ಪೊಲೀಸ್ ವಾಹನದ ಮೇಲೆಯೇ ಬಾಂಬ್ ದಾಳಿ!..ಬೆನ್ನು ತಟ್ಟಿಕೊಳ್ಳುವುದರಲ್ಲಿ ಸಿಎಂ ಬ್ಯುಸಿ ಎಂದು ಪಳನಿಸ್ವಾಮಿ ವಾಗ್ದಾಳಿ | Edappadi K Palaniswami

ತಮ್ಮ ಎಕ್ಸ್​ ಖಾತೆಯಲ್ಲಿ ಪೋಸ್ಟ್​ ಹಂಚಿಕೊಂಡಿರುವ ಪಳನಿಸ್ವಾಮಿ, ರಾಜ್ಯದ ಕಾನೂನು ಮತ್ತು ಸುವ್ಯವಸ್ಥೆಯ ಬಗ್ಗೆ ಮುಖ್ಯಮಂತ್ರಿ ಎಂಕೆ ಸ್ಟಾಲಿನ್ ಸರ್ಕಾರವನ್ನು ಪ್ರಶ್ನಿಸಿದ್ದಾರೆ.

ರಾಜ್ಯದಲ್ಲಿ ಈ ಮಟ್ಟದ ಗಂಭೀರ ಘಟನೆಗಳು ನಡೆಯುತ್ತಿದ್ದರೆ, ಇತ್ತ ಸಿಎಂ ಸ್ಟಾಲಿನ್ ವಿಧಾನಸಭೆಯಲ್ಲಿ ತಮ್ಮ​ ಬೆನ್ನನ್ನು ತಾವೇ ತಟ್ಟಿಕೊಳ್ಳುತ್ತಾ ಹೆಮ್ಮೆಪಡುತ್ತಿದ್ದಾರೆ, ಪೊಲೀಸರು ಮಧುರೈನಿಂದ ವೆಳ್ಳೈ ಕಾಳಿ ಎಂಬ ಅಪರಾಧಿಯನ್ನು ಹಿಡಿದು ವಿಚಾರಣೆಗೆ ಕರೆದೊಯ್ಯುತ್ತಿದ್ದಾಗ ಈ ದಾಳಿ ನಡೆದಿದೆ, ಈ ಘಟನೆಯಲ್ಲಿ ನಾಲ್ವರು ಪೊಲೀಸ್ ಸಿಬ್ಬಂದಿ ಗಾಯಗೊಂಡಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಇಪಿಎಸ್​ ತಿಳಿಸಿದ್ದಾರೆ.

ಇದೇ ಘಟನೆಯ ಕುರಿತಂತೆ ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ನೈನಾರ್ ನಾಗೇಂದ್ರನ್ ಪ್ರತಿಕ್ರಿಯೆ ನೀಡಿದ್ದು, ಡಿಎಂಕೆ ಸರ್ಕಾರ ರಾಜ್ಯದ ಪೊಲೀಸರ ಸುರಕ್ಷತೆಯನ್ನೇ ಲೂಟಿ ಮಾಡಿದೆ, ಸ್ಟಾಲಿನ್​ ಆಳ್ವಿಕೆಯಲ್ಲಿ ಕಾನೂನು ಮತ್ತು ಸುವ್ಯವಸ್ಥೆ ನರಕದ ಆಳಕ್ಕೆ ಕುಸಿದಿದೆ ಎಂದರು.