ಸೋಮವಾರ ರಾತ್ರಿ..ತೆಕ್ಕಂಪಟ್ಟಿ ಉಪಕಾರಾಗೃಹದಿಂದ ಕೈದಿಯೊಬ್ಬನಿಗೆ ಫಿಟ್ಸ್ ಬಂದಿದೆ ಎನ್ನುವಂತೆ ನಟಿಸುವ ಮೂಲಕ ಜೈಲಿನಿಂದ ಪರಾರಿಯಾಗಲು ಪ್ಲ್ಯಾನ್ ಮಾಡಲಾಗಿತ್ತು. ಅದರಂತೆ ಒಂದೇ ಕೋಣೆಯಲ್ಲಿದ್ದ ಕೈದಿಗಳು ತಮ್ಮ ಜೊತೆಗಿದ್ದ ಒಬ್ಬನಿಗೆ ತೀವ್ರ ಆರೋಗ್ಯ ಸರಯಿಲ್ಲ ಚಿಕಿತ್ಸೆ ಬೇಕು ಎಂದು ಕರ್ತವ್ಯದಲ್ಲಿದ್ದ ವಾರ್ಡನ್ಗೆ ತಿಳಿಸಿದ್ದಾರೆ. ಈ ಬಗ್ಗೆ ಮಾಹಿತಿ ಪಡೆದು,..ಕೋಣೆಯತ್ತ ಬಂದ ಸಿಬ್ಬಂದಿ ಬೀಗ ತೆರೆದು ಒಳ ಹೊಕ್ಕಾಗ ಅವರ ಮೇಲೆ ದಾಳಿ ನಡೆಸಿದ್ದಾರೆ. ಈ ಭದ್ರತಾ ಸಿಬ್ಬಂದಿ ಮತ್ತು ಮೂವರು ಅಧಿಕಾರಿಗಳ ಮೇಲೂ ದಾಳಿ ನಡೆಸಿ ಅಲ್ಲಿಂದ ಕಾಲ್ಕಿತ್ತಿದ್ದಾರೆ ಎನ್ನಲಾಗಿದೆ. ಚೆನ್ನೈನ ಹೊರವಲಯದಲ್ಲಿರುವ ಪುಝಲ್ ಜೈಲಿನಿಂದ ಇಬ್ಬರು ಕೈದಿಗಳು ಪರಾರಿಯಾದ ಕೇವಲ ಕೆಲವೇ ದಿನಗಳ ನಂತರ ಈ ಘಟನೆ ಸಂಭವಿಸಿದೆ.
ಸದ್ಯ ಘಟನೆಯಿಂದ ಒಟ್ಟು ಮೂವರು ಸಿಬ್ಬಂದಿ ಗಾಯಗೊಂಡಿದ್ದಾರೆ. ಪೊಲೀಸ್ ಕಾನ್ಸ್ಟೇಬಲ್ ತಲೆಗೆ ಗಂಭೀರ ಗಾಯವಾಗಿದ್ದು ಅವರನ್ನು ಜಿ ವಿಲಕ್ಕು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಬಗ್ಗೆ ಮಾಹಿತಿ ಸಿಕ್ಕುತ್ತಲೇ ಪೊಲೀಸ್ ಇಲಾಖೆಯು ಪರಾರಿಯಾದ ವಿಚಾರಣಾಧೀನ ಕೈದಿಗಳನ್ನು ಪತ್ತೆ ಹಚ್ಚಲು 17 ವಿಶೇಷ ತಂಡವನ್ನು ರಚಿಸಿದೆ. ಈ ಬಗ್ಗೆ ಪೊಲೀಸ್ ಮಹಾನಿರೀಕ್ಷಕರಾದ ವಿಜಯೇಂದ್ರ ಬಿದರಿ ಮಾಹಿತಿ ಹಂಚಿಕೊಂಡಿದ್ದಾರೆ.
ಸದ್ಯ ಪರಾರಿಯಾದ 17 ಜನರ ಪೈಕಿ ನಾಲ್ವರನ್ನು ಪೊಲೀಸರು ಬಂಧಿಸಿದ್ದು, ಉಳಿದವರಿಗಾಗಿ ಶೋಧ ಕಾರ್ಯ ಮುಂದುವರೆದಿದೆ, (ಏಜೆನ್ಸೀಸ್).
