ಸೈಬರ್ ವಂಚನೆಗೆ ಬ್ರೇಕ್: ಆರ್ಥಿಕ ನಷ್ಟ ತಡೆಯಲು ಈ 5 ಸರಳ ನಿಯಮಗಳನ್ನು ಪಾಲಿಸಿ! | Break Cyber ​​Fraud

ನಿಮಗೆ ಬರುವ ಎಸ್‌ಎಂಎಸ್ (SMS), ವಾಟ್ಸಾಪ್ ಅಥವಾ ಇಮೇಲ್‌ಗಳಲ್ಲಿರುವ ಅನುಮಾನಾಸ್ಪದ ಲಿಂಕ್‌ಗಳನ್ನು ಎಂದಿಗೂ ಕ್ಲಿಕ್ ಮಾಡಬೇಡಿ. "ನಿಮ್ಮ ಕೆವೈಸಿ (KYC) ಅಪ್‌ಡೇಟ್ ಆಗಿಲ್ಲ", "ಲಕ್ಕಿ ಡ್ರಾದಲ್ಲಿ ಹಣ ಗೆದ್ದಿದ್ದೀರಿ" ಅಥವಾ "ಉಚಿತ ಗಿಫ್ಟ್ ಕಾರ್ಡ್" ಎಂಬಂತಹ ಆಮಿಷದ ಸಂದೇಶಗಳು ವಂಚಕರ ಜಾಲವಾಗಿರುತ್ತದೆ. ಅಧಿಕೃತ ವೆಬ್‌ಸೈಟ್‌ಗಳನ್ನು ಮಾತ್ರ ಬಳಸಿ.

ಬ್ಯಾಂಕ್ ಅಧಿಕಾರಿಗಳು ಎಂದು ಹೇಳಿಕೊಂಡು ಯಾರೇ ಕರೆ ಮಾಡಿದರೂ ನಿಮ್ಮ ಒಟಿಪಿ (OTP), ಎಟಿಎಂ ಪಿನ್ ಅಥವಾ ಪಾಸ್‌ವರ್ಡ್‌ಗಳನ್ನು ಕೇಳುವುದಿಲ್ಲ. ಇವು ಅತ್ಯಂತ ಗೌಪ್ಯ ಮಾಹಿತಿ. ಯಾವುದೇ ಸಂದರ್ಭದಲ್ಲೂ ಈ ವಿವರಗಳನ್ನು ದೂರವಾಣಿ ಕರೆ ಅಥವಾ ಸಂದೇಶಗಳ ಮೂಲಕ ಯಾರಿಗೂ ನೀಡಬೇಡಿ.

'AnyDesk' ಅಥವಾ 'TeamViewer' ನಂತಹ ಸ್ಕ್ರೀನ್ ಶೇರಿಂಗ್ ಆ್ಯಪ್‌ಗಳನ್ನು ಡೌನ್‌ಲೋಡ್ ಮಾಡಲು ವಂಚಕರು ಒತ್ತಾಯಿಸಬಹುದು. ಇವುಗಳನ್ನು ಬಳಸಿಕೊಂಡು ಅವರು ನಿಮ್ಮ ಮೊಬೈಲ್ ಅನ್ನು ತಮ್ಮ ನಿಯಂತ್ರಣಕ್ಕೆ ಪಡೆದು ಹಣ ಲೂಟಿ ಮಾಡುತ್ತಾರೆ. ಗೂಗಲ್ ಪ್ಲೇ ಸ್ಟೋರ್ ಅಥವಾ ಆಪಲ್ ಸ್ಟೋರ್ ಹೊರತುಪಡಿಸಿ ಬೇರೆ ಮೂಲಗಳಿಂದ ಆ್ಯಪ್‌ಗಳನ್ನು ಇನ್‌ಸ್ಟಾಲ್ ಮಾಡಬೇಡಿ.

ಹಣ ಪಡೆಯಲು (Receive Money) ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡುವ ಅವಶ್ಯಕತೆಯಿರುವುದಿಲ್ಲ. ವಂಚಕರು "ಹಣ ಕಳುಹಿಸುತ್ತಿದ್ದೇವೆ" ಎಂದು ಹೇಳಿ ಕ್ಯೂಆರ್ ಕೋಡ್ ಕಳುಹಿಸಿ ಅದನ್ನು ಸ್ಕ್ಯಾನ್ ಮಾಡಲು ಹೇಳುತ್ತಾರೆ. ನೀವು ಸ್ಕ್ಯಾನ್ ಮಾಡಿದ ತಕ್ಷಣ ನಿಮ್ಮ ಖಾತೆಯಿಂದ ಹಣ ಕಡಿತವಾಗುತ್ತದೆ ಎಂಬುದನ್ನು ಮರೆಯದಿರಿ.

ನಿಮ್ಮ ಬ್ಯಾಂಕಿಂಗ್ ಮತ್ತು ಸೋಷಿಯಲ್ ಮೀಡಿಯಾ ಖಾತೆಗಳಿಗೆ ಕಠಿಣವಾದ ಪಾಸ್‌ವರ್ಡ್ ಬಳಸಿ. ಅದಕ್ಕೂ ಮಿಗಿಲಾಗಿ 'ಟೂ-ಫ್ಯಾಕ್ಟರ್ ಅಥೆಂಟಿಕೇಶನ್' (2FA) ಸಕ್ರಿಯಗೊಳಿಸಿ. ಇದರಿಂದ ಯಾರಾದರೂ ನಿಮ್ಮ ಪಾಸ್‌ವರ್ಡ್ ಕದ್ದರೂ, ನಿಮ್ಮ ಅನುಮತಿಯಿಲ್ಲದೆ ಖಾತೆ ತೆರೆಯಲು ಸಾಧ್ಯವಾಗುವುದಿಲ್ಲ,(ಏಜೆನ್ಸೀಸ್​).