ಬಾಲ್ಕನಿಯಲ್ಲಿ ಲಾಕ್ ಆಗಿದ್ದ ವ್ಯಕ್ತಿಯನ್ನು ರಕ್ಷಿಸಿದ 'ಬ್ಲಿಂಕಿಟ್' ಡೆಲಿವರಿ ಏಜೆಂಟ್! ವಿಡಿಯೋ ವೈರಲ್​.. Blinkit delivery agent

ಈ ಸಮಯದಲ್ಲಿ ಮನೆಯೊಳಗೆ ಹೋಗಲು ಬೇರೆ ದಾರಿಯಿಲ್ಲದೇ, ಇಬ್ಬರೂ ಅಸಹಾಯಕರಾಗಿ ಬಾಲ್ಕನಿಯಲ್ಲಿ ಸಿಲುಕಿಕೊಂಡಿದ್ದರು. ಈ ವೇಳೆ ಅವರು ಭಯಭೀತರಾಗುವ ಬದಲಿಗೆ ಅನಿರೀಕ್ಷಿತ ಪರಿಹಾರವನ್ನು ಕಂಡುಕೊಂಡರು. ಅದೇನಂತಿರಾ? ಆ ವ್ಯಕ್ತಿ ಬ್ಲಿಂಕಿಟ್‌ನಲ್ಲಿ ಒಂದು ವಸ್ತುವನ್ನು ಆರ್ಡರ್​ ಮಾಡಿ, ನಂತರ ಏಜೆಂಟ್​ನ ಸಹಾಯವನ್ನು ಕೋರಿ ಬಾಗಿಲನ್ನು ತೆರೆಸಿಕೊಂಡಿದ್ದಾರೆ.

ವೈರಲ್ ಆಗಿರುವ ಕ್ಲಿಪ್‌ನಲ್ಲಿ ಇಬ್ಬರು ಯುವಕರು ಬಾಲ್ಕನಿಯಿಂದಲೇ ಡೆಲಿವರಿ ಏಜೆಂಟ್​ಗೆ ಮಾರ್ಗದರ್ಶನವನ್ನು ನೀಡುತ್ತಿರುವುದನ್ನು ಕಾಣಬಹುದಾಗಿದೆ. ಈ ವೇಳೆ ಅವರ ಪೋಷಕರು ಗಾಢ ನಿದ್ರೆಯಲ್ಲಿದ್ದು, ಅವರಿಗೆ ತೊಂದರೆಯಾಗದಂತೆ ಬಾಗಿಲನ್ನು ಹೇಗೆ ತೆರೆಯಬೇಕು. ಹಾಗೆಯೇ ಮನೆಯ ಕೀ ಎಲ್ಲಿ ಇಡಲಾಗಿದೆ ಎಂಬುದನ್ನು ನಿಧಾನವಾಗಿ ವಿವರಿಸುವುದನ್ನು ಈ ವಿಡಿಯೋದಲ್ಲಿ ನೋಡಬಹುದು.

ಈ ಹಾಸ್ಯಮಯ ವಿಡಿಯೋವನ್ನು ಯುವಕರು ಸೆರೆಹಿಡಿದು @mihteeor ಎಂಬ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ಎಲ್ಲಡೆ ವೈರಲ್​ ಆಗುತ್ತಿದ್ದಂತೆಯೇ ಸ್ವತಃ ಬ್ಲಿಂಕಿಟ್ ಸಂಸ್ಥೆ ಪ್ರತಿಕ್ರಿಸಿದ್ದು, ಇದು ಪುಣೆಯಲ್ಲಿ ಮಾತ್ರ ಸಂಭವಿಸಲು ಸಾಧ್ಯ! ಎಂದು ಕಾಮೆಂಟ್ ಮಾಡಿದೆ.

ಈ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಹಲವಾರು ಜನರ ಮೆಚ್ಚುಗೆಯನ್ನು ಗಳಿಸಿದ್ದು ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಒಬ್ಬ ಬಳಕೆದಾರರು ನಾನು ಕೆಲಸಕ್ಕೆ ಹೋಗಿದ್ದೆ ಈ ಸಮಯದಲ್ಲಿ ನನ್ನ ಗಂಡ ನನ್ನ ಕರೆಗಳನ್ನು ಉತ್ತರಿಸುತ್ತಿರಲಿಲ್ಲ. ಹಾಗಾಗಿ ನಾನು ಬ್ಲಿಂಕಿಟ್‌ ಏಜೆಂಟ್​ಗೆ ಮನೆಯಿಂದ ಹೊರಗೆ ಬರುವವರೆಗೂ ಬಾಗಿಲನ್ನು ಬಡಿಯಿರಿ ಎಂದು ಹೇಳಿದೆ ಎಂದು ಕಾಮೆಂಟ್​ ಮಾಡಿದ್ದಾರೆ. ಇನ್ನು ಕೆಲವು ಬಳಕೆದಾರರು ಬ್ಲಿಂಕಿಟ್ ವಿತರಣಾ ಏಜೆಂಟ್‌ನ ಅಸಾಧಾರಣ ಪ್ರಯತ್ನಕ್ಕೆ ಪ್ರಶಂಸಿಸಿದರು (ಏಜೆನ್ಸೀಸ್​).